ಸಬಿತಾಗೆ ರಾ. ಮಹಿಳಾ ಸಾಧಕಿ ಪ್ರಶಸ್ತಿ
Team Udayavani, Feb 27, 2021, 7:00 AM IST
ಬೆಳ್ತಂಗಡಿ: ಹುಟ್ಟುತ್ತಲೇ ಎರಡೂ ಕೈಗಳಿಲ್ಲದ ಬೆಳ್ತಂಗಡಿ ತಾಲೂಕಿನ ಗರ್ಡಾಡಿ ಗ್ರಾಮದ ವಿಶಿಷ್ಟ ಸಾಧಕಿ ಸಬಿತಾ ಮೋನಿಸ್ ಅವರು 2021ನೇ ಸಾಲಿನ ರಾಷ್ಟ್ರೀಯ ಮಹಿಳಾ ಸಾಧಕಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಸಬಿತಾ ಮೋನಿಸ್ ತನ್ನ ದೈಹಿಕ ನ್ಯೂನತೆಯನ್ನು ಮೆಟ್ಟಿನಿಂತು ಎರಡು ಕಾಲುಗಳಿಂದಲೇ ಪರೀಕ್ಷೆ ಬರೆದು ಉನ್ನತ ಶಿಕ್ಷಣವನ್ನು ಪಡೆದಿದ್ದಾರೆ. ಅವರೀಗ ಆಳ್ವಾಸ್ ಶಿಕ್ಷಣ ಸಂಸ್ಥೆಯಲ್ಲಿ ಮಕ್ಕಳ ಕಲ್ಯಾಣಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ನ್ಯಾಶನಲ್ ಪ್ರಸ್ ಕೌನ್ಸಿಲ್ ಆಫ್ ಇಂಡಿಯಾ ಮತ್ತು ಕರ್ನಾಟಕದ ಪತ್ರಿಕೆಗಳ ಸಂಘ ಜಂಟಿ ಆಯ್ಕೆ ಮಂಡಳಿಯು ಮೋನಿಸ್ ಕಾರ್ಯವನ್ನು ಅಸಾಮಾನ್ಯ ಸಾಧನೆಯೆಂದು ಪರಿಗಣಿಸಿ ಈ ಪ್ರಶಸ್ತಿಗೆ ಆಯ್ಕೆ ಮಾಡಿದೆ.