18 ತಿಂಗಳಲ್ಲಿ ಟ್ರಿಪಲ್‌ ತಲಾಕ್‌ ತೆಗೆದುಹಾಕುತ್ತೇವೆ: ಎಐಎಂಪಿಎಲ್‌ಬಿ

Team Udayavani, Apr 11, 2017, 11:37 AM IST

ಹೊಸದಿಲ್ಲಿ :  ತ್ರಿವಳಿ ತಲಾಕ್‌ ಪದ್ದತಿಯನ್ನು ಇನ್ನು 18 ತಿಂಗಳ ಒಳಗೆ ಕೊನೆಗೊಳಿಸಲಾಗುವುದು ಎಂದು ಆಲ್‌ ಇಂಡಿಯಾ ಪರ್ಸನಲ್‌ ಲಾ ಬೋರ್ಡ್‌ (ಎಐಎಂಪಿಎಲ್‌ಬಿ) ಇಂದು ಮಂಗಳವಾರ ಹೇಳಿದೆ. 

ಎಐಎಂಪಿಎಲ್‌ಬಿ  ಉಪಾಧ್ಯಕ್ಷ ಡಾ. ಸಯೀದ್‌ ಸಾದಿಕ್‌ ಅವರು ಇಂದು ಈ ಕುರಿತ ಹೇಳಿಕೆಯನ್ನು ನೀಡಿದರು. 

ತ್ರಿವಳಿ ತಲಾಕ್‌ನ ವಿವಾದಿತ ವಿಷಯದ ಬಗ್ಗೆ ಮಾತನಾಡಿದ ಡಾ.ಸಾದಿಕ್‌ ಅವರು ಎಐಎಂಪಿಎಲ್‌ಬಿ ‘ತ್ರಿವಳಿ ತಲಾಕ್‌ ಪದ್ದತಿಯನ್ನು ತಾನೇ ಕೊನೆಗೊಳಿಸಲಿದೆ; ಹಾಗಾಗಿ ಸರಕಾರ ಈ ವಿಷಯದಲ್ಲಿ ಹಸ್ತಕ್ಷೇಪ ಮಾಡುವುದು ಬೇಡ’ ಎಂದು ಹೇಳಿದರು. 

ಎರಡು ದಿನಗಳ ಹಿಂದಷ್ಟೇ ಎಐಎಂಪಿಎಲ್‌ಬಿ “ದೇಶದಲ್ಲಿನ ಸಮುದಾಯದವದರಲ್ಲಿ ವಿಚ್ಛೇದನವು ಅತ್ಯಂತ ಕಡಿಮೆ ಪ್ರಮಾಣದಲ್ಲಿದೆ; ದೇಶದಲ್ಲಿನ ಮುಸ್ಲಿಂ ಮಹಿಳೆಯರಿಂದ 3.50  ಕೋಟಿ ಅರ್ಜಿಗಳು ಬಂದಿದ್ದು ತಾವು ಶರೀಯತ್‌ ಮತ್ತು ತ್ರಿವಳಿ ತಲಾಕ್‌ ಪದ್ಧತಿಗೆ ನಿಷ್ಠರಾಗಿದ್ದೇವೆ ಎಂದು ಹೇಳಿದ್ದಾರೆ’ ಎಂದು ಹೇಳಿಕೆ ನೀಡಿತ್ತು. 

ಈ ನಡುವೆ ದೇಶಾದ್ಯಂತದ ಸುಮಾರು 10 ಲಕ್ಷಕ್ಕೂ ಅಧಿಕ ಮುಸ್ಲಿಮರು  ವಿವಾದಿತ ತ್ರಿವಳಿ ತಲಾಕ್‌ ಕೊನೆಗೊಳಿಸಬೇಕು ಎಂದು ಸರಕಾರವನ್ನು ಆಗ್ರಹಿಸಿದ್ದರು.

ತ್ರಿವಳಿ ತಲಾಕ್‌ ಪದ್ಧತಿಯನ್ನು ಕಿತ್ತು ಹಾಕುವಂತೆ ಅನೇಕ ಮುಸ್ಲಿಂ ಮಹಿಳೆಯರು ಸುಪ್ರೀಂ ಕೋರ್ಟನ್ನು ಪ್ರವೇಶಿಸಿದ್ದರು.