Flipkart, Amazon Diwali Sale: ಯಾವೆಲ್ಲ ಫೋನ್ ಗಳಿಗಿವೆ ಡಿಸ್ಕೌಂಟ್? ಇಲ್ಲಿದೆ ಮಾಹಿತಿ
Team Udayavani, Oct 31, 2020, 7:58 PM IST
ನವದೆಹಲಿ: ಫ್ಲಿಫ್ ಕಾರ್ಟ್ ಬಿಗ್ ದಿವಾಲಿ ಸೇಲ್ ಹಾಗೂ ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಗ್ರಾಹಕರಿಗೆ ಈಗಾಗಲೇ ಅತೀ ದೊಡ್ಡ ಪ್ರಮಾಣದಲ್ಲಿ ಡಿಸ್ಕೌಂಟ್ ಮತ್ತು ಆಫರ್ ಗಳನ್ನು ಒದಗಿಸಿಕೊಟ್ಟಿದೆ. ಸ್ಮಾರ್ಟ್ ಫೋನ್ ಗಳು ಕೂಡ ಎಂದಿನ ದರಕ್ಕಿಂತ ಕಡಿಮೆ ಬೆಲೆಯಲ್ಲಿ ದೊರಕುತ್ತಿದೆ.
ನೀವು ಫ್ಲಿಫ್ ಕಾರ್ಟ್ ಮತ್ತು ಅಮೆಜಾನ್ ಏರ್ಪಡಿಸಿದ ‘ಬಿಗ್ ಸೇಲ್’ ಗಳನ್ನು ಮಿಸ್ ಮಾಡಿಕೊಂಡಿದ್ದರೇ, ಈಗಲೂ ಕೂಡ ಕಡಿಮೆ ದರದಲ್ಲಿ ಸ್ಮಾರ್ಟ್ ಫೋನ್ ಸೇರಿದಂತೆ ಇತರ ವಸ್ತುಗಳನ್ನು ಪಡೆಯುವ ಅವಕಾಶ ನಿಮಗಿದೆ. ಹೀಗಾಗಿ ಅಮೆಜಾನ್ ಹಾಗೂ ಫ್ಲಿಫ್ ಕಾರ್ಟ್ ನ ‘ದಿವಾಲಿ ಸೇಲ್’ ನಲ್ಲಿ ಯಾವೆಲ್ಲಾ ಸ್ಮಾರ್ಟ್ ಫೋನ್ ಗಳು ಕಡಿಮೆ ದರದಲ್ಲಿ ಮಾರಟಕ್ಕಿವೆ ಎಂಬ ಮಾಹಿತಿ ಇಲ್ಲಿದೆ.
ಈ ಕೆಳಗೆ ನೀಡಿರುವ ಎಲ್ಲಾ ಸ್ಮಾರ್ಟ್ ಫೋನ್ ಗಳಿಗೂ ಕೂಡ ಡಿಸ್ಕೌಂಟ್ ಲಭ್ಯವಿದೆ. ಮಾತ್ರವಲ್ಲದೆ ಎಕ್ಸ್ ಚೇಂಜ್ ಆಫರ್, ನೋ ಕಾಸ್ಟ್ ಇಎಂಐ, ಮತ್ತು ಇತರ ಸೇವೆಗಳು ಕೂಡ ಸಿಗಲಿವೆ.
ಐಫೋನ್ 11 ಪ್ರೋ: ಈ ಸ್ಮಾರ್ಟ್ ಫೋನ್ 79,999 ರೂ. ಗಳಿಗೆ ದೊರಕುತ್ತಿದ್ದು, ಇದರ ಮೂಲ ಬೆಲೆ 1,06,600 ರೂ.
ಐಫೋನ್-XR: 6.1 ಇಂಚಿನ ರೆಟಿನಾ ಡಿಸ್ ಪ್ಲೇ ಹೊಂದಿರುವ ಈ ಪೋನ್ ನ ಮೂಲ ಬೆಲೆ 52,500 ರೂ. ಇದೀಗ ಬಿಗ್ ದಿವಾಲಿ ಸೇಲ್ ನಲ್ಲಿ 39,999 ರೂ ಗಳಿಗೆ ಲಭ್ಯವಿದೆ.
ಸ್ಯಾಮ್ ಸಂಗ್ ಗ್ಯಾಲಕ್ಷಿ ನೊಟ್ 10 ಪ್ಲಸ್: 85,000 ಮೂಲ ಬೆಲೆ ಹೊಂದಿರುವ ಈ ಸ್ಮಾರ್ಟ್ ಪೋನ್ 59,999ಕ್ಕೆ ದೊರಕುತ್ತಿದೆ. ಎಕ್ಸ್ ಚೇಂಜ್ ಆಫರ್ ಕೂಡ ಲಭ್ಯವಿದ್ದು ಇದರೊಂದಿಗೆ Nest Mini & MI smart Speaker ಕೂಡ ಡಿಸ್ಕೌಂಟ್ ಬೆಲೆಯಲ್ಲಿ ದೊರಕುತ್ತಿದೆ.
ಸ್ಯಾಮ್ ಸಂಗ್ ಗ್ಯಾಲಕ್ಷಿ ಎಸ್20 ಪ್ಲಸ್: 83 ಸಾವಿರ ಮೂಲ ಬೆಲೆ ಹೊಂದಿರುವ ಈ ಸ್ಮಾರ್ಟ್ ಫೋನ್, ಡಿಸ್ಕೌಂಟ್ ರೂಪದಲ್ಲಿ 49,999ರೂ ಗಳಿಗೆ ಮಾರಟಕ್ಕಿದೆ. ಸ್ಯಾಮ್ ಸಂಗ್ ನ ಇತ್ತೀಚಿನ ಫ್ಲ್ಯಾಗ್ ಶಿಫ್ ಸ್ಮಾರ್ಟ್ ಫೋನ್ ಗಳಲ್ಲಿ ಅತ್ಯಂತ ಕಡಿಮೆ ದರವನ್ನು ಈ ಸ್ಮಾರ್ಟ್ ಫೋನ್ ಹೊಂದಿದೆ.
ಪೋಕೋ ಎಂ2 ಪ್ರೋ: 6.67 ಇಂಚಿನ ಫುಲ್ ಹೆಚ್ ಡಿ ಪ್ಲಸ್ ಡಿಸ್ ಪ್ಲೇ ಹಾಗೂ 48 ಎಂಪಿ ಕ್ಯಾಡ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿರುವ ಪೋಕೋ ಎಂ2 ಪ್ರೋ 12,999 ರೂಗಳಿಗೆ ದೊರೆಯಲಿದೆ. ಇದರ ಮೂಲ ಬೆಲೆ 16,999 ರೂ. ಗಳು.
ರೆಡ್ಮಿ ನೋಟ್ 8: ಇದು ಕೂಡ ಅತ್ಯುತ್ತಮ ಸ್ಮಾರ್ಟ್ ಫೋನ್ ಆಗಿದ್ದು ದಿವಾಲಿ ಸೇಲ್ ನಲ್ಲಿ 11,499ಕ್ಕೆ ಲಭ್ಯವಿದೆ. ಇದರ ಮೂಲ ಬೆಲೆ 12,999 ರೂ. 48 ಎಂಪಿ ಕ್ಯಾಮೆರಾ, 4000 mAh ಬ್ಯಾಟರಿ ಸಾಮರ್ಥ್ಯ ಹಾಗೂ 512 ಜಿಬಿ ವರೆಗೂ ವಿಸ್ತರಿಸಬಹುದಾದ ಸ್ಟೋರೇಜ್ ಸಾಮರ್ಥ್ಯವನ್ನು ಪಡೆದಿದೆ.
ಇನ್ನು Moto G9 ಸ್ಮಾರ್ಟ್ ಫೋನ್ 9999 (ಮೂಲ ಬೆಲೆ 14,999) ರೂ. ಗಳಿಗೆ ದೊರಕುತ್ತಿದೆ. ರಿಯಲ್ ಮಿ C11 ಬೆಲೆ 6,499 ರೂ. ಗಳು (ಮೂಲ ಬೆಲೆ 8,999), ರಿಯಲ್ ಮಿ X3 Super Zoom 24,999ಕ್ಕೆ (29,999 ರೂ.) ಮಾರಟಕ್ಕಿಡಲಾಗಿದೆ.
ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ ನಲ್ಲಿ ಐಫೋನ್-11 49,999 ರೂ.ಗಳಿಗೆ( ಮೂಲ ಬೆಲೆ 64,900 ರೂ.)ಲಭ್ಯವಿದೆ. ಒನ್ ಪ್ಲಸ್ 8 ಸ್ಮಾರ್ಟ್ ಪೋನ್ 39,999 ರೂಗಳಿಗೆ ದೊರಕಿದರೇ, ರೆಡ್ಮಿ ನೋಟ್ 8 ಪ್ರೋ ಕೇವಲ 12,999ಕ್ಕೆ ಲಭ್ಯವಿದೆ. ಸ್ಯಾಮ್ ಸಂಗ್ ಗ್ಯಾಲಕ್ಷಿ ಎಂ51 ಕೂಡ ಡಿಸ್ಕೌಂಟ್ ಬೆಲೆಯಲ್ಲಿ ದೊರಕುತ್ತಿದ್ದು 22,499 ರೂಗಳನ್ನು ನಿಗದಿಪಡಿಸಲಾಗಿದೆ. ಇನ್ನು 20,990 ಮೂಲ ಬೆಲೆ ಹೊಂದಿರುವ ಒಪ್ಪೋ A52 ಸ್ಮಾರ್ಟ್ ಫೋನ್ 15,999 ರೂ. ಗಳಿಗೆ ದೊರಕುತ್ತಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Reliance Jio Profit; ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
History TV18ನಲ್ಲಿ ವಿಶ್ವದ ಮೊದಲ ಬ್ರೈಲ್ ಸಾಹಿತ್ಯ ಸಾಧನ “ಬೆಂಗಳೂರಿನ ಆನಿ” ಪ್ರಸಾರ
HP ಯಿಂದ AI ಆಧಾರಿತ ಎರಡು ಹೊಸ ಲ್ಯಾಪ್ ಟಾಪ್ ಬಿಡುಗಡೆ
Digital: ಇನ್ನು ಯುಪಿಐ ಮೂಲಕ ನಗದು ಜಮೆಗೆ ಅವಕಾಶ
Lexus NX350h ಭಾರತದ ಮಾರುಕಟ್ಟೆಗೆ ನೂತನ ಐಶಾರಾಮಿ ಕಾರು ಬಿಡುಗಡೆ, ಬೆಲೆ ಎಷ್ಟು ಗೊತ್ತಾ?