ಶೌಚ ಮುಗಿಸುವಷ್ಟರಲ್ಲಿ ದುಬಾರಿ ಕಾರು ಮಾಯ!

Team Udayavani, Mar 16, 2020, 7:17 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ನಿಮಗೆ ನಿಮ್ಮ ಕಾರಿನಲ್ಲಿ ಲಾಂಗ್‌ ಡ್ರೈವ್‌ ಹೋಗುವ ಶೋಕಿ ಇದ್ದಲ್ಲಿ ಮನೆಯಿಂದ ಹೊರಡುವ ಮುನ್ನ ತಪ್ಪದೇ ಶೌಚಾಲಯದಲ್ಲಿ ನಿಮ್ಮೆಲ್ಲಾ ನಿತ್ಯ ಕರ್ಮಗಳನ್ನು ಮುಗಿಸಿಕೊಂಡೇ ಕಾರು ಹತ್ತಿರಿ. ಏಕೆಂದರೆ, ಮಾರ್ಗ ಮಧ್ಯೆ ನಿಮಗೆ ‘ನಿಸರ್ಗದ ಕರೆ’ಯನ್ನು ಪೂರೈಸಲು ‘ಆಂತರಿಕ’ ಒತ್ತಡ ಒದಗಿ ಬಂದು ನೀವು ಕಾರಿನಿಂದ ಕೆಳಗಿಳಿದರೆ ನಿಮ್ಮ ಕಾರು ಏಕಾಏಕಿ ‘ಗಾಯಬ್‌’ ಆಗುವ ಸಾಧ್ಯತೆಗಳೂ ಇರುತ್ತವೆ!

ನೆನ್ನೆ ರವಿವಾರ, ಪ್ರಯಾಣದ ಮಧ್ಯೆ ತಮ್ಮ ಕಾರನ್ನು ನಿಲ್ಲಿಸಿ ಸೂ-ಸೂ ಮಾಡಲು ಕೆಳಗಿಳಿದಿದ್ದ ರಿಷಬ್‌ ಅರೋರಾ ಎಂಬ ವ್ಯಕ್ತಿಯೊಬ್ಬರ ಬೆಲೆಬಾಳುವ ಬಿಎಂಡಬ್ಲ್ಯೂ ಕಾರನ್ನು ಆಗಂತುಕರು ಹೊತ್ತೂಯ್ದಿದ್ದಾರೆ. ಅವರ ಸಂಬಂಧಿಯೊಬ್ಬರ ಕಾರು ಇದಾಗಿದ್ದು ಇದರ ಮೇಲೆ 40 ಲಕ್ಷ ರೂ. ಸಾಲ ಕೂಡ ಇದೆಯಂತೆ!