ಬೆಳಗಾವಿಯಲ್ಲಿ ರಾಂಗ್ ರನ್ ವೇ ಮೇಲೆ ವಿಮಾನ ಲ್ಯಾಂಡ್: ತಪ್ಪಿದ ದುರಂತ

Team Udayavani, Oct 25, 2021, 2:31 PM IST

ಬೆಳಗಾವಿ: ಹೈದರಾಬಾದ್ ನಿಂದ ರವಿವಾರ ಬೆಳಗಾವಿ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ವಿಮಾನವೊಂದು ತಪ್ಪಾದ ರನ್ ವೇ ಮೇಲೆ ಲ್ಯಾಂಡ್ ಆಗಿದ್ದು ಭಾರೀ ಆತಂಕ ಸೃಷ್ಟಿಸಿತ್ತು.

ನಿಗದಿತ ರನ್ ವೇ ಮೇಲೆ ಲ್ಯಾಂಡ್ ಆಗುವ ಬದಲು ನಿರ್ಗಮಿಸುವ ಸ್ಥಳದಲ್ಲಿ ಲ್ಯಾಂಡ್ ಆಗಿ ಅವಾಂತರ ಸೃಷ್ಟಿಸಿದ್ದು, ಆದರೆ ಅದೃಷ್ಟವಶಾತ್ ಯಾವುದೇ ಅನಾಹುತ ಸಂಭವಿಸಿಲ್ಲ.‌ ಸುರಕ್ಷಿತವಾಗಿ ಈ ಸ್ಪೈಸ್ ಜೆಟ್ ವಿಮಾನ ತೆರಳಿದೆ.‌

ಹೈದರಾಬಾದ್ ದಿಂದ ಬೆಳಗಾವಿಗೆ ಬಂದ ಸ್ಪೈಸ್ ಜೆಟ್ ವಿಮಾನ ರವಿವಾರ ಬೆಳಗ್ಗೆ 11:26ಕ್ಕೆ ಲ್ಯಾಂಡ್ ಆಗಿದ್ದು, ಸುರಕ್ಷಿತವಾಗಿ 12:05ಕ್ಕೆ ನಿರ್ಗಮನಗೊಂಡಿದೆ.

ಇದನ್ನೂ ಓದಿ:ಮಡಿಕೇರಿ: ಪಾಕ್ ವಿರುದ್ಧ ಭಾರತಕ್ಕೆ ಸೋಲು; ಹೃದಯಾಘಾತದಿಂದ ಕ್ರೀಡಾಭಿಮಾನಿ ಸಾವು

ರಾಂಗ್ ರನ್ ವೇದಲ್ಲಿ ಲ್ಯಾಂಡ್‌ ಆಗಿದ್ದರಿಂದ‌ ಕೆಲಕಾಲ ಆತಂಕ ಸೃಷ್ಟಿಸಿತ್ತು. ಅನಾಹುತವೊಂದು ತಪ್ಪಿದಂತಾಗಿದೆ.

ವಿಮಾನ ನಿಲ್ದಾಣದ 26 ನೇ ರನ್ ವೇದಲ್ಲಿ ಲ್ಯಾಂಡ್ ಆಗಬೇಕಿದ್ದ ಈ ವಿಮಾನ 8ರ ರನ್ ವೇದಲ್ಲಿ ಲ್ಯಾಂಡ್‌ ಆಗಿದೆ. ಈ ಬಗ್ಗೆ ವಿಮಾನ ಅವಘಾತ ತನಿಖಾ ದಳದಿಂದ ತನಿಖೆ ಆರಂಭಗೊಂಡಿದೆ.‌ ಪೈಲಟ್ ಗಳನ್ನು ತನಿಖೆಗೆ ಒಳಪಡಿಸಲಾಗಿದೆ ಎಂದು ಬೆಳಗಾವಿ ವಿಮಾನ ನಿಲ್ದಾಣ ನಿರ್ದೇಶಕ ರಾಜೇಶ ಮೌರ್ಯ ತಿಳಿಸಿದ್ದಾರೆ