Paris Olympics: ಕ್ರೀಡಾ ಗ್ರಾಮ ಪರಿಶೀಲನೆ
Team Udayavani, Feb 29, 2024, 11:25 PM IST
ಪ್ಯಾರಿಸ್: ಪ್ಯಾರಿಸ್ನಲ್ಲಿ ನಡೆಯಲಿರುವ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುವ ಕ್ರೀಡಾಪಟುಗಳು ಉಳಿದುಕೊಳ್ಳಲು ನಿರ್ಮಿಸಲಾಗಿರುವ ಕ್ರೀಡಾಗ್ರಾಮವನ್ನು ಗುರುವಾರ ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮಾಕ್ರನ್ ಅವರು ಪರಿಶೀಲಿಸಿದರು. ಗೇಮ್ಸ್ಗಾಗಿ ಇಲ್ಲಿನ ಸೀನ್ ನದಿಯನ್ನು ಸ್ವಚ್ಛಗೊಳಿಸಲಾಗಿದೆ ಮಾತ್ರವಲ್ಲದೇ ತಾನು ಕೂಡ ಈ ನದಿಯಲ್ಲಿ ಈಜುವುದಾಗಿ ಭರವಸೆ ನೀಡಿದರು.
ಗೇಮ್ಸ್ನಿಂದಾಗಿ ದೀರ್ಘ ಕಾಲಕ್ಕೆ ಪರಿಣಾಮ ಬೀರುವುದರಲ್ಲಿ ಸೀನ್ ನದಿಯು ಸ್ವತ್ಛಗೊಂಡಿರುವುದು ಒಂದಾಗಿದೆ. ಸಾರ್ವಜನಿಕ ನಿಧಿಯಿಂದ ಭಾರೀ ಪ್ರಮಾಣದಲ್ಲಿ ಹೂಡಿಕೆ ಮಾಡಿ ಈ ನದಿಯನ್ನು ಸ್ನಾನಮಾಡಲು ಯೋಗ್ಯವೆನಿಸುವ ರೀತಿಯಲ್ಲಿ ಸ್ವಚ್ಛ ಮಾಡಿರುವುದು ಅಸಾಧಾರಣ ಕೆಲಸವಾಗಿದೆ ಎಂದವರು ಹೇಳಿದ್ದಾರೆ.
ನೀವು ಈ ನದಿಯಲ್ಲಿ ಸ್ನಾನ ಮಾಡುತ್ತೀರ ಎಂಬ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದ ಮಾಕ್ರನ್ ಅವರು ನಾನಾ, ಹೌದು. ಸ್ನಾನ ಮಾಡುತ್ತೇನೆ ಎಂದರು. ಆದರೆ ಯಾವಾಗ ಎಂದು ಹೇಳಲಿಲ್ಲ.