Cat ರಕ್ಷಣೆಗೆ ಭಾರೀ ಕಾರ್ಯಾಚರಣೆ ; ಕೊನೆಗೆ ಆಗಿದ್ದೆ ಬೇರೆ!: ವೈರಲ್ ವಿಡಿಯೋ ನೋಡಿ

Team Udayavani, May 18, 2024, 4:25 PM IST

ಕೌಲಾಲಂಪುರ: ಕಟ್ಟಡದ ರೂಫ್ ನಲ್ಲಿ ಸಿಕ್ಕಿ ಹಾಕಿಕೊಂಡು ಪರದಾಡುತ್ತಿದ್ದ ಬೆಕ್ಕಿನ ರಕ್ಷಣ ಕಾರ್ಯಾಚರಣೆಯ ವಿಡಿಯೋವೊಂದು ಸದ್ಯ ಸಾಮಾಜಿಕ ತಾಣದಲ್ಲಿ ವೈರಲ್ ಆಗುತ್ತಿದೆ.

ಈ ಘಟನೆ ಮಲೇಷಿಯಾದಲ್ಲಿ ನಡೆದಿದ್ದು ಸಂಕಷ್ಟಕ್ಕೆ ಸಿಲುಕಿ ಪರದಾಡುತ್ತಿದ್ದ ಬೆಕ್ಕನ್ನು ಕಂಡು ಸಾರ್ವಜನಿಕರು ರಕ್ಷಣ ಕಾರ್ಯಾಚರಣೆ ನಡೆಸಲು ಭದ್ರತಾ ಸಿಬಂದಿಗಳಿಗೆ ಕರೆ ಮಾಡಿದ್ದಾರೆ. ಸ್ಥಳಕ್ಕೆ ದೌಡಾಯಿಸಿದ ತಂಡ ಸುರಕ್ಷತಾ ನೆಟ್ ಬಳಸಿ ಬೆಕ್ಕನ್ನು ರಕ್ಷಿಸಲು ಮುಂದಾಗಿದ್ದಾರೆ.

ಭಾರೀ ಕಸರತ್ತು ನಡೆಸಿ ಭದ್ರತಾ ಪಡೆಗಳು ಬೆಕ್ಕನ್ನು ನೆಟ್ ನೊಳಗೆ ಬೀಳಿಸಲು ಮುಂದಾದರೂ, ಕೊನೆಗೆ ಭದ್ರತಾ ಸಿಬಂದಿಯೊಬ್ಬರು  ಏಣಿಯೇರಿ ಕೋಲಿನ ಸಹಾಯದಿಂದ ಬೆಕ್ಕನ್ನು ಕೆಳಕ್ಕೆ ದೂಡಿದ್ದಾರೆ. ನೆಟ್ ಗೆ ಬೀಳುವ ಬದಲು ಬೆಕ್ಕು ನೇರವಾಗಿ ಸುರಕ್ಷಿತವಾಗಿ ನೆಲಕ್ಕೆ ಬಿದ್ದುಓಡಿ ಹೋಗಿದೆ!. ಇದು ವಿಡಿಯೋ ನೋಡಿದವರಲ್ಲಿ ನಗು ಹುಟ್ಟಲು ಕಾರಣವಾಗಿದೆ.

ಮೊದಲ ಮಹಡಿಯಲ್ಲಿದ್ದ ಬೆಕ್ಕನ್ನು ರಕ್ಷಿಸಲು ಇಷ್ಟೆಲ್ಲಾ ಕಸರತ್ತು ಬೇಕಿತ್ತಾ ಎಂದು ಹಲವರು ಪ್ರಶ್ನಿಸಿದ್ದಾರೆ, ಮಾನವೀಯತೆಯ ದೃಷ್ಟಿಯಿಂದ ದಯೆ ತೋರಿದ ಅಧಿಕಾರಿಗಳು ಮತ್ತು ಭದ್ರತಾ ಸಿಬಂದಿ ಕ್ರಮ ಕೈಗೊಂಡು ರಕ್ಷಣೆಗೆ ಮುಂದಾದ ಕುರಿತು ಮೆಚ್ಚುಗೆಯೂ ವ್ಯಕ್ತವಾಗಿದೆ.

They had one job pic.twitter.com/M39xPMGfHI

— Tweets of Cats (@PostsOfCats) May 18, 2024