ಇಂಡಿಯಾ “ಸಿ’ ತಂಡಕ್ಕೆ ವನಿತಾ ಚಾಲೆಂಜರ್‌ ಟ್ರೋಫಿ

Team Udayavani, Jan 11, 2020, 3:03 PM IST

ಕಟಕ್‌: ಇಂಡಿಯಾ “ಸಿ’ ತಂಡ ವನಿತಾ ಟಿ20 ಚಾಲೆಂಜರ್‌ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿದೆ. ಶುಕ್ರವಾರ ಇಲ್ಲಿನ “ಬಾರಾಬತಿ ಸ್ಟೇಡಿಯಂ’ನಲ್ಲಿ ನಡೆದ ಫೈನಲ್‌ನಲ್ಲಿ ಅದು ಇಂಡಿಯಾ “ಬಿ’ ತಂಡದ ವಿರುದ್ಧ 8 ವಿಕೆಟ್‌ಗಳ ಭರ್ಜರಿ ಗೆಲುವು ಸಾಧಿಸಿತು.

ಮೊದಲು ಬ್ಯಾಟಿಂಗ್‌ ನಡೆಸಿದ ಇಂಡಿಯಾ “ಬಿ’ 6 ವಿಕೆಟಿಗೆ 131 ರನ್‌ ಗಳಿಸಿದರೆ, ಇಂಡಿಯಾ “ಸಿ’ 15.2 ಓವರ್‌ಗಳಲ್ಲಿ 2 ವಿಕೆಟಿಗೆ 135 ರನ್‌ ಮಾಡಿ ವಿಜಯೋತ್ಸವ ಆಚರಿಸಿತು.

ವಿಜೇತ ತಂಡದ ಪರ ಶಫಾಲಿ ವರ್ಮ ಅಜೇಯ 89 ರನ್‌ ಬಾರಿಸಿ ಮಿಂಚಿದರು. ಸ್ಫೋಟಕ ಆಟವಾಡಿದ ಶಫಾಲಿ ಕೇವಲ 45 ಎಸೆತಗಳಲ್ಲಿ ಈ ಸೊಗಸಾದ ಇನ್ನಿಂಗ್ಸ್‌ ಕಟ್ಟಿದರು. ಸಿಡಿಸಿದ್ದು 15 ಬೌಂಡರಿ, 2 ಸಿಕ್ಸರ್‌. ಮನಾಲಿ ದಕ್ಷಿಣಿ 15 ರನ್ನಿಗೆ 3 ವಿಕೆಟ್‌ ಕಿತ್ತು ಇಂಡಿಯಾ “ಬಿ’ಗೆ ಕಡಿವಾಣ ಹಾಕಿದರು. “ಬಿ’ ಪರ ಪೂಜಾ ವಸ್ತ್ರಾಕರ್‌ ಅಜೇಯ 43 ರನ್‌ ಹೊಡೆದರು.