ಸಂಹಾರ ವರ್ಸಸ್ ಪ್ರೇಮಬರಹ
Team Udayavani, Jan 22, 2018, 10:41 AM IST
ಅತ್ತ ಕಡೆ “ಸಂಹಾರ’, ಇತ್ತ ಕಡೆ “ಪ್ರೇಮ ಬರಹ’. ಮಧ್ಯದಲ್ಲಿ ಚಿರಂಜೀವಿ ಸರ್ಜಾ! ಇದೇನೆಂದು ನೀವು ಆಶ್ಚರ್ಯಪಡಬೇಡಿ. ಫೆಬ್ರವರಿಯಲ್ಲಿ ಬಿಡುಗಡೆಯನ್ನು ಘೋಷಿಸಿಕೊಂಡಿರುವ ಚಿರಂಜೀವಿ ಸರ್ಜಾ ಸಿನಿಮಾ. ಹೌದು, “ಸಂಹಾರ’ ಹಾಗೂ “ಪ್ರೇಮ ಬರಹ’ ಸಿನಿಮಾಗಳು ಫೆ.9 ರಂದು ಬಿಡುಗಡೆಯಾಗುತ್ತಿವೆ. ಹಾಗಾಗಿ, ಒಂದೇ ದಿನ ಚಿರಂಜೀವಿ ಸರ್ಜಾ ನಟನೆಯ ಎರಡು ಸಿನಿಮಾಗಳು ಬಿಡುಗಡೆಯಾದಂತಾಗುತ್ತದೆ.
“ಸಂಹಾರ’ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಹೀರೋ ಎಂಬುದು ನಿಮಗೆ ಗೊತ್ತು. ಆದರೆ, “ಪ್ರೇಮ ಬರಹ’ಕ್ಕೂ ಚಿರಂಜೀವಿಗೂ ಏನು ಸಂಬಂಧ ಎಂದು ನೀವು ಕೇಳಬಹುದು. ಸಂಬಂಧ ಇರೋದು ಅಲ್ಲೇ. “ಪ್ರೇಮ ಬರಹ’ ಚಿತ್ರವನ್ನು ಅರ್ಜುನ್ ಸರ್ಜಾ ನಿರ್ಮಿಸಿ, ನಿರ್ದೇಶಿಸಿದ್ದಾರೆ. ಈ ಚಿತ್ರದ ಮೂಲಕ ಅವರ ಮಗಳು ಐಶ್ವರ್ಯಾ ಸರ್ಜಾ ನಾಯಕಿಯಾಗಿ ಎಂಟ್ರಿಕೊಡುತ್ತಿದ್ದಾರೆ. ಒಂದರ್ಥದಲ್ಲಿ ಈ ಚಿತ್ರದಲ್ಲಿ ಸಂಪೂರ್ಣ ಸರ್ಜಾ ಕುಟುಂಬವೇ ತೊಡಗಿಕೊಂಡಿದೆ ಎಂದರೆ ತಪ್ಪಲ್ಲ.
ಚಿತ್ರದ ಹಾಡೊಂದರಲ್ಲಿ ದರ್ಶನ್, ಚಿರಂಜೀವಿ ಸರ್ಜಾ, ಧ್ರುವ ಸರ್ಜಾ ಸೇರಿದಂತೆ ಅನೇಕರು ಕಾಣಿಸಿಕೊಂಡಿದ್ದಾರೆ. ಈಗ ಚಿರಂಜೀವಿ ಸರ್ಜಾ ನಾಯಕರಾಗಿರುವ ಹಾಗೂ ಹಾಡೊಂದರಲ್ಲಿ ಕಾಣಿಸಿಕೊಂಡಿರುವ ಎರಡೂ ಚಿತ್ರಗಳು ಒಂದೇ ದಿನ ತೆರೆಕಾಣುತ್ತಿವೆ. ಹಾಗೆ ನೋಡಿದರೆ ಚಿರಂಜೀವಿ ಸರ್ಜಾಗೆ ಎರಡೂ ಸಿನಿಮಾಗಳು ಮುಖ್ಯವೇ. “ಸಂಹಾರ’ವನ್ನು ಜನ ಇಷ್ಟಪಟ್ಟರೆ ಅದು ಚಿರಂಜೀವಿ ಕೆರಿಯರ್ಗೆ ಪ್ಲಸ್ ಆಗುತ್ತದೆ.
“ಪ್ರೇಮ ಬರಹ’ ಗೆದ್ದರೆ ತಮ್ಮ ಕುಟುಂಬದ ಮತ್ತೂಬ್ಬರು ಚಿತ್ರರಂಗದಲ್ಲಿ ಬೆಳೆದಂತಾಗುತ್ತದೆ. ಹಾಗಾಗಿ, ಚಿರಂಜೀವಿ ಸರ್ಜಾ ಎರಡು ಸಿನಿಮಾಗಳ ಮೇಲೆ ಸಾಕಷ್ಟು ನಿರೀಕ್ಷೆ ಇಟ್ಟಿದ್ದಾರೆ. “ಸಂಹಾರ’ ಚಿತ್ರದಲ್ಲಿ ಚಿರಂಜೀವಿ ಸರ್ಜಾಗೆ ಹರಿಪ್ರಿಯಾ, ಕಾವ್ಯಾ ಶೆಟ್ಟಿ ನಾಯಕಿಯರಾಗಿ ನಟಿಸಿದ್ದಾರೆ. ಅರ್ಜುನ್ ಸರ್ಜಾ ನಿರ್ದೇಶನದ “ಪ್ರೇಮಬರಹ’ದಲ್ಲಿ ಐಶ್ವರ್ಯಾ ಸರ್ಜಾ ಹಾಗೂ ಚಂದನ್ ನಾಯಕ-ನಾಯಕಿ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Udupi-Chikmagalur ಲೋಕಸಭಾ ಕ್ಷೇತ್ರ: ಯಾರೇ ಗೆದ್ದರೂ ಸಣ್ಣ ಅಂತರದ ಗೆಲುವು ಸಾಧ್ಯತೆ
HD Revanna, ಪ್ರಜ್ವಲ್ ಮೇಲೆ ಲೈಂಗಿಕ ದೌರ್ಜನ್ಯ ಕೇಸ್!
CET ಮೌಲ್ಯಮಾಪನ: 50 ಪಠ್ಯೇತರ ಪ್ರಶ್ನೆಗೆ ಕೊಕ್; ಮರು ಪರೀಕ್ಷೆ ನಡೆಸದಿರಲು ನಿರ್ಧಾರ
Chennai ಅಪಾರ್ಟ್ಮೆಂಟ್ನ ಟಿನ್ ರೂಫ್ನಲ್ಲಿ ಸಿಲುಕಿದ ಮಗುವಿನ ರೋಚಕ ರಕ್ಷಣೆ
Vande Bharat Metro ರೈಲು ಸೇವೆ ಜುಲೈಯಿಂದ ಶುರು? ವಿಶೇಷತೆಗಳೇನು?