ಗರಿಗರಿಯಾದ ರವೆ ವಡೆ

Team Udayavani, Feb 9, 2019, 7:04 AM IST

ಉದ್ದಿನ ವಡೆ ಎಂದರೆ ಬಹುತೇಕ ಎಲ್ಲರಿಗೂ ಇಷ್ಟ. ಆದರೆ ಇದನ್ನು ಮಾಡಬೇಕಾದರೆ ಉದ್ದನ್ನು 2- 3 ಗಂಟೆಗಳ ಕಾಲವಾದರೂ ನೆನೆಸಿಡಬೇಕು. ಬಳಿಕ ಅದನ್ನು ರುಬ್ಬಿ ಮಾಡಬೇಕಾದರೆ ಸುರಿಸುಮಾರು 4 ಗಂಟೆಗಳ ಅವಧಿಯಾದರೂ ಬೇಕಾಗುತ್ತದೆ. ಆದರೆ ಅತಿ ಕಡಿಮೆ ಅವಧಿಯಲ್ಲಿ ಅತ್ಯಂತ ಸುಲಭವಾಗಿ ರವೆ ವಡೆಯನ್ನು ಮಾಡಬಹುದು. ಅತಿಥಿಗಳು ಮನೆಗೆ ಬಂದಾಗ, ಸಂಜೆ ಸ್ನಾಕ್‌ಗೆ ತುರ್ತಾಗಿ ಏನಾದರೂ ಮಾಡಬೇಕು ಎಂದಿದ್ದರೆ ರುಚಿರುಚಿಯಾದ, ಗರಿಗರಿಯಾದ ರವೆ ವಡೆಯನ್ನು ಟ್ರೈ ಮಾಡಿ ನೋಡಬಹುದು.

ಇದಕ್ಕೆ ಮುಖ್ಯವಾಗಿ ಬೇಕಿರುವುದು ಸೂಜಿ ರವೆ, ಕತ್ತರಿಸಿದ ಈರುಳ್ಳಿ, ಉಪ್ಪು ರುಚಿಗೆ, ಜೀರಿಗೆ, ಶುಂಠಿ, ಕೊತ್ತಂಬರಿ ಸೊಪ್ಪು, ಮೊಸರು, ಎಣ್ಣೆ, ಚಿಟಿಕೆಯಷ್ಟು ಬೇಕಿಂಗ್‌ ಸೋಡಾ, ಹಸಿಮೆಣಸು ಸುಮಾರು ನಾಲ್ಕು ಮಂದಿಗಾಗುವಷ್ಟು ರವಾ ವಡೆಯನ್ನು ತಯಾರಿಸಬೇಕೆಂದಿದ್ದರೆ ಮೊದಲಿಗೆ ಒಂದು ಹಸಿ ಮೆಣಸು, ಸಣ್ಣ ಗಾತ್ರದ ಶುಂಠಿ, ಒಂದು ಸಾಧಾರಣ ಗಾತ್ರದ ಈರುಳ್ಳಿಯನ್ನು ಕತ್ತರಿಸಿಟ್ಟುಕೊಳ್ಳಿ. ಕಾಲು ಕಪ್‌ ಕೊತ್ತಂಬರಿ ಸೊಪ್ಪನ್ನು ರೆಡಿ ಮಾಡಿ ಇರಿಸಿ. ಒಂದು ಬೌಲ್‌ಗೆ ಒಂದು ಕಪ್‌ ಸೂಜಿ ರವೆ ಹಾಕಿ, ಅರ್ಧ ಕಪ್‌ ಮೊಸರು ಹಾಕಿ ಚೆನ್ನಾಗಿ ಕಲಸಿ. ಇದಕ್ಕೆ ಕತ್ತರಿಸಿ ರೆಡಿ ಮಾಡಿಟ್ಟಿರುವ ಸಾಮಗ್ರಿಗಳನ್ನು ಸೇರಿಸಿ. ಜತೆಗೆ ಅರ್ಧ ಚಮಚ ಜೀರಿಗೆ, ಚಿಟಿಕೆ ಬೇಕಿಂಗ್‌ ಸೋಡಾ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಕಲಸಿ. ನೀವು ತಯಾರಿಸಿಟ್ಟಿರುವ ಹಿಟ್ಟು ಹೆಚ್ಚು ದಪ್ಪವಾಗಿಯೂ, ತೆಳುವಾಗಿಯೂ ಇರದಂತೆ ನೋಡಿಕೊಳ್ಳಿ. ದಪ್ಪವಾಗಿದ್ದರೆ ಸ್ವಲ್ಪ ಮೊಸರು ಸೇರಿಸಬಹುದು.

ಒಟ್ಟಿನಲ್ಲಿ ಕಲಸಿಟ್ಟ ಹಿಟ್ಟು ವಡೆ ತಟ್ಟುವ ಹಾಕಿ ಇರಬೇಕು. ಇದನ್ನು 15- 20 ನಿಮಿಷಗಳ ಮುಚ್ಚಿ ಇಡಿ. ಬಳಿಕ ಕೈಗೆ ಸ್ವಲ್ಪ ಎಣ್ಣೆ ಸವರಿ ವಡೆಯ ಆಕಾರ ಮಾಡಿ ಎಣ್ಣೆಯಲ್ಲಿ ಕೆಂಪು ಬಣ್ಣ ಬರುವವರೆಗೆ ಕರಿಯಿರಿ.ಬಿಸಿ ಬಿಸಿ ಇರುವಾಗಲೇ ಹಸಿ ಮೆಣಸು ಅಥವಾ ಕೆಂಪು ಮಣಸಿನ ಕಾಯಿ ಚಟ್ನಿಯೊಂದಿಗೆ ಸವಿದರೆ ಹೆಚ್ಚು ರುಚಿಯಾಗಿರುವುದು.

ವಿದ್ಯಾ ಕೆ. ಇರ್ವತ್ತೂರು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • "ಅಮ್ಮಾ, ಬೇಗ ಏನಾದ್ರೂ ತಿನ್ನೋಕೆ ಕೊಡು. ನಿನ್ನೆ ಕೊಟ್ಟ ಸ್ನ್ಯಾಕ್ಸ್‌ ಬೇಡ'...ಮಕ್ಕಳದ್ದು ದಿನಾ ಇದೇ ರಾಗ. ತಿನ್ನಲು ಕೊಡುವುದೇನೋ ಸರಿ, ಆದರೆ ಬೇಗ ಕೊಡು, ನಿನ್ನೆ...

  • ಆರೋಗ್ಯ ಎನ್ನುವುದು ಪ್ರತಿಯೊಬ್ಬರಿಗೂ ಬೇಕು. ಅದನ್ನು ಕಾಪಾಡಿಕೊಳ್ಳುವುದು ನಮ್ಮ ಕೈಯಲ್ಲೇ ಇದೆ. ಸಾಮಾನ್ಯವಾಗಿ ತಿನ್ನುವ ಆಹಾರ ಆರೋಗ್ಯಕರವಾಗಿದ್ದರೆ ನಾಮ್ಮ...

  • ಬೇಕಾಗುವ ಸಾಮಗ್ರಿ ಹೆಚ್ಚಿದ ಸೊಪ್ಪು 2 ಹಿಡಿ. ಬೆಳ್ತಿಗೆ ಅಕ್ಕಿ- ಒಂದೂವರೆ ಪಾವು ಕೊತ್ತಂಬರಿ-2 ಚಮಚ ಜೀರಿಗೆ-2 ಚಮಚ ಒಣಮೆಣಸು 2-3, ಉಪ್ಪು, ಹುಳಿ ಸ್ವಲ್ಪ, ತೆಂಗಿನಕಾಯಿ...

  • ಕರ್ನಾಟಕದೆಲ್ಲೆಡೆ ಮನೆ ಮಾತಾಗಿರುವ ಒಂದು ತಿಂಡಿ ರೊಟ್ಟಿ. ಜೋಳದ ರೊಟ್ಟಿ, ಅಕ್ಕಿ ರೊಟ್ಟಿ ಹೀಗೆ ನಾನಾ ಬಗೆಗೆಯ ರೊಟ್ಟಿಗಳು ಕರ್ನಾಟಕದಲ್ಲಿ ಫೇಮಸ್‌. ಒಂದೊಂದು ...

  • ಬೇಕಾಗುವ ಸಾಮಗ್ರಿ ಗೋಧಿ ಹಿಟ್ಟು 2 ಕಪ್‌ ಅಡುಗೆ ಎಣ್ಣೆ 6 ಸ್ಪೂನ್‌ ರುಚಿಗೆ ತಕ್ಕಷ್ಟು ಉಪ್ಪು ಶೇಂಗಾ 1 ಕಪ್‌ ಎಳ್ಳು ಕಾಲು ಕಪ್‌ ಕಪ್‌ ಬೆಲ್ಲ ಮುಕ್ಕಾಲು ಕಪ್‌ ಏಲಕ್ಕಿ...

ಹೊಸ ಸೇರ್ಪಡೆ