ತಡರಾತ್ರಿ ತನಕ ಡಿಜೆ : ಪ್ರಕರಣ ದಾಖಲು

Team Udayavani, Mar 25, 2023, 5:06 AM IST

ಉಡುಪಿ: ಪರವಾನಿಗೆ ಪಡೆಯದೆ ತಡರಾತ್ರಿ ತನಕ ಡಿಜೆ ಹಾಕಿದ ಕುರಿತು ಉಡುಪಿ ನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡ ಘಟನೆ ಪುತ್ತೂರು ಗ್ರಾಮದ ಕೊಡಂಕೂರು ಎಂಬಲ್ಲಿ ನಡೆದಿದೆ.

ಉಡುಪಿ ನಗರ ಠಾಣಾ ಎಎಸ್‌ಐ ಜಯಕರ ಎ. ಎಂಬವರು ರಾತ್ರಿ ರೌಂಡ್ಸ್ ಕರ್ತವ್ಯದಲ್ಲಿದ್ದ ವೇಳೆ ಮಾ. 23ರ ಬೆಳಿಗಿನ ಜಾವ ನಿಟ್ಟೂರು ಪರಿಸರದಲ್ಲಿ ಕರ್ಕಶವಾಗಿ ಡಿಜೆ ಸೌಂಡ್‌ ಹಾಕಿದ್ದು ಕೊಡಂಕೂರು ಪುತ್ರನ್‌ ಗ್ಯಾಸ್‌ ಗೋಡೌನ್‌ ಬಳಿ ರವಿರಾಜ್‌ ಎಂಬವರ ಮನೆಯ ಅಂಗಳದಲ್ಲಿ ಶಾಮಿಯಾನ ಹಾಕಿ ನೃತ್ಯ ಮಾಡುತ್ತಿದ್ದುದನ್ನು ಗಮನಿಸಿ ಸ್ಥಳಕ್ಕೆ ಭೇಟಿ ನೀಡಿ ಸೌಂಡ್ಸ್‌ ಮಿಕ್ಸರ್‌ ಹಾಗೂ 2 ಸೌಂಡ್‌ ಬಾಕ್ಸ್‌ಗಳನ್ನು ವಶಕ್ಕೆ ಪಡೆದಿದ್ದಾರೆ.