ಮೊಬೈಲ್‌ ಗಾದೆಗಳು!

Team Udayavani, Feb 9, 2020, 5:24 AM IST

– ಗಂಡ-ಹೆಂಡಿರ ಜಗಳ ನೆಟ್‌ಪ್ಯಾಕ್‌ ಮುಗಿಯೋ ತನಕ
– ಹುಚ್ಚು ಮರುಳೆಯ ಮದುವೆಯ ಗಜಿಬಿಜಿಯಲ್ಲಿ ಮೊಬೈಲ್‌ ರಿಂಗ್‌ ಆದದ್ದು ಕೇಳಿಸಿಕೊಂಡವನೇ ಜಾಣ.
– ಪ್ರೀತಿ ಮಾಡಬಾರದು, ಮಾಡಿದರೆ ಮೊಬೈಲ್‌ನಲ್ಲಿ ಮೆಸೇಜ್‌ ಹಾಕಬಾರದು.
– ಅಲ್ಪನಿಗೆ ಐಶ್ವರ್ಯ ಬಂದರೆ ಅರ್ಧರಾತ್ರಿಯಲ್ಲಿ ಫೇಸ್‌ಬುಕ್‌ ಚೆಕ್‌ ಮಾಡಿದನಂತೆ.
– ಮೊಬೈಲ್‌ ತೆಗೆದುಕೊಳ್ಳುವ ಮೊದಲೇ ಕವರ್‌ ಹೊಲಿಸಿದ.
– ಗಂಡಸಿಗೇಕೆ ಗೌರಿಯ ಮೊಬೈಲ್‌.
– ಕೋಟಿ ವಿದ್ಯೆಗಿಂತ, ಚಾಟಿಂಗ್‌ ವಿದ್ಯೆ ಮೇಲು.
– ಛಾರ್ಜ್‌ ಫ‌ುಲ್‌ ಆದ ಮೇಲೆ ಛಾರ್ಜರ್‌ ಎಸೆದನಂತೆ.
– ಸಿಗ್ನಲ್‌ ಸಿಕ್ಕಿದಾಗ ಕರೆನ್ಸಿ ಇಲ್ಲ, ಕರೆನ್ಸಿ ಇದ್ದಾಗ ಸಿಗ್ನಲ್‌ ಇಲ್ಲ.
– ಮಾತು ಆಡಿದರೆ ಹೋಯಿತು, ಮೊಬೈಲ್‌ ಬಿದ್ದರೆ ಹೋಯಿತು.
– ಮೊಬೈಲ್‌ಗಿಂತ ಅದರ ಕವರ್‌ ಭಾರ.
– ಇಂದಿನ ಮಕ್ಕಳೇ ಮುಂದಿನ ಇಂಟರ್ನೆಟ್‌ ಬಳಕೆದಾರರು.
– ಊರಿಗೆ ಬಂದವನು ಛಾರ್ಜರ್‌ ಕೇಳಿಕೊಂಡು ಬಾರದಿರುವನೆ?
– ಕಾಮಕ್ಕೆ ಕಣ್ಣಿಲ್ಲ , ವಾಟ್ಸಾಪ್‌ ನೋಡುವವನಿಗೆ ಮಾನಮರ್ಯಾದೆ ಇಲ್ಲ.
– ಮೊಬೈಲೇ ಮಕ್ಕಳ ಮೊದಲ ಶಾಲೆ.
– ಆಳಾಗಿ ದುಡಿದರೆ ಸ್ಮಾರ್ಟ್‌ಫೋನ್‌ಗೆ ಅರಸನಾಗಬಹುದು.
– ಚಾಟಿಂಗ್‌ನಲ್ಲಿ ಮುಳುಗಿರುವವನ ಮುಂದೆ ಕಿನ್ನರಿ ಬಾರಿಸಿದ ಹಾಗೆ.
– ಮೊಬೈಲ್‌ನ ಸ್ಕ್ರೀನ್‌ ಒಡೆದರೆ ದನಿ ಒಡೆಯುತ್ತದೆಯೆ?
– ಮೊಬೈಲ್‌ನ ಪಾಸ್‌ವರ್ಡ್‌ ಗೊತ್ತಾದರೆ ಬಣ್ಣಗೇಡು.
– ಕೈಕೆಸರಾದರೆ ತೊಳೆದು ಮೊಬೈಲ್‌ ಮುಟ್ಟು .
– ಕಾಲು ಇದ್ದಷ್ಟು ಹಾಸಿಗೆ, ದುಡ್ಡು ಇದ್ದಷ್ಟು ಕರೆನ್ಸಿ.
– ಜ್ಞಾನ ದೇಗುಲವಿದು, ಮೊಬೈಲ್‌ ಸ್ವಿಚ್‌ ಆಫ್ ಮಾಡಿ ಒಳಗೆ ಬನ್ನಿ. .ಮೊಬೈಲ್‌ ಚಿಕ್ಕದಾದರೂ ಜಂಭ ದೊಡ್ಡದು.
– ಶಿವಪೂಜೇಲಿ ಮೊಬೈಲ್‌ ರಿಂಗ್‌ ಆದ ಹಾಗೆ.
– ಎಂಜಲು ಕೈಯಲ್ಲಿ ಮೊಬೈಲ್‌ ಮುಟ್ಟದವನು.
– ಮೊಬೈಲ್‌ ಹಲವು, ಛಾರ್ಜರ್‌ ಒಂದು.
– ಕಣ್ಣಾರೆ ಕಂಡರೂ ಯೂಟ್ಯೂಬ್‌ನಲ್ಲಿ ಪರಾಂಬರಿಸಿ ನೋಡಬೇಕು.
– ಕುಂಬಳಕಾಯಿ ಕಳ್ಳ ಎಂದರೆ ವಾಟ್ಸಾಪ್‌ ಚೆಕ್‌ ಮಾಡಿದನಂತೆ.
– ಅಡಿಕೆಗೆ ಹೋದ ಮಾನ ಆ್ಯಪಲ್‌ ಫೋನ್‌ ಕೊಟ್ಟರೂ ಬಾರದು.