ಅಮಾಯಕರನ್ನು ಕೊಲ್ಲುವವರು ಮುಸ್ಲಿಮರೇ ಅಲ್ಲ : ಇರಾಕ್‌ ವಿದೇಶ ಸಚಿವ

Team Udayavani, Jul 27, 2017, 11:18 AM IST

ಮುಂಬಯಿ : ”ಇಸ್ಲಾಂ ಹೆಸರಲ್ಲಿ ಅಮಾಯಕರನ್ನು ಕೊಲ್ಲುವ ಭಯೋತ್ಪಾದಕರು ಮುಸ್ಲಿಮರೇ ಅಲ್ಲ” ಎಂದು ಪ್ರಕೃತ ಐದು ದಿನಗಳ ಭಾರತ ಭೇಟಿಯಲ್ಲಿರುವ ಇರಾಕ್‌ ಗಣರಾಜ್ಯದ ವಿದೇಶ ಸಚಿವ ಇಬ್ರಾಹಿಂ ಅಲ್‌ ಜಾಫ‌ರಿ ಹೇಳಿದ್ದಾರೆ. 

“ಭಯೋತ್ಪಾದಕರ ಕೆಲವು ಸಮೂಹಗಳಿವೆ. ಆ ಸಮೂಹಗಳಿಗೆ ಸೇರಿದ ಉಗ್ರರು ಇಸ್ಲಾಂ ಹೆಸರಿನಲ್ಲಿ ಘೋಷಣೆಗಳನ್ನು ಕೂಗುತ್ತಾರೆ. ಅವರು ಅಮಾಯಕ ಮಹಿಳೆಯರು ಮತ್ತು ಮಕ್ಕಳನ್ನು ಕೊಲ್ಲುತ್ತಾರೆ. ಅವರು ಇಸ್ಲಾಂ ನ ನಿಜವಾದ ಅರ್ಥದಲ್ಲಿ ಮುಸ್ಲಿಮರೇ ಅಲ್ಲ’ ಎಂದು ಅಲ್‌ ಜಾಫ‌ರಿ ಹೇಳಿದರು. 

ಜಾಫ‌ರಿ ಅವರು ದಾವೂದಿ ಬೋಹರಾ ಸಮುದಾಯದ ಮುಸ್ಲಿಮರ ಆಹ್ವಾನದ ಮೇರೆಗೆ ಮುಂಬಯಿಗೆ ಭೇಟಿಕೊಟ್ಟಿದ್ದಾರೆ. 

”ಮುಸ್ಲಿಮರಲ್ಲಿ ಹಲವು ಪಂಥಗಳಿವೆ; ಹಲವು ಸಮುದಾಯಗಳಿವೆ. ಎಲ್ಲ ಬಗೆಯ ಧಾರ್ಮಿಕ ಭಿನ್ನಮತಗಳನ್ನು ಮರೆತು ಮುಸ್ಲಿಮರೆಲ್ಲರೂ ಹೃದಯವಂತಿಕೆಯಿಂದ ಒಗ್ಗೂಡಿದರೆ ವಿಶ್ವ ಶಾಂತಿಯನ್ನು ಸಾಧಿಸಬಹುದಾಗಿದೆ” ಎಂದು ಜಾಫ‌ರಿ ಹೇಳಿದರು.