ʼರಾಂಜನಾʼ ಕ್ಕೆ 10 ವರ್ಷ: ʼTere Ishk Meinʼ ಮೂಲಕ ಮತ್ತೆ ಆನಂದ್ ಜೊತೆ ಕೈಜೋಡಿಸಿದ ಧನುಷ್
Team Udayavani, Jun 21, 2023, 5:13 PM IST
ಮುಂಬಯಿ: ಕಾಲಿವುಡ್ ಸ್ಟಾರ್, ಬಹುಭಾಷಾ ನಟ ಧನುಷ್ ‘ರಾಂಜನಾʼ ರಿಲೀಸ್ ಆದ 10 ವರ್ಷದ ಬಳಿಕ ಮತ್ತೆ ಹಿಟ್ ನಿರ್ದೇಶಕನ ಜೊತೆ ಕೈಜೋಡಿಸಿ ಹೊಸ ಹಿಂದಿ ಚಿತ್ರವನ್ನು ಅನೌನ್ಸ್ ಮಾಡಿದ್ದಾರೆ.
ನಿರ್ದೇಶಕ ಆನಂದ್ ಎಲ್ ರೈ ಅವರೊಂದಿಗೆ ಧನುಷ್ ಸಿನಿಮಾ ಮಾಡಲಿದ್ದು, ಸಿನಿಮಾದ ಟೈಟಲ್ ರಿವೀಲ್ ಮಾಡುವ ಟೀಸರ್ ನ್ನು ರಿಲೀಸ್ ಮಾಡಲಾಗಿದೆ.
ಧನುಷ್ ಅವರಿಗೆ ಬಾಲಿವುಡ್ ನಲ್ಲಿ ಹೊಸ ಇಮೇಜ್ ಕೊಟ್ಟ ʼ ರಾಂಜನಾʼ ಸಿನಿಮಾದ ನಿರ್ದೇಶಕರೊಂದಿಗೆ ಮತ್ತೊಮ್ಮೆ ಧನುಷ್ ಕೈಜೋಡಿಸಿದ್ದಾರೆ. ಈ ಸಿನಿಮಾಕ್ಕೆ ‘ತೇರೆ ಇಷ್ಕ್ ಮೇʼ ಎಂದು ಟೈಟಲ್ ಇಡಲಾಗಿದೆ.
ವಿಶೇಷವೆಂದರೆ ಸೋನಮ್ ಕಪೂರ್ – ಧನುಷ್ ನಟಿಸಿದ್ದ, ಬಾಲಿವುಡ್ ನಲ್ಲಿ ಸೂಪರ್ ಹಿಟ್ ಆಗಿದ್ದ ʼರಾಂಜನಾʼ ರಿಲೀಸ್ ಆಗಿ 10 ವರ್ಷ ಆದ ದಿನವೇ ಅದೇ ನಿರ್ದೇಶಕರೊಂದಿಗೆ ಧನುಷ್ ಅವರ ಹೊಸ ಸಿನಿಮಾವನ್ನು ಅನೌನ್ಸ್ ಮಾಡಲಾಗಿದೆ.
ಈ ಬಗ್ಗೆ ಟ್ವಿಟರ್ ನಲ್ಲಿ ನಟ ಧನುಷ್ “ಕೆಲವು ಚಿತ್ರಗಳು ನಿಮ್ಮ ಜೀವನವನ್ನು ಶಾಶ್ವತವಾಗಿ ಬದಲಾಯಿಸುತ್ತವೆ. ʼರಾಂಜನಾʼ ಸಿನಿಮಾ ನಮ್ಮ ಎಲ್ಲಾ ಜೀವನವನ್ನು ಬದಲಾಯಿಸಿತು. ʼರಾಂಜನಾʼವನ್ನು ದೊಡ್ಡ ಹಿಟ್ ಆಗಿಸಿದ ಪ್ರತಿಯೊಬ್ಬರಿಗೆ ಧನ್ಯವಾದ. ಯಾವ ರೀತಿಯ ಪ್ರಯಾಣ ಕಾಯುತ್ತಿದೆ ಎಂದು ನನಗೆ ತಿಳಿದಿಲ್ಲ. ಆದರೆ ಇದು ನನಗೆ ಮತ್ತು ಎಲ್ಲರಿಗೂ ಒಂದು ಸಾಹಸವಾಗಲಿದೆ ಎನ್ನುವುದು ನನಗೆ ಖಾತ್ರಿಯಿದೆ” ಎಂದು ಧನುಷ್ ಟ್ವೀಟ್ ನಲ್ಲಿ ಹೇಳಿದ್ದಾರೆ.
“ಧನುಷ್ ಜೊತೆಗಿನ ಮುಂದಿನ ಸಿನಿಮಾವನ್ನು ಅನೌನ್ಸ್ ಮಾಡುವುದಕ್ಕೆ ಇದಕ್ಕಿಂತ ಒಳ್ಳೆಯ ದಿನ ಬೇರೊಂದಿಲ್ಲ.’ರಾಂಜನಾ’ ನನ್ನ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಹೊಂದಿದೆ. ಆ ಸಿನಿಮಾ ವಿಶ್ವಾದ್ಯಂತ ಅಭಿಮಾನಿಗಳಿಂದ ಅದು ಸ್ವೀಕರಿಸಿದ ಪ್ರೀತಿ ಮತ್ತು ಪ್ರಶಂಸೆ ನಿಜವಾಗಿಯೂ ಹೃದಯಸ್ಪರ್ಶಿಯಾಗಿದೆ” ಎಂದು ನಿರ್ದೇಶಕ ಆನಂದ್ ಎಲ್. ರೈ ಹೇಳಿದ್ದಾರೆ.
“ತನು ವೆಡ್ಸ್ ಮನು,” “ಅತ್ರಂಗಿ ರೇ,” “ಗುಡ್ ಲಕ್ ಜೆರ್ರಿ,” “ಆಕ್ಷನ್ ಹೀರೋ,” “ಹ್ಯಾಪಿ ಭಾಗ್ ಜಾಯೇಗಿ,” “ನ್ಯೂಟನ್” ಮುಂತಾದ ಸಿನಿಮಾಗಳನ್ನು ಆನಂದ್ ನಿರ್ದೇಶನ ಮಾಡಿದ್ದಾರೆ.
2013 ರಲ್ಲಿ ಬಂದ ʼರಾಂಜನಾ” ಸಿನಿಮಾಕ್ಕೆ ಎ.ಆರ್. ರೆಹಮಾನ್ ಮ್ಯೂಸಿಕ್ ನೀಡಿದ್ದರು. ಕಥೆ ಹಾಗೂ ಮ್ಯೂಸಿಕ್ ಎರಡರಲ್ಲೂ ಸಿನಿಮಾ ಅಂದು ಮೋಡಿ ಮಾಡಿತ್ತು.
Har har Mahadev 🙏🙏 My next Hindi film. https://t.co/mQeUXyi3dh pic.twitter.com/Abi7ajgaFx
— Dhanush (@dhanushkraja) June 21, 2023
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Ranveer Singh : ʼಹನುಮಾನ್ʼ ನಿರ್ದೇಶಕನ ಸಿನಿಮಾದಲ್ಲಿ ರಣ್ವೀರ್ ಸಿಂಗ್ ನಟನೆ?
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?