ಸ್ಕಿಝೋಫ್ರೇನಿಯಾ

Team Udayavani, Jul 8, 2018, 6:15 AM IST

ಹಿಂದಿನ ವಾರದಿಂದ- ಇದರಲ್ಲಿ. ವ್ಯಕ್ತಿಯು ದೀರ್ಘ‌ ಕಾಲದಿಂದ ಸ್ಕಿಝೋಫ್ರೇನಿಯಾದಿಂದ ಬಳಲುತ್ತಿದ್ದು, ಮುಖ್ಯ ಲಕ್ಷಣಗಳೆಲ್ಲಾ ಸುಮಾರು ಪ್ರಮಾಣದಲ್ಲಿ ಕಡಿಮೆ ಯಾಗಿರುತ್ತದೆ. ಆದರೆ, ಋಣಾತ್ಮಕ ಲಕ್ಷಣಗಳು  (Negative Symptoms) ಹಲವಾರು ವರ್ಷಗಳಿಂದ ಹಾಗೆಯೇ ಉಳಿದುಕೊಂಡಿರುತ್ತವೆ. ಚಲನ-ವಲನಗಳಲ್ಲಿ  ಮಂದಗತಿಯಿರುವುದು, ಪ್ರತಿಕ್ರಿಯೆಗಳಿರದಿರುವುದು, ಮುಖದಲ್ಲಿ ಹಾವ-ಭಾವಗಳಿರುವುದಿಲ್ಲ. ಕಣ್ಣಿಗೆ ಕಣ್ಣಿಟ್ಟು ಮಾತಾಡುವುದಿಲ್ಲ. 

ಧ್ವನಿಯಲ್ಲಿ ಏರಿಳಿತಗಳಿರುವುದಿಲ್ಲ.ದಿನಚರಿಗಳಾದ ಸ್ನಾನ, ಶುಚಿತ್ವಗಳಿರುವುದಿಲ್ಲ. ಸಾಮಾಜಿಕ ಜವಾಬ್ದಾರಿಗಳನ್ನು ಪಾಲಿಸುವುದಿಲ್ಲ. ಕಳೆದ ಒಂದು ವರ್ಷದಲ್ಲಿ  ಯಾವುದೇ ಸಂಶಯಾತ್ಮಕ ನಡವಳಿಕೆ ಅಥವಾ ಕಿವಿಯಲ್ಲಿ ಯಾರೋ ಮಾತಾಡುತ್ತಿದ್ದಾರೆ ಎಂದು ಹೇಳಿರುವುದಿಲ್ಲ ಆದರೆ ಅದಕ್ಕೆ ಮುಂಚಿನ ವರ್ಷಗಳಲ್ಲಿ ಆ ತರಹದ ಲಕ್ಷಣಗಳು ಕಂಡುಬಂದಿರುತ್ತವೆ.

6. ಸಹಜ ಸ್ಕಿಝೋಫ್ರೇನಿಯಾ (Simple Schizophenia)
ಇದು ಅತೀ ವಿರಳವಾಗಿ ಕಂಡುಬರುವ ಸ್ಕಿಝೋಫ್ರೇನಿಯಾ. ಇದು ನಿಧಾನವಾಗಿ ಆರಂಭವಾಗಿ ನಿಧಾನವಾಗಿ ಮುಂದುವರಿಯುತ್ತದೆ. ಇದರಲ್ಲಿ  ಮೇಲೆ ನಮೂದಿಸಿದ ಎಲ್ಲಾ ಲಕ್ಷಣಗಳಲ್ಲಿ ಕೆಲವು ಅಲ್ಪ ಪ್ರಮಾಣಗಳಲ್ಲಿರುತ್ತವೆ. ಹೀಗಾಗಿ ಇದನ್ನು ಗುರುತಿಸುವುದು ಸ್ವಲ್ಪ ಕಷ್ಟಕರ.

ಮನೆಯವರು/ಸ್ನೇಹಿತರು/
ಸಹೋದ್ಯೋಗಿಗಳು 
ಗುರುತಿಸುವುದು ಹೇಗೆ?
ಮೇಲೆ ನಮೂದಿಸಿದ ಲಕ್ಷಣಗಳನ್ನು ಸಾಮಾನ್ಯ ಜನರು ವಿಂಗಡಿಸಿ ಗುರುತಿಸುವುದು ಕಷ್ಟಕರವಾಗಬಹುದು. ಆದರೆ ವ್ಯಕ್ತಿಯಲ್ಲಿ ತೊಂದರೆಯಿದೆ ಎಂದು ಗುರುತಿಸುವುದು ಅತೀ ಮುಖ್ಯ.