ಭಾರತ- ಆಸೀಸ್‌ ಪಂದ್ಯ ; ಮೈದಾನದಲ್ಲಿ ವಿಜಯ್‌ ಮಲ್ಯ ಹಾಜರ್‌ !

ಗಡಿಪಾರು ಭೀತಿಯಲ್ಲಿರುವ ಮದ್ಯದ ದೊರೆಯ ದರ್ಬಾರು !

Team Udayavani, Jun 9, 2019, 4:30 PM IST

ಲಂಡನ್‌ : ಭಾರತೀಯ ಬ್ಯಾಂಕುಗಳಿಗೆ 9,000 ಕೋಟಿ ರೂ. ಸಾಲವನ್ನು ಸುಸ್ತಿ ಇರಿಸಿ ಲಂಡನ್‌ಗೆ ಪಲಾಯನ ಮಾಡಿರುವ ಮದ್ಯ ದೊರೆ ವಿಜಯ್‌ ಮಲ್ಯ ಗುರುವಾರ ದಿ ಓವೆಲ್‌ ಮೈದಾನದಲ್ಲಿ ನಡೆಯುತ್ತಿರುವ ಐಸಿಸಿ ವಿಶ್ವಕಪ್‌ನ ಭಾರತ ಮತ್ತು ಆಸ್ಟ್ರೇಲಿಯ ತಂಡಗಳ ನಡುವಿನ ರೋಚಕ ಹಣಾಹಣಿಗೆ ಪ್ರೇಕ್ಷಕರಾಗಿದ್ದಾರೆ.

ಹೈವೋಲ್ಟೆಜ್‌ ಪಂದ್ಯದಲ್ಲಿ ಟಾಸ್‌ಗೆದ್ದ ಭಾರತ ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿದ್ದು ಮೊದಲ 20 ಓವರ್‌ಗಳಲ್ಲಿ ವಿಕೆಟ್‌ ನಷ್ಟವಿಲ್ಲದೆ ಭರ್ಜರಿ ಆರಂಭ ಮಾಡಿದೆ. 117 ರನ್‌ ಗಳಿಸಿದೆ. ರೋಚಕ ಹಣಾಹಣಿಗೆ ಸಾವಿರಾರು ಭಾರತೀಯರು ಸಾಕ್ಷಿಯಾಗಿದ್ದಾರೆ.

ಸದ್ಯ ಮಲ್ಯ ಅವರನ್ನು ಭಾರತಕ್ಕೆ ಗಡೀಪಾರು ಮಾಡುವ ಪ್ರಕ್ರಿಯೆಯನ್ನುಸರ್ಕಾರ ಮಾಡುತ್ತಿದೆ ಎಂದು ವಿದೇಶ ವ್ಯವಹಾರಗಳ ಸಚಿವಾಲಯದ ವಕ್ತಾರ ರವೀಶ್‌ ಕುಮಾರ್‌ ಹೇಳಿದ್ದಾರೆ.

ಮಲ್ಯ ವಿರುದ್ಧದ ಗಡೀಪಾರು ವಿಚಾರಣೆ ಮುಗಿದಿದ್ದು, ನಾವೀಗ ನ್ಯಾಯಾಲಯದ ತೀರ್ಪನ್ನು ಎದುರು ನೋಡುತ್ತಿದ್ದೇವೆ. ತೀರ್ಪು ಬಂದ ಬಳಿಕ ಮಲ್ಯ ಭಾರತಕ್ಕೆ ಬೇಗನೆ ಗಡೀಪಾರಾಗಲಿದ್ದಾರೆ ಎಂದು ವಿದೇಶ ವ್ಯವಹಾರಗಳ ಸಚಿವಾಲಯದ ವಕ್ತಾರ ರವೀಶ್‌ ಕುಮಾರ್‌ ಹೇಳಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ