ವಿಯೆಟ್ನಾಂನಲ್ಲಿ ರೋಮಿಯೋ ಸುತ್ತಾಟ

Team Udayavani, Sep 17, 2018, 11:04 AM IST

ಶಿವರಾಜಕುಮಾರ್‌ ಅವರ ಶ್ರೀಮುತ್ತು ಸಿನಿ ಸರ್ವಿಸ್‌ ಬ್ಯಾನರ್‌ನಡಿ ಅವರ ಮಗಳು ನಿವೇದಿತಾ “ಹೇಟ್‌ ಯು ರೋಮಿಯೋ’ ಎಂಬ ವೆಬ್‌ ಸೀರಿಸ್‌ವೊಂದನ್ನು ನಿರ್ಮಿಸಲಿದ್ದಾರೆಂಬ ಸುದ್ದಿ ನಿಮಗೆ ಗೊತ್ತೇ ಇದೆ. ಈಗ ತಂಡ ಬಹುತೇಕ ಚಿತ್ರೀಕರಣ ಮುಗಿಸಿದೆ.

ಕಳೆದ 35 ದಿನಗಳಿಂದ ವಿಯೆಟ್ನಾಂನಲ್ಲಿ ಚಿತ್ರೀಕರಣದಲ್ಲಿರುವ ವೆಬ್‌ ತಂಡ ಅಲ್ಲಿನ ಸುಂದರ ತಾಣಗಳನ್ನು ಸೆರೆಹಿಡಿದಿದೆ. ಜೊತೆಗೆ ಅಲ್ಲಿನ ಆರ್ಟ್‌ ಗ್ಯಾಲರಿಯಲ್ಲಿ ಗಣೇಶ ಹಬ್ಬವನ್ನು ವೆಬ್‌ ತಂಡ ಆಚರಿಸಿದೆ. ಈ ವೆಬ್‌ ಸೀರೀಸ್‌ನಲ್ಲಿ ಅರವಿಂದ್‌ ಅಯ್ಯರ್‌ ಹಾಗೂ ದಿಶಾ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. 

ಅಂದಹಾಗೆ, ಇದು ಭಾರತದಲ್ಲೇ ಅತಿ ದೊಡ್ಡ ವೆಬ್‌ ಸೀರಿಸ್‌ ಆಗಿದ್ದು, ವಿದೇಶದಲ್ಲಿ ಚಿತ್ರೀಕರಣವಾಗಲಿದೆ. 30 ನಿಮಿಷಗಳ 7 ಸಂಚಿಕೆಗಳಲ್ಲಿ “ಹೇಟ್‌ ಯು ರೋಮಿಯೋ’ ಪ್ರಸಾರವಾಗಲಿದೆ. ಈ ವೆಬ್‌ ಸೀರಿಸ್‌ಗಾಗಿ ನಾಯಕ ಅರವಿಂದ್‌ ವಿಶೇಷ ಗೆಟಪ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಭರತ್‌ ಪರಶುರಾಮ್‌ ಛಾಯಾಗ್ರಹಣ, ಶುದ್ಧೋ ರಾಯ್‌ ಸಂಗೀತವಿದೆ.