ಶೋಫಿಯಾನ್ ಎನ್ ಕೌಂಟರ್: ಮೂವರು ಉಗ್ರರ ಹತ್ಯೆ, ಭದ್ರತಾ ಪಡೆಗಳ ಮುಂದೆ ಮಂಡಿಯೂರಿದ ಓರ್ವ ಉಗ್ರ
Team Udayavani, May 6, 2021, 8:41 AM IST
ಶ್ರೀನಗರ: ಜಮ್ಮು ಕಾಶ್ಮೀರ್ ಶೋಫಿಯಾನ್ ನಲ್ಲಿ ನಡೆದ ಎನ್ ಕೌಂಟರ್ ನಲ್ಲಿ ಭದ್ರತಾ ಪಡೆಗಳು ಮೂವರು ಉಗ್ರರನ್ನು ಹೊಡೆದುರುಳಿಸಿವೆ. ಘಟನೆಯಲ್ಲಿ ಓರ್ವ ಭಯೋತ್ಪಾದಕ ಭದ್ರತಾ ಪಡೆಗಳ ಮುಂದೆ ಶರಣಾಗಿದ್ದಾನೆ.
ಉಗ್ರರ ಇರುವಿಕೆಯ ಬಗ್ಗೆ ಖಚಿತ ಮಾಹಿತಿ ಪಡೆದ ಭದ್ರತಾ ಪಡೆಗಳು, ಕನಿಗಾಮ್ ಪ್ರದೇಶದಲ್ಲಿ ಸುತ್ತುವರಿದು, ಹುಡುಕು ಕಾರ್ಯಾಚರಣೆ ಆರಂಭಿಸಿದವು ಎಂದು ಪೊಲೀಸ್ ಮೂಲಗಳು ಮಾಹಿತಿ ನೀಡಿದೆ.
ಆ ಪ್ರದೇಶದಲ್ಲಿ ಉಗ್ರ ಸಂಘಟನೆಗೆ ಹೊಸದಾಗಿ ಸೇರ್ಪಡೆಯಾದ ನಾಲ್ವರು ಉಗ್ರರಿದ್ದರು. ಶರಣಾಗುವಂತೆ ಅವರನ್ನು ಬಹಳ ಪ್ರಯತ್ನಿಸಲಾಯಿತು. ಆದರೆ ಭದ್ರತಾ ಪಡೆಗಳ ಕೋರಿಕೆಗೆ ಕಿವಿಗೊಡದ ಮೂವರು ಉಗ್ರರು, ಪಡೆಗಳ ಮೇಲೆ ಗುಂಡು ಹಾರಿಸಲು ಆರಂಭಿಸಿದರು. ಅಷ್ಟೇ ಅಲ್ಲದೆ ಗ್ರೆನೇಡ್ ದಾಳಿ ನಡೆಸಿದರು.
ಪ್ರತಿಯಾಗು ಗುಂಡು ಹಾರಿಸಿದ ಭದ್ರತಾ ಪಡೆಗಳು ಮೂವರು ಉಗ್ರರನ್ನು ಹೊಡೆದುರುಳಿಸಿದರು. ಓರ್ವ ಉಗ್ರ ಭಧ್ರತಾ ಪಡೆಗಳೆದುರು ಶರಣಾಗಿದ್ದಾನೆ. ಶರಣಾದ ಉಗ್ರನನ್ನು ತೌಸಿಫ್ ಅಹಮದ್ ಎಂದು ಗುರುತಿಸಲಾಗಿದೆ.
#ShopianEncounterUpdate: One newly recruited #terrorist namely Tausif Ahmad #surrendered. #Operation in progress. Further details shall follow. @JmuKmrPolice https://t.co/WNsRDrdUS5
— Kashmir Zone Police (@KashmirPolice) May 6, 2021