Russia; ವ್ಯಾಗ್ನರ್ ಮಿಲಿಟರಿ ಕಂಪನಿಯೇ ಈಗ ಅಸ್ತಿತ್ವದಲ್ಲಿಲ್ಲ ಎಂದ ಪುಟಿನ್
ವಿಲಕ್ಷಣ ತಿರುವುಗಳ ಸರಣಿಗೆ ಪುಟಿನ್ ಅವರ ಈ ಪ್ರತಿಕ್ರಿಯೆ ಸೇರ್ಪಡೆ
Team Udayavani, Jul 14, 2023, 5:54 PM IST
ಮಾಸ್ಕೋ :”ವ್ಯಾಗ್ನರ್ ಖಾಸಗಿ ಮಿಲಿಟರಿ ಕಂಪನಿಯು ಕಾನೂನಾತ್ಮಕವಾಗಿ ಅಸ್ತಿತ್ವದಲ್ಲಿಯೇ ಇಲ್ಲ” ಎಂದು ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ಹೇಳಿಕೆ ನೀಡಿದ್ದಾರೆ.
ಕಳೆದ ತಿಂಗಳು ಉಕ್ರೇನ್ ನೊಂದಿಗಿನ ಯುದ್ಧದ ಮಧ್ಯೆ ಪುಟಿನ್ರ 23 ವರ್ಷಗಳ ಆಡಳಿತಕ್ಕೆ ಅತ್ಯಂತ ಗಂಭೀರವಾದ ಬೆದರಿಕೆ ಎಂಬಂತೆ ವ್ಯಾಗ್ನರ್ ಗುಂಪಿನ ಯೆವ್ಗೆನಿ ಪ್ರಿಗೋಷಿನ್ ಅವರ ವಿಫಲ ದಂಗೆ, ಆ ಬಳಿಕದ ವಿಲಕ್ಷಣ ತಿರುವುಗಳ ಸರಣಿಗೆ ಪುಟಿನ್ ಅವರ ಈ ಪ್ರತಿಕ್ರಿಯೆ ಸೇರಿದೆ.
ವ್ಯಾಗ್ನರ್ ಗುಂಪನ್ನು ಉಲ್ಲೇಖಿಸಿ “ಖಾಸಗಿ ಮಿಲಿಟರಿ ಸಂಸ್ಥೆಗಳ ಮೇಲೆ ಯಾವುದೇ ಕಾನೂನು ಇಲ್ಲ.ಇದು ಅಸ್ತಿತ್ವದಲ್ಲಿಲ್ಲ” ಎಂದು ಪುಟಿನ್ ಗುರುವಾರ ತಡರಾತ್ರಿ ರಷ್ಯಾದ ಪತ್ರಿಕೆಯೊಂದಕ್ಕೆ ಹೇಳಿಕೆ ನೀಡಿದ್ದಾರೆ.
ಯೆವ್ಗೆನಿ ಪ್ರಿಗೋಷಿನ್ ಸತ್ತಿರಬಹುದು ಅಥವಾ ಜೈಲಿನಲ್ಲಿದ್ದಾರೆ ಎಂದು ಯುಎಸ್ ಮಾಜಿ ಮಿಲಿಟರಿ ಅಧಿಕಾರಿಯೊಬ್ಬರು ಹೇಳಿದ್ದರು. ಈ ಕುರಿತು ವ್ಯಾಪಕ ಚರ್ಚೆಯೂ ನಡೆದಿತ್ತು.
ಜೂನ್ 29 ರಂದು ಗುಂಪಿನ ಮುಖ್ಯಸ್ಥ ಯೆವ್ಗೆನಿ ಪ್ರಿಗೋಷಿನ್ ಸೇರಿದಂತೆ 35 ವ್ಯಾಗ್ನರ್ ಕಮಾಂಡರ್ಗಳು ಭಾಗವಹಿಸಿದ್ದ ಕ್ರೆಮ್ಲಿನ್ ಕಾರ್ಯಕ್ರಮದ ತನ್ನದೇ ಆದ ಆವೃತ್ತಿಯನ್ನು ಕೊಮ್ಮರ್ಸಾಂಟ್ಗೆ ಪುಟಿನ್ ವಿವರಿಸಿದ್ದರು. ಮಾಸ್ಕೋ ವಿರುದ್ಧ ಪ್ರಿಗೋಷಿನ್ ಮತ್ತು ಅವರ ಪಡೆಗಳು ಬೆರಗುಗೊಳಿಸಿದ್ದ ಅಲ್ಪಾವಧಿಯ ದಂಗೆ ನಡೆಸಿದ ಕೇವಲ ಐದು ದಿನಗಳ ನಂತರ ಆ ಸಭೆ ನಡೆದಿರುವ ಕುರಿತು ರಷ್ಯಾ ಅಧಿಕಾರಿಗಳು ಈ ವಾರದ ಆರಂಭದಲ್ಲಿ ಬಹಿರಂಗಪಡಿಸಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bribe: ಲಂಚ ಸ್ವೀಕರಿಸುವ ವೇಳೆ ಲೋಕಾಯುಕ್ತ ಬಲೆಗೆ ಬಿದ್ದ ಶಿಡ್ಲಘಟ್ಟ ತಾ.ಪಂ ಇಒ ಮುನಿರಾಜು
Prajwal Revanna Case: ಮಾತೃಶಕ್ತಿಗೆ ಅವಮಾನವಾಗೋದನ್ನು ಸಹಿಸಿಕೊಳ್ಳಲ್ಲ: ಅಮಿತ್ ಶಾ
JDS: ಆಶ್ಲೀಲ ವಿಡಿಯೋ ಪ್ರಕರಣ; ಜೆಡಿಎಸ್ ಪಕ್ಷದಿಂದ ಪ್ರಜ್ವಲ್ ರೇವಣ್ಣ ಅಮಾನತು
ಈ ಪೆನ್ಡ್ರೈವ್ನಲ್ಲಿರುವ ವಿಡಿಯೋ ನಿಜ: ನಾನು, ಹೀರೊಯಿನ್ ಸೇರಿ ಮಾಡಿದ ವಿಡಿಯೋ ಇದು; ಪ್ರಥಮ್
Neha ಹತ್ಯೆ ಪ್ರಕರಣ ಮುಚ್ಚಿ ಹಾಕುವ ಯತ್ನ ನಡೆಯುತ್ತಿದೆ: ಸರಕಾರದ ವಿರುದ್ಧ ಆರ್.ಅಶೋಕ್ ಕಿಡಿ