ಪಂಜಾಬ್ ಚುನಾವಣೆ; ಮತ್ತೆ ಹದಿನೈದು ಅಭ್ಯರ್ಥಿಗಳ ಹೆಸರು ಘೋಷಿಸಿದ ಆಮ್ ಆದ್ಮಿ ಪಕ್ಷ
ಪ್ಗೆ ಹೋಲಿಸಿದರೆ ಕಾಂಗ್ರೆಸ್ ಹಾಗೂ ಬಿಜೆಪಿ ಇನ್ನೂ ಚುನಾವಣೆಗೆ ಸನ್ನಾಹಗೊಂಡಿಲ್ಲ.
Team Udayavani, Dec 28, 2021, 3:08 PM IST
ಪಂಜಾಬ್ : ಪಂಜಾಬ್ನಲ್ಲಿ ಮುಂದಿನ ವರ್ಷ ನಡೆಯಲಿರುವ ಚುನಾವಣೆ ಹಿನ್ನೆಲೆಯಲ್ಲಿ ಆಮ್ ಆದ್ಮಿ ಪಕ್ಷ (ಆಪ್ ) ಮತ್ತೆ ಹದಿನೈದು ಅಭ್ಯರ್ಥಿಗಳ ಹೆಸರು ಘೋಷಣೆ ಮಾಡಿದೆ. ಈ ಮೂಲಕ ಉಳಿದೆಲ್ಲ ಪಕ್ಷಗಳಿಗಿಂತಲೂ ಚುನಾವಣಾ ತಯಾರಿಯಲ್ಲಿ ಒಂದು ಹೆಜ್ಜೆ ಮುಂದೆ ಸಾಗಿದೆ.
ಪಂಜಾಬ್ ವಿಧಾನಸಭೆಯಲ್ಲಿ ಪ್ರಮುಖ ಪ್ರತಿಪಕ್ಷವಾಗಿರುವ ಆಪ್ ಇದರೊಂದಿಗೆ ಒಟ್ಟು 88 ಕ್ಷೇತ್ರಗಳಿಗೆ ಅಭ್ಯರ್ಥಿಯನ್ನು ಘೋಷಿಸಿದಂತಾಗಿದೆ. ಪಂಜಾಬ್ ವಿಧಾನಸಭೆ 117 ಸದಸ್ಯ ಬಲವನ್ನು ಹೊಂದಿದೆ.
ಆಪ್ ಹೊಸದಾಗಿ ಪ್ರಕಟಿಸಿರುವ ಪಟ್ಟಿಯ ಪ್ರಕಾರ ಪಂಜಾಬ್ನ ಆಮ್ ಆದ್ಮಿ ಪಕ್ಷದ ಮುಂಚೂಣಿ ನಾಯಕ ಕುಲವಂತ್ ಸಿಂಗ್ ಮೊಹಾಲಿಯಿಂದ ಸ್ಪರ್ಧೇ ನಡೆಸಲಿದ್ದಾರೆ. ರಿಯಲ್ ಎಸ್ಟೇಟ್ ಉದ್ಯಮಿಯೂ ಆಗಿರುವ ಕುಲವಂತ್ ಸಿಂಗ್ ಮೊಹಾಲಿ ಮಹಾನಗರ ಪಾಲಿಕೆಯ ಮಾಜಿ ಮೇಯರ್ ಆಗಿದ್ದಾರೆ. ಸೋಮವಾರವಷ್ಟೇ ಪಕ್ಷ ಸೇರ್ಪಡೆಯಾಗಿರುವ ಅವರಿಗೆ ಪಕ್ಷ ವಿಶೇಷ ಆದ್ಯತೆ ನೀಡುತ್ತಿರುವುದು ಈಗ ಚರ್ಚೆಗೆ ಕಾರಣವಾಗಿದೆ.
ಆಪ್ಗೆ ಹೋಲಿಸಿದರೆ ಕಾಂಗ್ರೆಸ್ ಹಾಗೂ ಬಿಜೆಪಿ ಇನ್ನೂ ಚುನಾವಣೆಗೆ ಸನ್ನಾಹಗೊಂಡಿಲ್ಲ. ಪಂಜಾಬ್ ಮಾಜಿ ಸಿಎಂ ಅಮರೀಂದ್ರ ಸಿಂಗ್ ಅವರ ಹೊಸ ಪಕ್ಷದ ಜತೆಗೆ ಬಿಜೆಪಿ ಮೈತ್ರಿ ಸಾಧಿಸಿದ್ದು, ಪ್ರಣಾಳಿಕೆಯನ್ನೂ ಸಿದ್ದಪಡಿಸಿದೆ.