ಕಾಳ್ಗಿಚ್ಚಿನಂತೆ ಹಬ್ಬಿದ ಕೋವಿಡ್ : ರಾಜ್ಯದಲ್ಲಿಂದು 39047 ಪ್ರಕರಣಗಳು ಪತ್ತೆ

Team Udayavani, Apr 28, 2021, 7:03 PM IST

ಬೆಂಗಳೂರು: ರಾಜ್ಯದಲ್ಲಿಂದು ಮಹಾಮಾರಿ ಕೋವಿಡ್ ಸೋಂಕುಗಳ ಪ್ರಕರಣದಲ್ಲಿ ಮಹಾಸ್ಪೋಟವಾಗಿದ್ದು, ಕಳೆದ 24 ಗಂಟೆಗಳ ಅವಧಿಯಲ್ಲಿ ಬರೋಬ್ಬರಿ 39047 ಪ್ರಕರಣಗಳು ಪತ್ತೆಯಾಗಿವೆ.

ಇಂದು ಸಂಜೆ (ಏಪ್ರಿಲ್,28 ಬುಧವಾರ) ಕರ್ನಾಟಕ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳನ್ವಯ ದಿನಾಂಕ:27.04.2021, 00:00 ರಿಂದ 23:59ರವರೆಗಿನ ಅವಧಿಯಲ್ಲಿ ರಾಜ್ಯದಲ್ಲಿ 39047 ಜನರಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ. ಇದೇ ಅವಧಿಯಲ್ಲಿ ಕೋವಿಡ್‍ನಿಂದ 229 ಜನರು ಸಾವನ್ನಪ್ಪಿದ್ದಾರೆ.

ಇಂದು 11833 ಜನರು ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ರಾಜ್ಯದಲ್ಲಿ ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ 328884ಕ್ಕೆ ಏರಿಕೆಯಾಗಿದೆ.

ಬೆಂಗಳೂರು ನಂಬರ್ ಒನ್ :

ಈ ದಿನವೂ ಕೂಡ ಸಿಲಿಕಾನ್ ಸಿಟಿ ಬೆಂಗಳೂರು ಮೊದಲ ಸ್ಥಾನದಲ್ಲಿದೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ ಬರೋಬ್ಬರಿ 22596 ಹೊಸ ಪ್ರಕರಣಗಳು ಬೆಂಗಳೂರು ನಗರದಲ್ಲಿ ಪತ್ತೆಯಾಗಿವೆ. ಇದೇ ಅವಧಿಯಲ್ಲಿ 137 ಜನರು ಸಾವನ್ನಪ್ಪಿರುವುದಾಗಿ ವರದಿಗಳು ತಿಳಿಸಿವೆ.

ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ :

ಬಾಗಲಕೋಟೆ-333, ಬಳ್ಳಾರಿ-1106,ಬೆಳಗಾವಿ-360, ಬೆಂಗಳೂರು ಗ್ರಾಮಾಂತರ-732 , ಬೆಂಗಳೂರು ನಗರ-22596, ಬೀದರ್-269, ಚಾಮರಾಜನಗರ-424,ಚಿಕ್ಕಬಳ್ಳಾಪುರ-683, ಚಿಕ್ಕಮಗಳೂರು-297, ಚಿತ್ರದುರ್ಗ-110,ದಕ್ಷಿಣ ಕನ್ನಡ-664, ದಾವಣಗೆರೆ-196,ಧಾರವಾಡ-654, ಗದಗ-129, ಹಾಸನ-1001, ಹಾವೇರಿ-36, ಕಲಬುರಗಿ-901, ಕೊಡಗು-388, ಕೋಲಾರ-1194, ಕೊಪ್ಪಳ-444, ಮಂಡ್ಯ-935, ಮೈಸೂರು-1759, ರಾಯಚೂರು-511,ರಾಮನಗರ-164,ಶಿವಮೊಗ್ಗ-333, ತುಮಕೂರು-1174,ಉಡುಪಿ-664,ಉತ್ತರ ಕನ್ನಡ-301, ವಿಜಯಪುರ-394, ಯಾದಗಿರಿ-295 .