ವೈರಲ್: ರಶ್ಮಿಕಾ ಮಂದಣ್ಣ ಮೇಲೆ ಶುಭಮನ್‌ ಗಿಲ್‌ ಗೆ ಕ್ರಶ್;‌ ಸಾರಾಳನ್ನು ಮರೆತ್ರಾ ಗಿಲ್?

Team Udayavani, Mar 8, 2023, 4:02 PM IST

ಮುಂಬಯಿ: ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ನ್ಯಾಷನಲ್‌ ಕ್ರಶ್‌ ಎನ್ನುವ ಖ್ಯಾತಿಯನ್ನು ಪಡೆದುಕೊಂಡಿದ್ದಾರೆ. ಸದ್ಯ ಬಿಟೌನ್‌ ಸೇರಿ ಇತರ ಸಿನಿಮಾರಂಗದಲ್ಲಿ ಸಾಲು ಸಾಲು ಚಿತ್ರಗಳಲ್ಲಿ ಬ್ಯುಸಿಯಾಗಿರುವ ರಶ್ಮಿಕಾ ಅವರ ಬಗ್ಗೆ ಸದಾ ಒಂದಲ್ಲ ಒಂದು ವಿಚಾರ ಗಾಸಿಪ್‌ ಆಗಿ ಹರಿದಾಡುತ್ತಿರುತ್ತದೆ.

ರಶ್ಮಿಕಾ ಟಾಲಿವುಡ್‌ ನಟ ವಿಜಯ್‌ ದೇವರಕೊಂಡಾ ಅವರೊಂದಿಗೆ ಡೇಟಿಂಗ್‌ ನಲ್ಲಿದ್ದಾರೆ ಎನ್ನುವ ವಿಚಾರ ಕಳೆದ ಕೆಲ ಸಮಯದಿಂದ ಹರಿದಾಡುತ್ತಿರುವುದು ಗೊತ್ತೇ ಇದೆ. ಅನೇಕ ಬಾರಿ ಇಬ್ಬರು ಜೊತೆಯಾಗಿ ಕಾಣಿಸಿಕೊಳ್ಳದಿದ್ದರೂ, ಇಬ್ಬರು ಒಂದೇ ಸಮಯದಲ್ಲಿ ತಿರುಗಾಡಲು ಹೋಗುತ್ತಾರೆ. ಆದರೆ ಫೋಟೋಗಳನ್ನು ಒಂದಾಗಿ ಹಾಕುವುದಿಲ್ಲ. ಈ ಹೊಸ ವರ್ಷವನ್ನು ವಿದೇಶದಲ್ಲಿ ರಶ್ಮಿಕಾ – ದೇವರಕೊಂಡಾ ಒಟ್ಟಾಗಿ ಆಚರಿಸಿಕೊಂಡಿದ್ದರು ಎನ್ನುವುದಕ್ಕೆ ಕೆಲ ಫೋಟೋಗಳು ವೈರಲ್‌ ಆಗಿತ್ತು.

ಇದೀಗ ನಟಿ ರಶ್ಮಿಕಾ ಅವರಿಗೆ ಹೊಸ ಕ್ರಶ್‌ ಒಬ್ಬರು ಸಿಕ್ಕಿದ್ದಾರೆ. ರಶ್ಮಿಕಾ ಅವರ ಮೇಲೆ ಕ್ರಿಕೆಟರ್‌ ಶುಭಮನ್ ಗಿಲ್ ಅವರಿಗೆ ಕ್ರಷ್‌ ಆಗಿದೆ ಎಂದು ಬಾಲಿವುಡ್‌ ಪೇಜ್‌ ವೊಂದು ವರದಿ ಮಾಡಿತ್ತು. ಇಬ್ಬರ ಫೋಟೋಗಳನ್ನು ಕಾಲೇಜ್‌ ಮಾಡಿ, ʼಕ್ರ ಶ್‌ ಅಪ್ಡೇಡ್‌ʼ ಎಂದು ಬರೆದ ಫೋಟೋ ವೈರಲ್‌ ಆಗಿತ್ತು. ಎಲ್ಲಿಯವರೆಗೆ ಅಂದರೆ ಈ ನ್ಯೂಸ್‌ ಶುಭಮನ್ ಗಿಲ್ ಅವರಿಗೂ ತಲುಪಿದ್ದು, ಇದರ ಬಗ್ಗೆ ಕೇಳಿ ಗಿಲ್‌ ಅವರೇ ಶಾಕ್‌ ಆಗಿದ್ದಾರೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ಕೆಲ ಮಾಧ್ಯಮಗಳು ಏನನ್ನು ಹೇಳುತ್ತಿದ್ದೆಯೋ ಅದರ ಬಗ್ಗೆ ನನಗೆ ಕಿಂಚಿತ್ತೂ ಮಾಹಿತಿಯೇ ಇಲ್ಲ‌ ಎಂದಿದ್ದಾರೆ.

ಅಂದ ಹಾಗೆ ಶುಭಮನ್‌ ಗಿಲ್‌ ಬಾಲಿವುಡ್‌ ನಟಿ ಸಾರಾ ಆಲಿಖಾನ್‌ ಅವರೊಂದಿಗೆ ಡೇಟಿಂಗ್‌ ನಲ್ಲಿದ್ದಾರೆ ಎನ್ನಲಾಗುತ್ತಿದೆ. ಇಬ್ಬರು ಇತ್ತೀಚೆಗೆ ಜೊತೆಯಾಗಿ ರೆಸ್ಟೋರೆಂಟ್‌ ವೊಂದರಲ್ಲಿ ಕಾಣಿಸಿಕೊಂಡಿದ್ದರು.

ಸದ್ಯ ನೆಟ್ಟಿಗರು ಈ ವಿಷಯದ ಬಗ್ಗೆ ನಾನಾ ರೀತಿಯಲ್ಲಿ ಮಾತನಾಡಿಕೊಂಡು ಟ್ರೋಲ್‌ ಮಾಡುತ್ತಿದ್ದಾರೆ. ಕೆಲವರು ವಿಜಯ್‌ ದೇವರಕೊಂಡಾ ಮಾತನಾಡಿದರೆ, ಕೆಲವರು ಸಾರಾ ಬಗ್ಗೆ ಪ್ರಶ್ನಿಸುತ್ತಿದ್ದಾರೆ.