ಅಂಬಲಪಾಡಿ ದೇಗುಲಕ್ಕೆ ಎಚ್‌.ಡಿ.ದೇವೇಗೌಡ ಭೇಟಿ

Team Udayavani, May 16, 2019, 3:00 AM IST

ಉಡುಪಿ: ಮೂಳೂರಿನ ಖಾಸಗಿ ರೆಸಾರ್ಟ್‌ನಲ್ಲಿ ಪ್ರಕೃತಿ ಚಿಕಿತ್ಸೆ ಪಡೆಯುತ್ತಿರುವ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ ಅವರು ಬುಧವಾರ ಅಂಬಲಪಾಡಿ ಶ್ರೀ ಜನಾರ್ದನ ಮಹಾಕಾಳಿ ದೇವಸ್ಥಾನಕ್ಕೆ ಭೇಟಿ ನೀಡಿದರು.

ದೇಗುಲದ ಧರ್ಮದರ್ಶಿ ಡಾ| ನಿ.ಬೀ.ವಿಜಯ ಬಲ್ಲಾಳ್‌ ಗೌಡರನ್ನು ಸ್ವಾಗತಿಸಿ, ಪ್ರಸಾದ ನೀಡಿದರು. ದೇಗುಲದಲ್ಲಿ ನಡೆಯುವ ಪೂಜೆ, ವಿಶೇಷ ಕಾರ್ಯಕ್ರಮ, ಭಕ್ತರು ಕೊಡುವ ಸೇವೆಗಳ ಬಗ್ಗೆ ಧರ್ಮದರ್ಶಿಗಳಿಂದ ಮಾಹಿತಿ ಪಡೆದ ಗೌಡರು,

ಮೇ 24ಕ್ಕೆ ದೇವೇಗೌಡ -ಚೆನ್ನಮ್ಮ ಹಾಗೂ ತಮ್ಮ ಕುಟುಂಬಸ್ಥರ ಹೆಸರಿನಲ್ಲಿ ಸರ್ವಪೂಜೆ ನಡೆಸುವಂತೆ ತಿಳಿಸಿ, 250 ರೂ.ನೀಡಿ ರಶೀದಿ ಪಡೆದುಕೊಂಡರು. ಕೆಲವು ದಿನಗಳಿಂದ ಮೂಳೂರಿನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಗೌಡರು, ಪ್ರತಿದಿನವೂ ಪತ್ನಿ ಚೆನ್ನಮ್ಮ ಅವರೊಂದಿಗೆ ಜಿಲ್ಲೆಯ ಪ್ರಮುಖ ದೇವಸ್ಥಾನಗಳಿಗೆ ಭೇಟಿ ನೀಡುತ್ತಿದ್ದಾರೆ.