ಮಲೇಷ್ಯಾ ಓಪನ್ ಬ್ಯಾಡ್ಮಿಂಟನ್: ಓಟ ಬೆಳೆಸುವರೇ ಸಿಂಧು?
Team Udayavani, Jun 27, 2022, 11:26 PM IST
ಕೌಲಾಲಂಪುರ: ಇಂಡೋನೇಷ್ಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಮೊದಲ ಸುತ್ತಿನಲ್ಲೇ ಸೋಲಿನ ಆಘಾತಕ್ಕೆ ಸಿಲುಕಿದ ಪಿ.ವಿ. ಸಿಂಧು ಅವರಿಗೆ ಮತ್ತೊಂದು ಸವಾಲು ಎದುರಾಗಿದೆ.
ಮಂಗಳವಾರ ಮಲೇಷ್ಯಾ ಓಪನ್ 750 ಬ್ಯಾಡ್ಮಿಂಟನ್ ಪಂದ್ಯಾವಳಿ ಆರಂಭವಾಗಲಿದ್ದು, ಇಲ್ಲಿ ಸಿಂಧು ಸುದೀರ್ಘ ಓಟ ಬೆಳೆಸಬೇಕಿದೆ.
“ಇಂಡೋನೇಷ್ಯಾ ಓಪನ್ ಸೂಪರ್ 1000′ ಪಂದ್ಯಾವಳಿಯಲ್ಲಿ ಚೀನದ ಹಿ ಬಿಂಗ್ ಜಿಯಾವೊ ಮೊದಲ ಸುತ್ತಿನಲ್ಲೇ ಸಿಂಧುಗೆ ಮನೆಯ ಹಾದಿ ತೋರಿಸಿದ್ದರು.
ಕೌಲಾಲಂಪುರದ ಸವಾಲು ಕೂಡ ಸುಲಭದ್ದಲ್ಲ. ಇಲ್ಲಿನ ಮೊದಲ ಸುತ್ತಿನ ಎದುರಾಳಿ ಥಾಯ್ಲೆಂಡ್ನ ಪೋರ್ಣಪವೀ ಚೊಚುವೋಂಗ್. ಇವರೆದುರು ಸಿಂಧು 5-3 ಗೆಲುವಿನ ದಾಖಲೆ ಹೊಂದಿದ್ದಾರೆ. ಮೊದಲ ಸುತ್ತು ದಾಟಿದರೆ ಸಿಂಧುಗೆ ಚೀನದ ಒಲಿಂಪಿಕ್ ಚಾಂಪಿಯನ್ ಚೆನ್ ಯು ಫೀ ಸವಾಲು ಎದುರಾಗುವ ಸಾಧ್ಯತೆ ಇದೆ.ಭಾರತದ ಮತ್ತೋರ್ವ ಆಟಗಾರ್ತಿ ಸೈನಾ ನೆಹ್ವಾಲ್ ಕೂಡ ಕಣದಲ್ಲಿದ್ದು, ಅಮೆರಿಕದ ಐರಿಸ್ ವಾಂಗ್ ವಿರುದ್ಧ ಮೊದಲ ಸುತ್ತಿನ ಪಂದ್ಯ ಆಡುವರು. ಮುನ್ನಡೆದರೆ ಜಪಾನಿನ ನೊಜೊಮಿ ಒಕುಹಾರ ಎದುರಾಗಬಹುದು.
ಪುರುಷರ ವಿಭಾಗ
ಎಚ್.ಎಸ್. ಪ್ರಣಯ್ ಮಲೇಷ್ಯಾದ ಹಿರಿಯ ಆಟಗಾರ ಡ್ಯಾರೆನ್ ಲ್ಯೂ ವಿರುದ್ಧ, ಬಿ. ಸಾಯಿ ಪ್ರಣೀತ್ ಇಂಡೋನೇಷ್ಯಾದ ಸಿನಿಸುಕ ಗಿಂಟಿಂಗ್ ವಿರುದ್ಧ, ಸಮೀರ್ ವರ್ಮ ಇಂಡೋನೇಷ್ಯಾದ ಜೊನಾಥ ಕ್ರಿಸ್ಟಿ ವಿರುದ್ಧ, ಪಿ. ಕಶ್ಯಪ್ ಕೊರಿಯಾದ ಹೇವೊ ಕ್ವಾಂಗ್ ಹೀ ವಿರುದ್ಧ ಮೊದಲ ಸುತ್ತಿನ ಪಂದ್ಯ ಆಡಲಿದ್ದಾರೆ.
ಪುರುಷರ ಡಬಲ್ಸ್ನಲ್ಲಿ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ-ಚಿರಾಗ್ ಶೆಟ್ಟಿ, ಮಿಶ್ರ ಡಬಲ್ಸ್ನಲ್ಲಿ ಅಶ್ವಿನಿ ಪೊನ್ನಪ್ಪ-ಬಿ. ಸುಮೀತ್ ರೆಡ್ಡಿ, ವೆಂಕಟ್ ಗೌರವ್ ಪ್ರಸಾದ್-ಜೂಹಿ ದೇವಾಂಗನ್ ಕಣಕ್ಕಿಳಿಯಲಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Mudigere: ಹುಲಿ ಹತ್ಯೆ ಪ್ರಕರಣದ ಪ್ರಮುಖ ಆರೋಪಿ ವಶಕ್ಕೆ
Rupali Ganguly : ʼಅನುಪಮಾʼ ಧಾರಾವಾಹಿ ಖ್ಯಾತಿಯ ನಟಿ ರೂಪಾಲಿ ಗಂಗೂಲಿ ಬಿಜೆಪಿ ಸೇರ್ಪಡೆ
Extortion: ಆನ್ಲೈನ್ ಗೇಮ್; ಬಾಲಕನ ಬೆದರಿಸಿ ಸುಲಿಗೆ
Kushtagi: ಕಾಣೆಯಾಗಿದ್ದ ಪುರಸಭೆ ನೌಕರ ಪತ್ತೆ; ಆತಂಕ ದೂರ
Politics: ಕೇಂದ್ರ ಬರ ಪರಿಹಾರ ನೀಡದಿರಲು ವಿಧಾನಸಭೆ ಚುನವಾಣೆ ಸೋಲಿನ ಸೇಡು: ರಾಮಲಿಂಗಾರೆಡ್ಡಿ