Stolen: ಕಂಪೆನಿಯವರ ಸೋಗಿನಲ್ಲಿ ಬಂದು ಮೊಬೈಲ್ ಟವರನ್ನೇ ಕಳ್ಳತನ ಮಾಡಿಕೊಂಡು ಹೋದ ಗ್ಯಾಂಗ್!
Team Udayavani, Apr 15, 2023, 11:29 AM IST
ಪಾಟ್ನಾ: ಹಣವನ್ನು ಕಳ್ಳತನ ಮಾಡಿಕೊಂಡು ಹೋಗುವುದನ್ನು ಕೇಳಿದ್ದೇವೆ. ಎಟಿಎಂ ಮೆಷಿನ್ ನನ್ನೇ ಎತ್ತಿಕೊಂಡು ಹೋಗುವ ಘಟನೆಗಳನ್ನೂ ಕೇಳಿದ್ದೇವೆ. ಆದರೆ ಇಲ್ಲೊಂದು ಕಳ್ಳರ ಗ್ಯಾಂಗ್ ಇಡೀ ಮೊಬೈಲ್ ಟವರ್ ನ್ನೇ ಕಳ್ಳತನ ಮಾಡಿ ಹೋಗಿದ್ದಾರೆ.!
ಬಿಹಾರದ ಮುಜಾಫರ್ಪುರ ಜಿಲ್ಲೆಯಲ್ಲಿ ಕಳ್ಳರು ಸಂಪೂರ್ಣ ಮೊಬೈಲ್ ಟವರನ್ನೇ ಕದ್ದಿದ್ದಾರೆ ಎಂದು ಪೊಲೀಸರು ಶುಕ್ರವಾರ (ಏಪ್ರಿಲ್ 14 ರಂದು) ತಿಳಿಸಿದ್ದಾರೆ.
ನಗರದ ಸದರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಶ್ರಮಜೀವಿ ನಗರದಲ್ಲಿರುವ ಮನೀಶಾ ಕುಮಾರಿ ಎಂಬುವವರ ಮನೆಯ ಬಳಿ ಜಿಟಿಎಎಲ್ ಕಂಪನಿಗೆ ಸೇರಿದ ಮೊಬೈಲ್ ಟವರ್ ಅಳವಡಿಸಲಾಗಿತ್ತು. ಕಳೆದ ಕೆಲ ಸಮಯದ ಹಿಂದೆ ಇದನ್ನು ಆಳವಡಿಸಲಾಗಿತ್ತು.
ಇದನ್ನೂ ಓದಿ: Juhu to Andheri: ಮೊಬೈಲ್ ಕದ್ದು ಪರಾರಿಯಾದ ಕಳ್ಳನನ್ನು ಬೆನ್ನಟ್ಟಿ ಸೆರೆಹಿಡಿದ ಯುವತಿ…
ಜಿಟಿಎಎಲ್ ಕಂಪನಿಯ ಸಿಬ್ಬಂದಿಗಳು ದರ ಪರಿಶೀಲನೆಗೆ ಇತ್ತೀಚೆಗೆ ಬಂದಿದ್ದಾರೆ. ಆದರೆ ಅಲ್ಲಿದ್ದ ಮೊಬೈಲ್ ಟವರ್ ಇಲ್ಲದ್ದನ್ನು ನೋಡಿ ಒಮ್ಮೆ ಶಾಕ್ ಆಗಿದ್ದಾರೆ. ಕಂಪನಿಯ ಅಧಿಕಾರಿ ಶಹನವಾಜ್ ಅನ್ವರ್ ಜಿಲ್ಲೆಯ ಸದರ್ ಪೊಲೀಸ್ ಠಾಣೆಯಲ್ಲಿ ಅಪರಿಚಿತ ವ್ಯಕ್ತಿಗಳ ವಿರುದ್ಧ ಎಫ್ಐಆರ್ ದಾಖಲಿಸಿದ್ದಾರೆ.
ಪೊಲೀಸರು ಈ ಬಗ್ಗೆ ತನಿಖೆ ಕೈಗೊಂಡು ಮನೀಶಾ ಕುಮಾರಿ ಅವರ ಬಳಿ ವಿಚಾರಣೆ ನಡೆಸಿದ್ದಾರೆ. ಆಗ ಅವರು ಕಳೆದ ಕೆಲ ಸಮಯದ ಹಿಂದೆ ಕೆಲ ಜನರು ಟವರ್ ಸರಿಯಾಗಿ ಕೆಲಸ ಮಾಡುತ್ತಿಲ್ಲ. ನಾವು ಟವರ್ ಕಂಪೆನಿ ಅವರೆಂದು ತೆಗೆದಿದ್ದಾರೆ. ಆ ಬಳಿಕ ಅದನ್ನು ಪಿಕ್ ಅಪ್ ವಾಹನದಲ್ಲಿ ಅವರು ಹಾಕಿಕೊಂಡು ಹೋಗಿದ್ದಾರೆ ಎಂದು ಪೊಲೀಸರಿಗೆ ತಿಳಿಸಿದ್ದಾರೆ.
ಉಪಕರಣ, ಜನರೇಟರ್ ಸೆಟ್, ಶೆಲ್ಟರ್ ಮತ್ತು ಸ್ಟೆಬಿಲೈಸರ್ ಸಹ ಸ್ಥಳದಿಂದ ಕಾಣೆಯಾಗಿದೆ. ಇವೆಲ್ಲರ ಒಟ್ಟು ಮೌಲ್ಯ ಸುಮಾರು 4.5 ಲಕ್ಷ ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಪೊಲೀಸರ ತನಿಖೆ ಮುಂದುವೆರೆದಿದೆ.
ಬಿಹಾರದಲ್ಲಿ ಮೊಬೈಲ್ ಟವರ್ ಕಳ್ಳತನವಾಗಿರುವ ಘಟನೆ ನಡೆದಿರುವುದು ಇದು ಎರಡನೇ ಬಾರಿಗೆ. ಈ ಹಿಂದೆಯೂ ಇದೇ ಮಾದರಿಯಲ್ಲಿ ಪಾಟ್ನಾದ ಸಬ್ಜಿ ಬಾಗ್ ಪ್ರದೇಶದಲ್ಲಿ ಮೊಬೈಲ್ ಟವರ್ ಕಳ್ಳತನವಾಗಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Mumbai 26/11 ದಾಳಿಯ ವಕೀಲ ಉಜ್ವಲ್ ನಿಕಮ್ ಗೆ ಬಿಜೆಪಿ ಟಿಕೆಟ್, ಪೂನಮ್ ಗೆ ಕೊಕ್
Interim Bail: ಹೇಮಂತ್ ಸೋರೆನ್ ಗೆ ಮಧ್ಯಂತರ ಜಾಮೀನು ನಿರಾಕರಿಸಿದ ನ್ಯಾಯಾಲಯ
Mamata Banerjee: ಮತ್ತೆ ಎಡವಿ ಬಿದ್ದ ಮಮತಾ ಬ್ಯಾನರ್ಜಿ… ಕಾಲಿಗೆ ಸಣ್ಣ ಗಾಯ
‘ತಾರಕ್ ಮೆಹ್ತಾ ಕಾ ಉಲ್ಟಾ ಚಶ್ಮಾ’ ನಟ ಗುರುಚರಣ್ ಸಿಂಗ್ ನಾಪತ್ತೆ… ಮೊಬೈಲ್ ಸ್ವಿಚ್ ಆಫ್
W.Bengal; ಟಿಎಂಸಿ ಪಕ್ಷವನ್ನು ಭಯೋತ್ಪಾದಕ ಸಂಘಟನೆ ಎಂದು ಘೋಷಿಸಿ: ಸುವೇಂದು ಅಧಿಕಾರಿ