ಸದ್ದು ಮಾಡ್ತಿದೆ ವಿರಾಟಪರ್ವ ಟೀಸರ್..!!

Team Udayavani, Mar 16, 2020, 3:43 PM IST

ಸ್ಯಾಂಡಲ್ ವುಡ್ ನಲ್ಲಿ ಹೊಸಪರ್ವ ಸೃಷ್ಟಿಸಲು ರೆಡಿಯಾಗಿರುವ ವಿರಾಟಪರ್ವ ಚಿತ್ರದ ಟೀಸರ್ ಬಿಡುಗಡೆಯಾಗಿ ಸಖತ್ ಸದ್ದು ಮಾಡುತ್ತಿದೆ. ಅನಂತ್ ಶೈನ್ ನಿರ್ದೇಶನದ ವಿರಾಟಪರ್ವ ಚಿತ್ರದ ಟೀಸರ್ ನಿನ್ನೆ ರಿಲೀಸ್ ಆಗಿದೆ. ಈ ಮೊದಲು ಚಿತ್ರದ ಎರಡು ಪೋಸ್ಟರ್ ರಿಲೀಸ್ ಆಗಿ ಸಖತ್ ಟಾಕ್ ಕ್ರಿಯೇಟ್ ಮಾಡಿತ್ತು ಆದ್ರಿಂದ ಟೀಸರ್ ಮೇಲೆ ಸಿನಿರಸಿಕರು ಇನ್ನಿಲ್ಲದ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ರು.. ಇದೀಗ ರಿಲೀಸ್ ಆಗಿರುವ ಟೀಸರ್ ಆ ನಿರೀಕ್ಷೆಯನ್ನು ನಿಜ ಮಾಡಿದ್ದು, ಸಸ್ಪೆನ್ಸ್ ಅಂಡ್ ಥ್ರಿಲ್ಲರ್ ಕಂಟೆಂಟ್ ನಿಂದ ಕೂಡಿರೋ ಚಿತ್ರದ ಮಾಸ್ ಟೀಸರ್ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡ್ತಿದೆ. `ನಮಗೆ ಯಾರು ಕೇಡು ಬಗಿತಾರೋ ಅವ್ರಿಗೆ ಖೆಡ್ಡಾ ತೋಡಿದ್ರೆ ಅದು ಅಧರ್ಮನೇ ಅಲ್ಲ’ ಎನ್ನೋ ಪವರ್ ಫುಲ್ ಮಾಸ್ ಡೈಲಾಗ್ ಟೀಸರ್‌ನ ಪ್ರಮುಖ ಆಕರ್ಷಣೆಯಾಗಿದ್ದು, ಈ ಡೈಲಾಗ್ ಸಖತ್ ವೈರಲ್ ಆಗಿದೆ.

ವಿರಾಟಪರ್ವ ಹೈಪರ್ ಲಿಂಕ್ ಥ್ರಿಲ್ಲರ್ ಸಿನಿಮಾವಾಗಿದ್ದು, ಸಂಬಂಧಗಳಿಗೆ ಪೆಟ್ಟು ಬಿದ್ದಾಗ ಮನುಷ್ಯ ಅವುಗಳನ್ನೆಲ್ಲ ಉಳಿಸಿಕೊಳ್ಳಲು ಏನೆಲ್ಲಾ ಹೋರಾಟ ಮಾಡುತ್ತಾನೆ ಅನ್ನೋದು ಚಿತ್ರದ ಓನ್ ಲೈನ್ ಕಹಾನಿ. ನೈಜ ಘಟನೆ ಆಧಾರಿತ ಈ ಚಿತ್ರದಲ್ಲಿ ಅರು ಗೌಡ, ಎಂ. ಜಿ ಅಭಿನಯ, ಯಶ್ ಶೆಟ್ಟಿ, ಚೈತ್ರಾ ಕೊಟೂರ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ವಿನೀತ್ ರಾಜ್ ಮೆನನ್ ಮ್ಯೂಸಿಕ್, ಶಿವ ಬಿ.ಕೆ, ಶಿವುಸೇನಾ ಇಬ್ಬರು ಕ್ಯಾಮೆರಾ ಮ್ಯಾನ್‌ಗಳ ಕ್ಯಾಮೆರಾ ಕೈಚಳಕ ಚಿತ್ರದಲ್ಲಿದೆ. ಎಸ್ ಆರ್ ಮೀಡಿಯಾ ಪ್ರೋಡಕ್ಷನ್ಸ್ ಬ್ಯಾನರ್ ನಲ್ಲಿ ನಿರ್ಮಾಣವಾಗಿರೋ ವಿರಾಟಪರ್ವ ಚಿತ್ರಕ್ಕೆ ಸುನೀಲ್ ರಾಜ್ ಬಂಡವಾಳ ಹೂಡಿದ್ದಾರೆ. ಟೀಸರ್ ಮೂಲಕ ಸಖತ್ ಸೌಂಡ್ ಮಾಡ್ತಿರೋ ಈ ಚಿತ್ರ ಸದ್ಯದಲ್ಲೆ ಥಿಯೇಟರ್ ಅಂಗಳಕ್ಕೆ ಬರಲಿದೆ.