ವಿದ್ಯಾರ್ಥಿಗಳಿಗಾಗಿ ಶ್ರೀಕೃಷ್ಣ ಕಲ್ಯಾಣ

Team Udayavani, Aug 22, 2018, 11:33 AM IST

ನಿಧಾನವಾಗಿ ವೆಬ್‌ ಸೀರೀಸ್‌ ಮಾಡುವವರ ಸಂಖ್ಯೆ ಹೆಚ್ಚುತ್ತಿದೆ. ಈ ಮೂಲಕ ಹೊಸ ಪ್ರಯೋಗ ಮಾಡುವ ಮನಸ್ಸು ಹೊಸಬರದು. ಈಗ ಈ ಸಾಲಿಗೆ “ಶ್ರೀಕೃಷ್ಣ ಕಲ್ಯಾಣ’ ಕೂಡಾ ಸೇರುತ್ತದೆ. ಪ್ಲೇಮಿಂಗà ಸೆಲೆಬ್ರೆಟಿಸ್‌ ತರಬೇತಿ ಶಾಲೆ ಈ ವೆಬ್‌ ಸೀರೀಸ್‌ ಅನ್ನು ನಿರ್ಮಿಸುತ್ತಿದೆ.

ಐದು ವರ್ಷ ಪೂರೈಸಿ ಆರನೇ ವರ್ಷಕ್ಕೆ ಕಾಲಿಡುತ್ತಿರುವ ಈ ಸಂಸ್ಥೆ ಈಗ “ಶ್ರೀಕೃಷ್ಣ ಕಲ್ಯಾಣ’ ವೆಬ್‌ ಸೀರೀಸ್‌ ನಿರ್ಮಿಸುತ್ತಿದೆ. “ಸರ್ವ ಕಾರ್ಯೇಶು ಸರ್ವದಾ’ ಎಂಬ ಅಡಿಬರಹ ಕೂಡಾ ಇದಕ್ಕಿದೆ. ಇತ್ತೀಚೆಗೆ ಈ ವೆಬ್‌ ಸೀರೀಸ್‌ಗೆ ಚಾಲನೆ ನೀಡಲಾಯಿತು. ಹಿರಿಯ ನಟರಾದ ಶ್ರೀನಿವಾಸ ಮೂರ್ತಿ, ಟೆನ್ನಿಸ್‌ ಕೃಷ್ಣ, ಎಂ.ಎಸ್‌.ಉಮೇಶ್‌ ಸೇರಿದಂತೆ ಅನೇಕರು ಈ ಕಾರ್ಯಕ್ರಮದಲ್ಲಿ ಭಾಗಿಯಾದರು.

ಪುರುಷೋತ್ತಮ್‌ ಈ ವೆಬ್‌ ಸೀರೀಸ್‌ ಅನ್ನು ನಿರ್ದೇಶಿಸುತ್ತಿದ್ದಾರೆ. ಫ್ಲೇಮಿಂಗೋ ಸಂಸ್ಥೆಯ ಧವನ್‌ ಸೋಹಾನ್‌ ಮಾತನಾಡಿ, ಪ್ರತಿ ವರ್ಷ ಫ್ಯಾಶನ್‌ ಷೋ, ಕ್ಯಾಲೆಂಡರ್‌ ಬಿಡುಗಡೆ,ಪ್ರಶಸ್ತಿಗಳನ್ನು ನೀಡುತ್ತಿರುವಂತೆ, ವಿದ್ಯಾರ್ಥಿಗಳಿಗೆ ಈ ವರ್ಷ ಉಡುಗೊರೆ ನೀಡಲು ಈ ವೆಬ್‌ ಸೀರೀಸ್‌ ಅನ್ನು ನಿರ್ಮಾಣ ಮಾಡುತ್ತಿದ್ದೇವೆ ಎಂದರು.