ಕಾರಿನ ಗ್ಲಾಸಿಗೆ ಅಂಟಿಸಿದ ವಿನಮ್ರತೆ ಪತ್ರ ವೈರಲ್!
Team Udayavani, Jul 1, 2023, 2:03 PM IST
ಬೆಂಗಳೂರು: ನಮ್ಮ ಪಾರ್ಕಿಂಗ್ ಸ್ಥಳದಲ್ಲಿ ನಿಮ್ಮ ವಾಹನ ನಿಲ್ಲಿಸಬೇಡಿ ಎಂದು ಬೆಂಗಳೂರಿನ ಕೋರಮಂಗಲ ನಿವಾಸಿಯೊಬ್ಬರ ಕಾರಿನ ಗ್ಲಾಸಿಗೆ ಅಂಟಿಸಿದ ಪತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸಾರ್ವಜನಿಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
ಎಂಜಿನಿಯರ್ ಸುಭಾಸಿಸ್ ದಾಸ್ ಕೋರಮಂಗಲ ದಲ್ಲಿ ವ್ಯಕ್ತಿಯೊಬ್ಬರ ಮನೆಯ ಮುಂದಿನ ಜಾಗ ದಲ್ಲಿ ಕಾರು ನಿಲುಗಡೆ ಮಾಡಿದ್ದರು. ಇದನ್ನು ಗಮನಿಸಿದ ಮನೆ ಮಾಲೀಕರು ಸುಭಾಸಿಸ್ದಾಸ್ ಅವರ ಮನಸ್ಸಿಗೆ ನೋವಾಗದಂತೆ, ತಮ್ಮ ಅಭಿಪ್ರಾಯವನ್ನು ಪತ್ರವೊಂದರಲ್ಲಿ ಬರೆದು ಇವರ ಕಾರಿನ ಗ್ಲಾಸ್ಗೆ ಅಂಟಿಸಿದ್ದರು. ಇ
ದನ್ನು ಗಮನಿಸಿದ ಸುಭಾಸಿಸ್ದಾಸ್ ಈ ಪತ್ರದ ಫೋಟೋ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಇದೀಗ ಈ ಪತ್ರದ ಫೋಟೊ ಎಲ್ಲೆಡೆ ವೈರಲ್ ಆಗಿದೆ. ಸಾರ್ವಜನಿಕರಿಂದ ಈ ಪತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗಿದ್ದು, ತಮ್ಮ ಅಭಿಪ್ರಾಯಗಳನ್ನು ಕಮೆಂಟ್ ಮಾಡಿದ್ದಾರೆ.
ಪತ್ರದಲ್ಲಿ ಏನಿದೆ?: ಹಾಯ್, ದಯವಿಟ್ಟು ನಿಮ್ಮ ಕಾರನ್ನು ಇಲ್ಲಿ ನಿಲ್ಲಿಸಬೇಡಿ!! ನಾವು ಈ ಹಿಂದೆ ಇಲ್ಲಿ ಪಾರ್ಕಿಂಗ್ ಮಾಡಬೇಡಿ ಎಂದು ನಿಮ್ಮ ಬಳಿ ಮನವಿ ಮಾಡಿದ್ದೆವು. 2000ನೇ ಇಸವಿಯಿಂದ ನಾವು ಇದೇ ಪ್ರದೇಶದಲ್ಲಿ ವಾಸವಿದ್ದು, ನಮ್ಮ ಬಳಿ 2 ಕಾರುಗಳು ಇವೆ ಎಂಬುದನ್ನು ದಯವಿಟ್ಟು ತಿಳಿದುಕೊಳ್ಳಿ. ನಮಗೂ ಉತ್ತಮ ಪಾರ್ಕಿಂಗ್ ಸ್ಥಳದ ಅಗತ್ಯವಿದೆ. ದಯವಿಟ್ಟು ನೀವು ಈ ಹಿಂದೆ ಪಾರ್ಕಿಂಗ್ ಮಾಡುತ್ತಿದ್ದ ಜಾಗದಲ್ಲೇ ನಿಮ್ಮ ಕಾರನ್ನು ಪಾರ್ಕ್ ಮಾಡಿ. ನಾವು ಒಳ್ಳೆಯವರಾಗಿರೋಣ. ಉತ್ತಮ ನೆರೆಹೊರೆಯವರಾಗಿರೋಣ ಧನ್ಯವಾದಗಳು. ಇಂತೀ ನಿಮ್ಮ ನೆರೆಹೊರೆಯವರು ಎಂದು ಉಲ್ಲೇಖೀಸಲಾಗಿದೆ.