ಟಗರು 2 ಶುರು!
Team Udayavani, Jan 20, 2018, 6:33 PM IST
ಒಂದು ಚಿತ್ರ ಯಶಸ್ವಿಯಾದ ಮೇಲೆ, ಅದರ ಮುಂದುವರೆದ ಭಾಗ ಬರುವುದು ವಾಡಿಕೆ. ಆದರೆ, “ಟಗರು’ ಚಿತ್ರದ ಬಿಡುಗಡೆಯ ಮುನ್ನವೇ ಅದರ ಮುಂದುವರೆದ ಭಾಗವನ್ನು ಶುರು ಮಾಡಲಾಗಿದೆ. ಶನಿವಾರ ಚಿತ್ರದ ಮುಹೂರ್ತ ಸಹ ಆಗಿದ್ದು, ಒಂದು ದೃಶ್ಯದ ಚಿತ್ರೀಕರಣ ಆಗಿದೆ.
ಹೌದು, “ಟಗರು 2′ ಚಿತ್ರದ ಮುಹೂರ್ತ ಸದ್ದಿಲ್ಲದೆ ಶನಿವಾರ ಬೆಳಿಗ್ಗೆ ಆಗಿದೆ. ಕೆಂಪೇಗೌಡ ನಗರದ ಬಂಡಿ ಮಾಕಾಳಮ್ಮ ದೇವಸ್ಥಾನದಲ್ಲಿ ಮುಹೂರ್ತವಾಗಿದೆ. ಮುಹೂರ್ತದ ನಂತರ ಶಿವಣ್ಣ ಲಾಂಗ್ ಹಿಡಿಯುವ ದೃಶ್ಯವನ್ನು ಚಿತ್ರೀಕರಿಸಲಾಗಿದೆ.
“ಟಗರು’ ಚಿತ್ರದ ಕೊನೆಯಲ್ಲಿ ಆ ದೃಶ್ಯ ಬರಲಿದೆ. ಹಾಗೆಯೇ “ಟಗರು 2′ ಚಿತ್ರವು ಸದ್ಯದಲ್ಲೇ ಬಿಡುಗಡೆಯಾಗಲಿದೆ ಎಂಬ ಸಂದೇಶ ಸಹ ಬರಲಿದೆ. “ಚಿತ್ರದ ಮುಂದುವರೆದ ಭಾಗ ಮಾಡುವ ತೀರ್ಮಾನ ಇತ್ತೀಚೆಗೆ ತೆಗೆದುಕೊಳ್ಳಲಾಯಿತು. ಚಿತ್ರದ ಒನ್ಲೈನ್ ಸಹ ಸಿದ್ಧವಿದೆ. ಹಾಗಾಗಿ ಇವತ್ತು ಬೆಳಿಗ್ಗೆ ಮುಹೂರ್ತವಾಗಿದೆ. ಶಿವರಾಜಕುಮಾರ್ ಅಭಿನಯದ ಒಂದು ದೃಶ್ಯವನ್ನು ಸಹ ಚಿತ್ರೀಕರಣ ಮಾಡಲಾಗಿದೆ.
ಅದು “ಟಗರು’ ಚಿತ್ರದ ಕೊನೆಯಲ್ಲಿ ಬರಲಿದೆ. ಸುಮ್ಮನೆ “ಟಗರು 2′ ಕಮ್ಮಿಂಗ್ ಸೂನ್ ಎಂದು ತೋರಿಸುವ ಬದಲು, ಶಿವರಾಜಕುಮಾರ್ ಅಭಿನಯದ ಒಂದು ದೃಶ್ಯದ ಜೊತೆಗೆ ಕಮ್ಮಿಂಗ್ ಸೂನ್ ಎಂದು ತೋರಿಸಿದರೆ ಚೆನ್ನಾಗಿರುತ್ತದೆ ಎಂಬ ಕಾರಣಕ್ಕೆ ಆ ದೃಶ್ಯವನ್ನು ಚಿತ್ರೀಕರಿಸಲಾಯಿತು.
ಶಿವರಾಜಕುಮಾರ್ ಅವರ ಡೇಟ್ಸ್ ನೋಡಿಕೊಂಡು, ಮುಂದುವರೆದ ಭಾಗದ ಚಿತ್ರೀಕರಣ ಶುರು ಮಾಡುತ್ತೇವೆ’ ಎನ್ನುತ್ತಾರೆ ನಿರ್ಮಾಪಕ ಕೆ.ಪಿ. ಶ್ರೀಕಾಂತ್. ಅಂದಹಾಗೆ, “ಟಗರು’ ಚಿತ್ರವು ಫೆಬ್ರವರಿಯಲ್ಲಿ ಬಿಡುಗಡೆಯಾಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Yellapur: ಟಿಪ್ಪರ್ ಗೆ ಢಿಕ್ಕಿಯಾಗಿ ಬೈಕ್ ಸಹಸವಾರೆ ಬಾಲಕಿ ಮೃತ್ಯು
Madikeri; ಮೊಬೈಲ್ ನಿಂದ ಬಡಿದು ಅತ್ತೆ ಹತ್ಯೆಗೈದು ಕಥೆ ಕಟ್ಟಿದ ಸೊಸೆ!
CD ಮಾಡುವುದರಲ್ಲಿ ಡಿಕೆಶಿ ನುರಿತವರು: ಬಿಜೆಪಿ ಅಭ್ಯರ್ಥಿ ರಾಜುಗೌಡ ವ್ಯಂಗ್ಯ
Rae Bareli ರಣಕಣ; ನಾಮಪತ್ರ ಸಲ್ಲಿಸಿದ ರಾಹುಲ್ ಗಾಂಧಿ: ಗೆಲುವು ಸುಲಭವೇ?
Water scarcity; ಮಂಗಳೂರು ನಗರಕ್ಕೆ ಎರಡು ದಿನಕ್ಕೊಮ್ಮೆ ನೀರು