Koppala; ಸಂಸದ ಸಂಗಣ್ಣ ಉಪವಾಸ ಧರಣಿ ಸ್ಥಳಕ್ಕೆ ಸಚಿವರ ಭೇಟಿ, ಮನವೊಲಿಕೆ ಯತ್ನ

Team Udayavani, Nov 7, 2023, 12:07 PM IST

ಕೊಪ್ಪಳ: ರೈತರ ಪಂಪ್ ಸೆಟ್ ಗೆ ಮೂಲ ಸೌಕರ್ಯ ಕಲ್ಪಿಸುವ ಆದೇಶ ರದ್ದತಿ ಮುಂದುವರೆಸಬೇಕೆಂದು ಒತ್ತಾಯಿಸಿ ಕೊಪ್ಪಳ ಡಿಸಿ ಕಚೇರಿ ಮುಂದೆ ಸೋಮವಾರದಿಂದ ಉಪವಾಸ ಸತ್ಯಾಗ್ರಹ ಆರಂಭಿಸಿರುವ ಬಿಜೆಪಿ ಸಂಸದ ಸಂಗಣ್ಣ ಕರಡಿ ಅವರ ಧರಣಿ ಸ್ಥಳಕ್ಕೆ ಸಚಿವ ಕೃಷ್ಣಬೈರೇಗೌಡ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ ತಂಗಡಗಿ ಅವರು ಭೇಟಿ ನೀಡಿ ಸಂಸದರಿಗೆ ಮನವೊಲಿಸುವ ಪ್ರಯತ್ನ ಮಾಡಿದರು.

ಸಚಿವ ಕೃಷ್ಣಬೈರೇಗೌಡ ಹಾಗೂ ಸಚಿವ ಶಿವರಾಜ ತಂಗಡಗಿ ಅವರು ಸಿಎಂ ಸೇರಿ ಇಂಧನ ಸಚಿವರ ಜೊತೆಗೂ ದೂರವಾಣಿ ಕರೆ ಮಾಡಿ ಮಾತನಾಡಿ ರೈತರ ವಿದ್ಯುತ್ ಪಂಪ್ ಸೆಟ್ ಗೆ ಕಲ್ಪಿಸುವ ಮೂಲ ಸೌಕರ್ಯದ ಯೋಜನೆ ವಿಷಯ ಗಮನಕ್ಮೆ ತಂದಿದೆ. ರೈತರಿಗೆ ಸೋಲಾರ್ ನಲ್ಲೂ ಹೆಚ್ಚಿನ ಸೌಕರ್ಯ ದೊರೆಯಲಿವೆ. ಧರಣಿ ವಾಪಸ್ ಪಡೆಯುವಂತೆ ಮನವಿ ಮಾಡಿದರು‌.

ಇದಕ್ಕೆ ಒಪ್ಪದ ಸಂಸದ ಸಂಗಣ್ಣ ಕರಡಿ ಅವರು ಸರ್ಕಾರದ ಆದೇಶ ಬರುವ ವರೆಗೂ ನಾನು ಉಪವಾಸ ಧರಣಿ ವಾಪಾಸ್ ಪಡೆಯಲ್ಲ. ಈ ಕುರಿತು ಸರ್ಕಾರವು ಆದೇಶ ಹೊರಡಿಸಲಿ. ರೈತರ ಹಿತಕ್ಕೆ ನಾನು ಉಪವಾಸ ಧರಣಿ ಕುಳಿತಿರುವೆ. ಸರ್ಕಾರ ಎಂದು ಆದೇಶ ಹೊರಡಿಸುವುದೋ ಅಂದು ನಾನು ಧರಣಿ ವಾಪಾಸ್ ಪಡೆಯುವೆ ಎಂದರು.