“ಐಪಿಎಲ್‌ ನಲ್ಲೂ ಕೊಹ್ಲಿ ಆಡದೇ ಇರಬಹದು‌”.. ಮಾಜಿ ಆಟಗಾರನ ಮಾತು ಕೇಳಿ RCB ಫ್ಯಾನ್ಸ್‌ ಶಾಕ್

Team Udayavani, Feb 27, 2024, 11:01 AM IST

ನವದೆಹಲಿ: ಭಾರತದ ಸ್ಟಾರ್‌ ಆಟಗಾರ ವಿರಾಟ್‌ ಕೊಹ್ಲಿ ಸದ್ಯ ವೈಯಕ್ತಿಕ ಕಾರಣಗಳಿಂದ ಕ್ರಿಕೆಟ್‌ ನಿಂದ ಬ್ರೇಕ್‌ ಪಡೆದುಕೊಂಡಿದ್ದಾರೆ. ಇತ್ತೀಚೆಗೆ ವಿರುಷ್ಕಾ ದಂಪತಿ ಎರಡನೇ ಮಗುವಿನ ಆಗಮನದಿಂದ ಖುಷ್‌ ಆಗಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಮೊದಲ ಎರಡು ಟೆಸ್ಟ್‌ ಪಂದ್ಯಗಳಿಗೆ ಕೊಹ್ಲಿ ಆಯ್ಕೆ ಆಗಿದ್ದರು. ಆದರೆ ವೈಯಕ್ತಿಕ ಕಾರಣಗಳಿಂದ ಅವರು ಟೆಸ್ಟ್‌ ಸರಣಿಯಲ್ಲಿ ಭಾಗಿಯಾಗಿಲ್ಲ. ಇನ್ನು ಏನಿದ್ದರೂ ಕೊಹ್ಲಿ ಐಪಿಎಲ್‌ ನಲ್ಲಿ ಆಡಬೇಕಷ್ಟೇ. ಐಪಿಎಲ್‌ ನಲ್ಲಿ ಕೊಹ್ಲಿ ಅವರನ್ನು ನೋಡಲು ಫ್ಯಾನ್ಸ್‌ ಗಳು ಕಾಯುತ್ತಿದ್ದಾರೆ. ಆದರೆ ಮಾಜಿ ಆಟಗಾರರೊಬ್ಬರು ಹೇಳಿರುವ ಹೇಳಿಕೆಯೊಂದು ಕೊಹ್ಲಿ ಐಪಿಎಲ್ ಆಡುತ್ತಾರೆ ಎಂದು ಕಾಯುತ್ತಾ ಕೂತವರಿಗೆ ಶಾಕ್‌ ನೀಡಿದೆ.

ಸ್ಟಾರ್ ಸ್ಪೋರ್ಟ್ಸ್ ಸ್ಟಾರ್ ಕಾರ್ಯಕ್ರಮದ ವೇಳೆ ಸುನೀಲ್ ಗವಾಸ್ಕರ್ ಅವರು ರಾಂಚಿಯ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸುತ್ತಿದ್ದರು. ಈ ವೇಳೆ ಅವರಿಗೆ ಕೊಹ್ಲಿಯ ಬಗ್ಗೆ ಪ್ರಶ್ನೆಯೊಂದನ್ನು ಕೇಳಲಾಗಿದೆ.

ಸುದೀರ್ಘ ವಿರಾಮದ ನಂತರ ಕೊಹ್ಲಿಗೆ ಐಪಿಎಲ್‌ನಲ್ಲಿ ರನ್‌ಗಳ ಹಸಿವು ಇದೆಯೇ ಎಂದು ಗವಾಸ್ಕರ್‌ ಬಳಿ ಕೇಳಲಾಗಿದೆ.

“ಅವರು ಆಡುವುದು ಹೌದಾ? ಕಾರಣಾಂತರಗಳಿಂದ ಅವರು ಆಡುತ್ತಿಲ್ಲ. ಬಹುಶಃ ಐಪಿಎಲ್‌ ನಲ್ಲೂ ಕೊಹ್ಲಿ ಆಡದೇ ಇರಬಹದು” ಎಂದು ಗವಾಸ್ಕರ್‌ ಉತ್ತರಿಸಿದ್ದಾರೆ.

ಸದ್ಯ ಅವರು ಆಡಿರುವ ಮಾತು ಅಭಿಮಾನಿಗಳ ವಲಯದಲ್ಲಿ ಹರಿದಾಡುತ್ತಿದೆ. ಕೊಹ್ಲಿ ಆಡುತ್ತಾರೋ ಇಲ್ವೋ ಎನ್ನುವುದು ಇನ್ನಷ್ಟೇ ಸ್ಪಷ್ಟನೆ ಸಿಗಬೇಕಿದೆ.

ಚೆನ್ನೈ ಹಾಗೂ ಆರ್‌ ಸಿಬಿ ತಂಡ ಉದ್ಘಾಟನಾ ಪಂದ್ಯದಲ್ಲಿ ಮಾ.22 ರಂದು ಚೆನ್ನೈನಲ್ಲಿ ಸೆಣೆಸಾಟ ನಡೆಲಿವೆ.