ಪ್ರಾಣಿ ಪ್ರಪಂಚದ ಚಿತ್ರಣವನ್ನೇ ಬದಲಿಸಲಿದೆ ತಾಪಮಾನ
Team Udayavani, Oct 20, 2020, 1:46 AM IST
ಹಿಂದೆಂದಿಗಿಂತಲೂ ಹೆಚ್ಚು ಪ್ರಸ್ತುತ ಶತಮಾನದಲ್ಲಿ ಆಕ್ಟಿಕ್ನಲ್ಲಿನ ಮಂಜುಗಡ್ಡೆಯ ಪದರವು ಕರಗುತ್ತಿದೆ ಎಂಬ ಅಂಶವನ್ನು ನ್ಯಾಷನಲ್ ಸ್ನೋ ಆ್ಯಂಡ್ ಐಸ್ ಡೇಟಾ ಸೆಂಟರ್ ಬಹಿರಂಗಪಡಿಸಿದೆ. ಈ ವರ್ಷದ ಸೆಪ್ಟೆಂಬರ್ ವೇಳೆಗೆ ಮಂಜಿನ ಗಡ್ಡೆಗಳು 14 ಲಕ್ಷ ಎಕರೆಗಳಷ್ಟು ತಗ್ಗಿವೆ ಎಂದು ವರದಿ ಹೇಳಿದೆ. ಇದೇ ವೇಳೆ, ಹವಾಮಾನ ವೈಪರೀತ್ಯವನ್ನು ತಡೆಯದೇ ಹೋದರೆ ಇನ್ನು ಕೆಲವೇ ವರ್ಷಗಳಲ್ಲಿ ಪ್ರಾಣಿ ಪ್ರಪಂಚ ಹೇಗೆ ವಿನಾಶದತ್ತ ಸಾಗಲಿದೆ ಎಂಬುದನ್ನು ನ್ಯಾಚುರಲಿಸ್ಟ್ ಸ್ಟೀವ್ ಬ್ಯಾಕ್ಶಲ್ ಕಲ್ಪಿಸಿಕೊಂಡಿದ್ದಾರೆ. ತಾಪಮಾನ ಹೆಚ್ಚಳ, ನಿರ್ಗಲ್ಲುಗಳ ಕರಗುವಿಕೆ, ಸಮುದ್ರದ ಉಷ್ಣತೆ ಏರಿಕೆಯಿಂದ ಆಕ್ಟಿìಕ್ನ ಪ್ರಾಣಿಗಳ ದೇಹಸ್ಥಿತಿಯಲ್ಲಿ ಯಾವ ರೀತಿ ಬದಲಾವಣೆ ಆಗಲಿದೆ ಎಂಬುದನ್ನು ವಿವರಿಸಿದ್ದಾರೆ. ಅವರ ಊಹೆ ಹೀಗಿದೆ:
ಹಿಮ ಕರಡಿಯ ಬಣ್ಣ ಬದಲು
2040ರ ವೇಳೆಗೆ ಆಕ್ಟಿìಕ್ನಲ್ಲಿ ಮಂಜು ಕಾಣೆಯಾಗುತ್ತದೆ. ಹಿಮಕರಡಿಗಳು ಒಂದೋ ಹಸಿವಿನಿಂದ ಸಾಯುತ್ತವೆ ಅಥವಾ ದೀರ್ಘಕಾಲ ಈಜುತ್ತಾ ಕೊನೆಗೊಂದು ದಿನ ಮುಳುಗಿ ಸಾಯುತ್ತವೆ. ಹೇಗೋ ಭೂಪ್ರದೇಶ ತಲುಪುವ ಬೆರಳೆಣಿಕೆಯ ಕರಡಿಗಳು, ತಮ್ಮ ಶುಭ್ರ ಶ್ವೇತವರ್ಣ ಕಳೆದುಕೊಂಡು ಬೂದು ಬಣ್ಣಕ್ಕೆ ತಿರುಗಬಹುದು. ಯಾವುದೋ ತ್ಯಾಜ್ಯದ ರಾಶಿಯಲ್ಲಿ ಆಹಾರ ಹುಡುಕುತ್ತಾ ದಿನಕಳೆಯಬಹುದು.
ಪಫಿನ್ಗೂ ತಟ್ಟಲಿದೆ ಬಿಸಿ
ಅಟ್ಲಾಂಟಿಕ್ ಸಾಗರದಲ್ಲಿ ಕಂಡುಬರುವ ದೊಡ್ಡ ಕೊಕ್ಕಿನ ಹಕ್ಕಿಯಿದು. ನೀರಿನ ತಾಪಮಾನ ಹೆಚ್ಚುವ ಕಾರಣ ಪಫಿನ್ಗಳು ಆಕ್ಟಿìಕ್ನ ಉತ್ತರ ಭಾಗದತ್ತ ಸಂಚರಿಸಬಹುದು. ಸಾಮಾನ್ಯವಾಗಿ ಒಂದು ಋತುವಿನಲ್ಲಿ ಈ ಹಕ್ಕಿಗಳ ಕೊಕ್ಕು ಪ್ರಖರ ಬಣ್ಣಕ್ಕೆ ತಿರುಗುತ್ತದೆ. ಆದರೆ ಹವಾಮಾನ ವೈಪರೀತ್ಯ ದಿಂದಾಗಿ ಈ ಪ್ರಕ್ರಿಯೆಯೇ ಸ್ಥಗಿತಗೊಳ್ಳಬಹುದು. ಕೊಕ್ಕು ಮತ್ತು ರೆಕ್ಕೆಗಳ ಬಣ್ಣ ಪೇಲವವಾಗಬಹುದು.
ಕುಗ್ಗಲಿದೆ ಕಡಲ ಸಿಂಹ
ಸೀಲ್ ಜಾತಿಯ ಕಡಲ ಪ್ರಾಣಿ ವಾಲಸ್ನ ದೇಹದ ಬಣ್ಣ ಕಡುಗುಲಾಬಿ ಬಣ್ಣಕ್ಕೆ ತಿರುಗುತ್ತದೆ. ತಿನ್ನಲು ಆಹಾರವಿಲ್ಲದೇ ಇದರ ಗಾತ್ರ ಕುಗ್ಗುತ್ತಾ ಸಾಗುತ್ತದೆ. ಸಾಮಾನ್ಯವಾಗಿ ಮಂಜುಗಡ್ಡೆಯಿಂದ ಹೊರಬರಲು ಸಹಾಯಮಾಡುವಂಥ ಇದರ ಕೋರೆಹಲ್ಲುಗಳಿಗೆ ಕೆಲಸವೇ ಇಲ್ಲದಂತಾಗುತ್ತದೆ. ಇತರೆ ಪ್ರಾಣಿಗಳ ಆಕ್ರಮಣದಿಂದ ತಪ್ಪಿಸಿಕೊಳ್ಳಲಷ್ಟೇ ಈ ಹಲ್ಲುಗಳು ಬಳಕೆಯಾಗಬಹುದು.
ಸಣಕಲಾಗುವ ನರಿ
ಬದಲಾದ ಹೊಸ ಜಗತ್ತಿನಲ್ಲಿ ಬದುಕುಳಿಯುವ ಸಲುವಾಗಿ ನರಿಗಳ ದೇಹದ ಗಾತ್ರವೇ ಬದಲಾಗಲಿದೆ. ಉಷ್ಣತೆ ಹೆಚ್ಚುತ್ತಾ ಹಸಿರು ಹೊದಿಕೆಯ ನೆಲವೂ ಮರುಭೂಮಿ ಯಂತಾಗುವ ಕಾರಣ, ನರಿಗಳ ಕಿವಿಗಳು ದೊಡ್ಡದಾಗುತ್ತಾ, ಕಾಲುಗಳು ಉದ್ದವಾಗುತ್ತಾ ಸಾಗಲಿದೆ. ಹಸಿವಿನಿಂದಾಗಿ ಹೊಟ್ಟೆಯು ಬೆನ್ನಿಗೆ ಅಂಟಲಿದೆ, ದೇಹವು ಸಣಕಲಾಗಲಿದೆ.
ಲೋಳೆ ಮೀನಿಗೆ ಹೆಚ್ಚು ಶಕ್ತಿ
ತಾಪಮಾನ ಏರಿಕೆಯು ಎಲ್ಲ ಪ್ರಾಣಿಗಳ ಮೇಲೂ ಪ್ರತಿಕೂಲ ಪರಿಣಾಮ ಬೀರಿದರೆ, ಅಚ್ಚರಿಯೆಂಬಂತೆ ಲೋಳೆ ಮೀನು(ಜೆಲ್ಲಿ ಫಿಶ್) ಮಾತ್ರ ಉಷ್ಣತೆ ಹೆಚ್ಚಿರುವ ನೀರಿನಲ್ಲಿ ಹೆಚ್ಚು ಶಕ್ತಿಶಾಲಿಯಾಗಲಿದೆ. ಅವುಗಳ ಗಾತ್ರವೂ ಹಿಗ್ಗಲಿದ್ದು, ಇನ್ನಷ್ಟು ವಿಷಯುಕ್ತವಾಗಲಿವೆ. ಅಂದರೆ, ಈ ಮೀನುಗಳು ಬಾಟಲ್ನೋಸ್ ಡಾಲ್ಫಿನ್ಗಳಂಥ ಬೃಹದಾಕಾರದ ಮೀನುಗಳನ್ನೂ ಬೇಟೆಯಾಡುವಷ್ಟು ಶಕ್ತಿ ಗಳಿಸಲಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!
MUST WATCH
ಹೊಸ ಸೇರ್ಪಡೆ
Uttara Kannada ಸಮುದ್ರದಲ್ಲಿ ಮತ್ತೆ ಜೆಲ್ಲಿಫಿಶ್ಗಳು: ಪ್ರವಾಸಿಗರಿಗೆ ಭಯ
IPL ;ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಗೆ 12 ರನ್ಗಳ ಜಯ
Belthangady: ಸ್ಕೂಟರ್ ಢಿಕ್ಕಿಯಾಗಿ ರಸ್ತೆ ದಾಟುತ್ತಿದ್ದ ವ್ಯಕ್ತಿ ಸಾವು
Politics: ಚಿತ್ರದುರ್ಗ ರಾಜಕೀಯ ನಿರಾಶ್ರಿತರ ಕೇಂದ್ರವೇ?: ರಘುಚಂದನ್
PSI re-examination: ಪಿಎಸ್ಐ ಮರು ಪರೀಕ್ಷೆ, ಅಂತಿಮ ಅಂಕಪಟ್ಟಿ ಬಿಡುಗಡೆ