ಕೊಪ್ಪಳ: ಮದ್ಯ ಮಾರಾಟ ಬಂದ್ ಮಾಡುವಂತೆ ಒತ್ತಾಯಿಸಿ ಮಹಿಳೆಯರ ಪ್ರತಿಭಟನೆ
Team Udayavani, May 5, 2020, 2:59 PM IST
ಕೊಪ್ಪಳ: ತಾಲೂಕಿನ ಕಿನ್ನಾಳ ಗ್ರಾಮದಲ್ಲಿ ಮದ್ಯ ಮಾರಾಟ ಬಂದ್ ಮಾಡುವಂತೆ ಒತ್ತಾಯಿಸಿ ಮಹಿಳೆಯರು ಮಂಗಳವಾರ ಮದ್ಯ ಮಾರಾಟದ ಅಂಗಡಿ ಮುಂದೆ ಆಕ್ರೋಶ ವ್ಯಕ್ತಪಡಿಸಿದ ಘಟನೆ ನಡೆದಿದೆ. ಜಿಲ್ಲೆಯಲ್ಲಿ ಕೋವಿಡ್ ನಿಯಂತ್ರಣಕ್ಕಾಗಿ ಲಾಕ್ ಡೌನ್ ಜಾರಿಯಲ್ಲಿತ್ತು. ಆಗ ಸರ್ಕಾರ ಮದ್ಯ ಬಂದ್ ಮಾಡಿತ್ತು. ಇದರಿಂದ ನಮ್ಮ ಕುಟುಂಬವು ನೆಮ್ಮದಿಯಿಂದ ಇದ್ದೆವು. ಆದರೆ ಸರ್ಕಾರ ಮದ್ಯ ಮಾರಾಟ ಆರಂಭ ಮಾಡಿ ನಮ್ಮ ಜೀವನಕ್ಕೆ ಕುತ್ತು ತಂದಿದೆ. ಇದರಿಂದ ನಮಗೆ ನೆಮ್ಮದಿ ಇಲ್ಲದಂತಾಗಿದೆ. ಮದ್ಯ ಮಾರಾಟ ಆರಂಭ ಮಾಡಿದ ಮೊದಲ ದಿನವೆ ನಮ್ಮ ಮನೆ ಮಕ್ಕಳು, ಯಜಮಾನರು ಮದ್ಯ ಸೇವನೆ ಮಾಡಿ ನಮಗೆ ತುಂಬ ನೋವು ಕೊಡುತ್ತಿದ್ದಾರೆ. ಮೊದಲೆ ನಮಗೆ ದುಡಿಮೆ ಇಲ್ಲ, ಈ ವೇಳೆ ಊಟಕ್ಕೂ ಕಷ್ಟವಾಗುತ್ತಿದೆ. ಆದರೆ ಸರ್ಕಾರವು ಮದ್ಯದ ಅಂಗಡಿ ತೆರೆದು ನಮ್ಮ ಬದುಕಿಗೆ ಕೊಳ್ಳಿ ಇಡುತ್ತಿದೆ.