75 ವರ್ಷಗಳ ಬಳಿಕ ಸಿಕ್ಕಿತು ದಂಪತಿ ಮೃತದೇಹ!
Team Udayavani, Jul 19, 2017, 5:25 AM IST
ಕಾಣೆಯಾಗಿದ್ದ ದಂಪತಿಯ ಮೃತದೇಹ 75 ವರ್ಷಗಳ ಬಳಿಕ ಪತ್ತೆಯಾಗುವುದೆಂದರೇನು? ಅದೂ ಕೂಡ ಉತ್ತಮ ಸ್ಥಿತಿಯಲ್ಲಿ! ಬಹುಶಃ ಈ ಸುದ್ದಿಯನ್ನು ಯಾರು ಕೂಡ ನಂಬಲಿಕ್ಕಿಲ್ಲ. ಆದರೆ ಇದು ಸತ್ಯ. ಸ್ವಿಜರ್ಲೆಂಡ್ನಲ್ಲಿ ಈ ಘಟನೆ ನಡೆದಿದೆ. ಅಲ್ಲದೇ ಈ ಮೃತದೇಹಗಳು ದೊರಕಿರುವುದು 2,615 ಮೀಟರ್ ಎತ್ತರದಲ್ಲಿ. ಕಳೆದ ವಾರ ರೆಸಾರ್ಟ್ ಒಂದರ ಕೆಲಸಗಾರನ ಕಣ್ಣಿಗೆ ಈ ಮೃತದೇಹಗಳು ಬಿದ್ದಿದ್ದವು. ಮಾರ್ಸೆಲಿನ್ ಮತ್ತು ಫ್ರಾನ್ಸೆ„ನ್ ಡೊಮೌಲಿನ್ ದಂಪತಿ ಆಲ್ಫ್$Õ ಪರ್ವತ ಬಳಿಯ ಹುಲ್ಲುಗಾವಲಿನಲ್ಲಿ ತಮ್ಮ ಜಾನುವಾರುಗಳನ್ನು ಮೇಯಲು ಬಿಟ್ಟಿದ್ದರು.
ಹಾಲು ಕರೆಯಲೆಂದು 1942ರ ಆ.15ರಂದು ವಲೈಸ್ ಕ್ಯಾಂಟನ್ ಪರ್ವತಕ್ಕೆ ತೆರಳಿದ್ದಾಗ
ಅವರು ಕಾಣೆಯಾಗಿದ್ದರು. ಅವರಿಗೆ 7 ಜನ ಮಕ್ಕಳಿದ್ದರು. “ನಾವು ನಮ್ಮ ಜೀವಮಾನ ಪೂರ್ತಿ ನಮ್ಮ ಪೋಷಕರಿಗಾಗಿ ಹುಡುಕಾಡಿದ್ದೇವೆ. ಅವರ ಅಂತ್ಯ ಸಂಸ್ಕಾರವನ್ನು ಗೌರವಪೂರ್ವಕವಾಗಿ ನೆರವೇರಿಸುತ್ತೇವೆ ಎಂಬ ಭರವಸೆಯನ್ನು ಬಿಟ್ಟಿರಲಿಲ್ಲ’ ಎಂದು ದಂಪತಿ ಕಿರಿಯ ಪುತ್ರಿ, 79 ವರ್ಷ ವಯಸ್ಸಿನ ಮರ್ಸಿಲಿನ್ ಉರ್ಡಿ ಹೇಳಿದ್ದಾರೆ.