ಮಾಸ್ಕ್ ಕಾರಣಕ್ಕೆ ಪೊಲೀಸರ ಜತೆ ಯೋಧನ ವಾಗ್ವಾದ
Team Udayavani, Jun 4, 2021, 6:51 PM IST
ಹುಬ್ಬಳ್ಳಿ: ಮಾಸ್ಕ್ ಧರಿಸದ ಕಾರಣಕ್ಕೆ ಸಿಆರ್ಪಿಎಫ್ ಯೋಧರೊಬ್ಬರು ಪೊಲೀಸರೊಂದಿಗೆ ವಾಗ್ವಾದಕ್ಕಿಳಿದು, ಕೊನೆಗೆ ದಂಡ ಕಟ್ಟಿ ಹೋದ ಘಟನೆ ನಡೆದಿದೆ.
ಗುರುವಾರ ಬೆಳಗ್ಗೆ ಸಿಆರ್ಪಿಎಫ್ ಯೋಧರೊಬ್ಬರು ವಿಮಾನ ನಿಲ್ದಾಣದಿಂದ ಗದುಗಿನ ಹುಲಕೋಟಿಗೆ ಹೊರಟಿದ್ದರು. ಇಲ್ಲಿನ ಚನ್ನಮ್ಮ ವೃತ್ತದ ಚೆಕ್ಪೋಸ್ಟ್ನಲ್ಲಿ ವಾಹನಗಳ ತಪಾಸಣೆ ವೇಳೆ ಇವರ ಕಾರಿನಲ್ಲಿದ್ದ ವ್ಯಕ್ತಿಯೊಬ್ಬರು ಮಾಸ್ಕ್ ಧರಿಸಿಲ್ಲ ಎಂದು ಪೊಲೀಸರು ವಾಹನ ತಡೆದರು. ಆದರೆ ಇದೇ ಚೆಕ್ಪೋಸ್ಟ್ ನ ಹಿಂದೆ ನಿಂತಿದ್ದ ಪೊಲೀಸರು ಮಾಸ್ಕ್ ಧರಿಸಿದ ಕಾರಣಕ್ಕೆ ವಾಹನ ಬಿಟ್ಟಿದ್ದಾರೆ. ಆದರೆ ಈಗ ಮಾಸ್ಕ್ ಹಾಕಿಲ್ಲ ದಂಡ ಕಟ್ಟಿ ಎಂದು ಇನ್ನೊಬ್ಬರು ಹೇಳುವುದು ಯಾವ ನ್ಯಾಯ ಎಂದು ತಕರಾರು ತೆಗೆದರು. ಸ್ಥಳಕ್ಕೆ ಆಗಮಿಸಿದ ಉಪನಗರ ಠಾಣೆ ಇನ್ಸ್ಪೆಕ್ಟರ್ ರವಿಚಂದ್ರ ಮಾಸ್ಕ್ ಧರಿಸಿಲ್ಲ ಎಂದ ಮೇಲೆ ದಂಡ ಕಟ್ಟಬೇಕು ಎಂದರು.
ಇದರಿಂದ ಮತ್ತಷ್ಟು ಕೆರಳಿದ ಸಿಆರ್ಪಿಎಫ್ ಯೋಧ ದಂಡ ಕಟ್ಟಲು ಸಾಧ್ಯವಿಲ್ಲ ಎಂದು ಪಟ್ಟು ಹಿಡಿದರು. ಹೀಗೆ ವಾದ ಮಾಡಿದರೆ ವಾಹನ ಸೀಜ್ ಮಾಡುವುದಾಗಿ ಕೀ ತೆಗೆದುಕೊಳ್ಳಲು ಮುಂದಾಗುತ್ತಿದ್ದಂತೆ ಎಲ್ಲಾ ದಾಖಲೆಗಳು ಸರಿಯಿವೆ ಯಾವ ಕಾರಣಕ್ಕಾಗಿ ವಾಹನ ಸೀಜ್ ಮಾಡುತ್ತೀರಿ ಎಂದು ಯೋಧ ಕೀಲಿ ನೀಡುವುದಿಲ್ಲ ಎಂದು ತಕರಾರು ತೆಗೆದರು.
ವಾಹನ ಸೀಜ್ ಮಾಡುವುದಾಗಿ ಪೊಲೀಸರು ಪಟ್ಟು ಹಿಡಿದ ಹಿನ್ನೆಲೆಯಲ್ಲಿ ಸಂಬಂಧಿಕರು ಯೋಧನನ್ನು ಸಮಾಧಾನ ಪಡಿಸಿ ದಂಡ ಕಟ್ಟಿ ತೆರಳಿದರು. 72 ವಾಹನ ಜಪ್ತಿ: ಕೋವಿಡ್ ನಿಯಮಗಳನ್ನು ಉಲ್ಲಂಘಿ ಸಿದ ಹಿನ್ನೆಲೆಯಲ್ಲಿ ಮಾಸ್ಕ್ ಧರಿಸದ 100 ಪ್ರಕರಣಗಳಲ್ಲಿ 25,000 ರೂ. ದಂಡ, ಸಾಮಾಜಿಕ ಅಂತರ ಕಾಪಾಡದ ಹಿನ್ನೆಲೆಯಲ್ಲಿ 541 ಪ್ರಕರಣಗಳಲ್ಲಿ 1,08,200 ರೂ. ದಂಡ ಹಾಕಿದ್ದಾರೆ. 72 ವಾಹನಗಳನ್ನು ಜಪ್ತಿ ಮಾಡಿ 26 ಪ್ರಕರಣಗಳನ್ನು ದಾಖಲು ಮಾಡಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Bangarapet ಕೆರೆಯಲ್ಲಿ ಸೆಲ್ಫಿ ತೆಗೆಯಲು ಹೋಗಿ ಅಪ್ಪ, ಮಗಳು ಸಾವು
Hosapete; ಕೆಲವು ದೇಶಗಳು ಭಾರತ ಸರ್ಕಾರ ದುರ್ಬಲವಾಗಿರಲು ಬಯಸುತ್ತಿವೆ: ಮೋದಿ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !
Indi ಲಚ್ಯಾಣ ಮಹಾರಥೋತ್ಸವದಲ್ಲಿ ಅವಘಡ: ರಥದ ಗಾಲಿಗೆ ಸಿಲುಕಿ ಇಬ್ಬರು ಮೃತ್ಯು