ಲೌಡ್ ಸ್ಪೀಕರ್ಗೊಂದು ಪ್ರಮೋಶನ್ ಸಾಂಗ್
Team Udayavani, May 19, 2018, 10:59 AM IST
ಸಿನಿಮಾದ ಕಥೆ ಹಾಡುಗಳನ್ನು ಬೇಡುತ್ತೋ ಇಲ್ಲವೋ. ಆದರೆ, ಸಿನಿಮಾವನ್ನು ಜನರಿಗೆ ತಲುಪಿಸಲು ಹಾಡೊಂದು ಬೇಕು … ಹೀಗೆ ಚಿತ್ರರಂಗಕ್ಕೆ ಬರುವ ಅನೇಕರು ಯೋಚಿಸಿದ ಪರಿಣಾಮವೇ ಪ್ರಮೋಶನಲ್ ಸಾಂಗ್ಗಳು ಹುಟ್ಟಿಕೊಳ್ಳುತ್ತಿವೆ. ಈ ಹಿಂದೆ ಆರ್.ಚಂದ್ರು ತಮ್ಮ “ಕನಕ’ ಚಿತ್ರಕ್ಕೆ “ಎಣ್ಣೆ ನಿಮ್ದು ಊಟ ನಮ್ದು’ ಎಂಬ ಪ್ರಮೋಶನಲ್ ಸಾಂಗ್ ಮಾಡಿದ್ದರು.
ಆ ಹಾಡು ಹಿಟ್ ಆಗುತ್ತಿದ್ದಂತೆಯೇ ಅದನ್ನು ಚಿತ್ರೀಕರಿಸಿ ಸಿನಿಮಾದಲ್ಲಿ ಸೇರಿಸಿದ್ದಾರೆ. “ಲೌಡ್ ಸ್ಪೀಕರ್’ ಸಿನಿಮಾ ತಂಡ ಕೂಡಾ ಪ್ರಮೋಶನಲ್ ಹಾಡೊಂದನ್ನು ಬಿಡುಗಡೆ ಮಾಡಿದೆ. ಅದು “ಚಡ್ಡಿ ಒಳಗೆ ಇರುವೆ ಬಿಟ್ಕೊಳ್ಳಿ’. ಚಂದನ್ ಶೆಟ್ಟಿ ಹಾಡಿರುವ ಈ ಪ್ರಮೋಶನಲ್ ಹಾಡನ್ನು ಚಿತ್ರತಂಡ ಇತ್ತೀಚೆಗೆ ಬಿಡುಗಡೆ ಮಾಡಿದೆ. ಹಾಡುಗಳಿಗೆ ಎಲ್ಲಾ ಕಡೆಗಳಿಂದ ಮೆಚ್ಚುಗೆ ವ್ಯಕ್ತವಾಗುವ ಮೂಲಕ ಚಿತ್ರತಂಡ ಖುಷಿಯಾಗಿದೆ.
ಈ ಚಿತ್ರವನ್ನು ಶಿವತೇಜಸ್ ನಿರ್ದೇಶಿಸಿದ್ದಾರೆ. ಡಾ.ಕೆ.ರಾಜು ನಿರ್ಮಾಪಕರು. ಈ ಹಿಂದೆ ಇವರಿಬ್ಬರು ಜೊತೆಯಾಗಿ “ಧೈರ್ಯಂ’ ಸಿನಿಮಾ ಮಾಡಿದ್ದರು. ಈಗ “ಲೌಡ್ ಸ್ಪೀಕರ್’ ಮಾಡಿದ್ದಾರೆ. ಆರಂಭದಲ್ಲಿ ಚಿತ್ರಕ್ಕೆ ಯಾವುದೇ ಹಾಡು ಬೇಡ ಎಂದಿದ್ದರಂತೆ ನಿರ್ಮಾಪಕ ರಾಜು. ಆದರೆ, ಚಿತ್ರತಂಡದವರು ಪ್ರಮೋಶನಲ್ ಹಾಡಿದ್ದರೆ ಚೆನ್ನಾಗಿರುತ್ತದೆ ಎಂದು ಹೇಳಿದ ನಂತರ ಒಪ್ಪಿಕೊಂಡರಂತೆ.
ಅದು ಕೂಡಾ ಹಾಡನ್ನು ಫೈನಲ್ ಮಾಡುವ ಮೊದಲು ಅನೇಕರಿಗೆ ಕೇಳಿಸಿ, ಅವರ ಅಭಿಪ್ರಾಯ ಪಡೆದು ಆ ನಂತರ ಅಂತಿಮಗೊಳಿಸಿದ್ದಾರೆ. ಈ ಹಾಡನ್ನು ಪ್ರಮೋಶನಲ್ ಸಾಂಗ್ ಆಗಿಯೇ ಉಳಿಸಿಕೊಳ್ಳಲು ಚಿತ್ರತಂಡ ನಿರ್ಧರಿಸಿದೆ. ಕ್ಲೈಮ್ಯಾಕ್ಸ್ ಆಗಿ ಜನ ಸೀಟಿನಿಂದ ಮೇಲೆಳುವ ಹೊತ್ತಿಗೆ “ಚಡ್ಡಿ ಒಳಗೆ ಇರುವೆ ಬಿಟ್ಕೊಳ್ಳಿ’ ಹಾಡು ತೆರೆಮೇಲೆ ಬರಲಿದೆಯಂತೆ.
ಈ ಮೂಲಕ ಕೊನೆ ಕ್ಷಣದಲ್ಲೂ ಪ್ರೇಕ್ಷಕರನ್ನು ಹಿಡಿದಿಡುವ ಪ್ರಯತ್ನ ಚಿತ್ರತಂಡದ್ದು. “ಲೌಡ್ ಸ್ಪೀಕರ್’ ಚಿತ್ರ ಯುವ ಜನತೆ ಮೊಬೈಲ್ಗೆ ಎಷ್ಟೊಂದು ಅಂಟಿಕೊಂಡಿದ್ದಾರೆಂಬ ಅಂಶದೊಂದಿಗೆ ಸಾಗಲಿದೆಯಂತೆ. ಚಿತ್ರದಲ್ಲಿ ಅಭಿಷೇಕ್, ಅನುಷಾ, ದಿಶಾ ಸೇರಿದಂತೆ ಅನೇಕರು ನಟಿಸಿದ್ದಾರೆ. ಚಿತ್ರ ಜೂನ್ನಲ್ಲಿ ತೆರೆಗೆ ಬರಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
T20 World Cup; ರಿಷಭ್ ಪಂತ್ ಮೊದಲ ಆಯ್ಕೆಯ ವಿಕೆಟ್ ಕೀಪರ್ ಅಲ್ಲ: ವರದಿ
ಕಾಂಗ್ರೆಸ್ಗೆ ಶಾಕ್: ಕೊನೆ ಕ್ಷಣದಲ್ಲಿ ನಾಮಪತ್ರ ಹಿಂಪಡೆದು ಬಿಜೆಪಿ ಸೇರ್ಪಡೆಗೊಂಡ ಅಭ್ಯರ್ಥಿ
Haveri; ರಾಜ್ಯದಲ್ಲಿ ಬಿಜೆಪಿ-ಜೆಡಿಎಸ್ ಅಭ್ಯರ್ಥಿಗಳಿಗೆ ಸುಲಭ ಗೆಲುವು: ಪ್ರತಾಪ್ ಸಿಂಹ
Davanagere; ಸಮಾವೇಶ ನಡೆದ ಮೈದಾನ ಸ್ವಚ್ಛಗೊಳಿಸಿದ ಗಾಯಿತ್ರಿ ಸಿದ್ದೇಶ್ವರ
Belagavi; ಪ್ರಧಾನಿ ಮೋದಿ ಯಾಕೆ ಪ್ರಜ್ವಲ್ ವರ್ತನೆ ಖಂಡಿಸಲಿಲ್ಲ…: ಲಕ್ಷ್ಮೀ ಹೆಬ್ಬಾಳ್ಕರ್