ಐಪಿಎಲ್‌ ಟ್ರೋಫಿ ಎತ್ತಿದ ಚೇತೇಶ್ವರ್‌ ಪೂಜಾರ!

Team Udayavani, Oct 17, 2021, 5:57 AM IST

ದುಬಾೖ: ಟೆಸ್ಟ್‌ ಸ್ಪೆಷಲಿಸ್ಟ್‌ ಚೇತೇಶ್ವರ್‌ ಪೂಜಾರ ಅವರಿಗೂ ಇದು ಸ್ಮರಣೀಯ ಐಪಿಎಲ್‌ ಎನಿಸಿತು.

ಈ ಬಾರಿ ಅವರು ಚೆನ್ನೈ ತಂಡದ ಸದಸ್ಯರಾಗಿದ್ದರು. ಆದರೆ ಒಂದೂ ಪಂದ್ಯದಲ್ಲಿ ಆಡುವ ಅವಕಾಶ ಸಿಗಲಿಲ್ಲ. ಅವರಿಗೆ ಐಪಿಎಲ್‌ ಟ್ರೋಫಿಯನ್ನು ಎತ್ತಿ ಹಿಡಿಯುವ ಅದೃಷ್ಟ ಒಲಿದದ್ದು ಇದೇ ಮೊದಲು!

ಇದನ್ನೇ ನೆಪವಾಗಿಟ್ಟುಕೊಂಡ ಜಾಲತಾಣಿಗರು ವಿರಾಟ್‌ ಕೊಹ್ಲಿ ಅವರನ್ನು ವ್ಯಂಗ್ಯ ಮಾಡಿದ್ದಾರೆ. “ನೋಡಿ… ಪೂಜಾರ ಕೂಡ ಒಂದು ಐಪಿಎಲ್‌ ಟ್ರೋಫಿ ಗೆದ್ದರು, ನಿಮ್ಮಿಂದ ಇನ್ನೂ ಸಾಧ್ಯವಾಗಲಿಲ್ಲ’ ಎಂದು ಕೆಣಕಿದ್ದಾರೆ!

ಠಾಕೂರ್‌ಗೆ ಬರ್ತ್‌ಡೇ ಗಿಫ್ಟ್
ಚೆನ್ನೈ ತಂಡದ ಪ್ರಧಾನ ಬೌಲರ್‌ಗಳಲ್ಲಿ ಒಬ್ಬರಾದ ಶಾರ್ದೂಲ್ ಠಾಕೂರ್‌ ಐಪಿಎಲ್‌ ನಡುವೆಯೇ ಭಾರತದ ಟಿ20 ವಿಶ್ವಕಪ್‌ ಪ್ರಧಾನ ತಂಡಕ್ಕೆ ಸೇರ್ಪಡೆಗೊಂಡ ಖುಷಿಯಲ್ಲಿದ್ದರು. ಶುಕ್ರವಾರ ಚೆನ್ನೈ ಟ್ರೋಫಿ ಗೆಲ್ಲುವುದರೊಂದಿಗೆ ಠಾಕೂರ್‌ ಅವರ ಸಂಭ್ರಮ ಇಮ್ಮಡಿಗೊಂಡಿತು. ಕಾರಣ, ಶನಿವಾರ ಅವರ 30ನೇ ಬರ್ತ್‌ಡೇ ಆಗಿತ್ತು!

ಇದನ್ನೂ ಓದಿ:ಭಾರತದಲ್ಲೇ ಮುಂದಿನ ಐಪಿಎಲ್‌: ಗಂಗೂಲಿ

ರಾತ್ರಿ 12ರ ಬಳಿಕ ತಂಡ ಡ್ರೆಸ್ಸಿಂಗ್‌ ರೂಮ್‌ ಪ್ರವೇಶಿಸಿದೊಡನೆಯೇ ತಂಡದ ಆಲ್‌ರೌಂಡರ್‌ ಡ್ವೇನ್‌ ಬ್ರಾವೊ “ಓಹ್‌ ಶಾದೂìಲ್‌ ಇಟ್ಸ್‌ ಯುವರ್‌ ಬರ್ತ್‌ ಡೇ’ ಎಂದು ಹಾಡಿ ಕುಣಿದರು. ಬಳಿಕ ಠಾಕೂರ್‌ಗೆ ನಾಯಕ ಧೋನಿ ಕೇಕ್‌ ತಿನ್ನಿಸಿ ಶುಭ ಹಾರೈಸಿದರು.