ಹಾರಿಬಂದ ಕಾಪಿಚೀಟಿಯ ಪ್ರಸಂಗ

Team Udayavani, May 21, 2019, 6:00 AM IST

ಡಿಗ್ರಿಯ ಕೊನೆಯ ಸೆಮಿಸ್ಟರ್‌ ಶುರುವಾಗಲು, ಇನ್ನು ಹತ್ತು ನಿಮಿಷ ಬಾಕಿ ಇತ್ತು. ಸೈರನ್‌ ಕೂಗಿದ್ದೇ ತಡ… ಎಲ್ಲರೂ ಪರೀಕ್ಷೆ ಹಾಲ್‌ಗೆ ಹಾಜರಾದೆವು. ರೂಮ್‌ ಸೂಪರ್‌ವೈಸರ್‌, ಎಲ್ಲರ ಜೇಬುಗಳನ್ನು ಚೆಕ್‌ ಮಾಡಿ, ಒಳಗೆ ಬಿಟ್ಟರು. ನನ್ನ ಅಕ್ಕಪಕ್ಕದಲ್ಲಿ ಬೇರೆ ಬ್ರ್ಯಾಂಚ್‌ನ ವಿದ್ಯಾರ್ಥಿಗಳಿದ್ದರು. ಪರೀಕ್ಷೆ ಆರಂಭವಾಗಿ ಅರ್ಧ ಗಂಟೆ ಸರಿಯಿತು. ಯಾರೋ ಹಿಂದಿನಿಂದ ಕಾಪಿಚೀಟಿ ಎಸೆದಿದ್ದರು. ಅದು ನನ್ನ ಬೆಂಚ್‌ನ ಮೇಲೆ ಬಿದ್ದಿರೋದು ಗೊತ್ತಾಗಲಿಲ್ಲ.

ಆದರೆ, ಇದನ್ನು ಬೇರೆ ಡಿಪಾರ್ಟ್‌ಮೆಂಟ್‌ನ ಲೆಕ್ಚರರೊಬ್ಬರು ಗಮನಿಸಿ, ಅವರು ಒಳಗೆ ಬರೋದೊÅಳಗೆ ಸ್ಕಾಡ್‌ಗಳು ಬಂದಾಗಿತ್ತು. ದುರಾದೃಷ್ಟವಶಾತ್‌, ನೇರವಾಗಿ ನನ್ಹತ್ರ ಬಂದು ಪೇಪರ್‌ ಕಸಿದುಕೊಂಡ್ರು. “ಕಾಪಿಚೀಟಿ ಮಾಡ್ಕೊಂಡ್‌ ಬಂದಿದ್ದೀಯ? ಹೋಗು, ಆಚೆ ಹೋಗು… ಪರೀಕ್ಷೆ ಬರೆಯೋದು ಬೇಡ… ಡಿಬಾರ್‌’ ಅಂತ ಹೇಳಿಯೇಬಿಟ್ಟರು. ನನ್ನ ಕೈಕಾಲುಗಳು ಕಂಪಿಸತೊಡಗಿದವು. ಕೊನೆಯ ಪರೀಕ್ಷೆ ಬೇರೆ! “ನಾನು ಕಾಪಿ ಮಾಡಿಲ್ಲ ಸರ್‌, ಆ ಕಾಪಿ ಚೀಟಿ ನಂದಲ್ಲ’ ಅಂತ ಎಷ್ಟೇ ಗೊಗರೆದರೂ ಲೆಕ್ಕಿಸಲಿಲ್ಲ. ನನ್ನನ್ನು ಗಮನಿಸಿದ ಲೆಕ್ಚರರ್‌ ಒಬ್ಬರು ಒಳಗೆ ಬಂದು, “ಕಾಪಿಚೀಟಿ ಚೆಕ್‌ಮಾಡಿ ನೋಡಿ ಸರ್‌’ ಅಂತ ಹೇಳಿ, ನನ್ನ ಕಡೆ ನೋಡಿ, “ಸುಮ್ನೆ ಇರು ಸಲ್ಪ’ ಅಂದರು. ಚೀಟಿ ಚೆಕ್‌ ಮಾಡಿದ ಸ್ಕಾÌಡ್‌ಗಳಿಗೆ, ಆ ಕಾಪಿಚೀಟಿ ನನ್ನದಲ್ಲ ಅಂತ ಮನವರಿಕೆ ಆಯಿತು. ನಿಜಕ್ಕೂ ಅಂದು ಆ ಮೇಷ್ಟ್ರು ಇರದಿದ್ದರೆ, ನನ್ನ ಭವಿಷ್ಯ ಹಾಳಾಗುತ್ತಿತ್ತು.

– ಬಾಬು ಪ್ರಸಾದ್‌ ಎ.,ಬಳ್ಳಾರಿ