ಟ್ಯಾಪ್ಮಿಯಿಂದ ಬ್ರ್ಯಾಂಡ್ಸ್ಕ್ಯಾನ್ ಮೇಳ
Team Udayavani, Nov 18, 2018, 12:25 PM IST
ಬೆಂಗಳೂರು: ನಗರದ ಒರಾಯನ್ ಮಾಲ್ನಲ್ಲಿ ಮಣಿಪಾಲದ ಟಿ.ಎ. ಪೈ ಮ್ಯಾನೇಜ್ಮೆಂಟ್ ಇನ್ಸಿಟಿಟ್ಯೂಟ್ (ಟ್ಯಾಪ್ಮಿ) ಆಯೋಜಿಸಿರುವ 26ನೇ ಆವೃತ್ತಿಯ ‘ಬ್ರ್ಯಾಂಡ್ಸ್ಕ್ಯಾನ್’ ಮೇಳಕ್ಕೆ ಟ್ಯಾಪ್ಮಿ ನಿರ್ದೇಶಕ ಪ್ರೊ. ಮಧು ವೀರರಾಘವನ್ ಅವರು ಶನಿವಾರ ಚಾಲನೆ ನೀಡಿದರು.
ನಂತರ ಮಾತನಾಡಿದ ಅವರು ಬೆಂಗಳೂರಿನ ಹೆಸರಾಂತ ಮಾಲ್ನಲ್ಲಿ ಹಮ್ಮಿಕೊಂಡಿರುವ ಎರಡು ದಿನಗಳ (ನ.17 ಮತ್ತು 18) ಈ ಮೇಳ ಭಾರತದ ಅತಿದೊಡ್ಡ ಮಾರುಕಟ್ಟೆ ಸಂಶೋಧನಾ ಮೇಳವಾಗಿದೆ. ಟ್ಯಾಪ್ಮಿ ಮ್ಯಾನೇಜ್ಮೆಂಟ್ ವಿದ್ಯಾರ್ಥಿಗಳು ನಡೆಸಿರುವ ಸಂಶೋಧನೆಗಳು ಹಾಗೂ ಪ್ರಮುಖ ಕಂಪನಿಗಳ ಪ್ರಾಜೆಕ್ಟ್ಗಳು ಮೇಳದಲ್ಲಿ ಪ್ರದರ್ಶನಗೊಂಡಿವೆ. ವಿದ್ಯಾರ್ಥಿಗಳ ಪ್ರತಿಭೆ ಪ್ರದರ್ಶನಕ್ಕೆ ಹಾಗೂ ನಮ್ಮ ಕ್ಲೈಂಟ್ಗಳಿಗೆ ಬ್ರ್ಯಾಂಡ್ಸ್ಕಾನ್ ಒಂದು ಉತ್ತಮ ವೇದಿಕೆ ನಿರ್ಮಾಣ ಮಾಡಿದೆ. ಈ ಬೆಂಗಳೂರಿನ ವೇದಿಕೆಗೆ ಕುಶಾಲ್ ಫ್ಯಾಷನ್ ಜ್ಯುವೆಲರಿಯವರ ಸಹಯೋಗವಿದೆ ಎಂದರು.
ಟ್ಯಾಪ್ಮಿಯಲ್ಲಿ ಪಿಜಿಡಿಎಂ ಕೋರ್ಸ್: ಇಂದು ಅಧಿಕೃತವಾಗಿ ಮಣಿಪಾಲದಲ್ಲಿ ಎರಡು ವರ್ಷಗಳ ಪೂರ್ಣ ಅವಧಿಯ ಸೇಲ್ಸ್ ಮ್ಯಾನೇಜ್ಮೆಂಟ್ ಪ್ರೋಗ್ರಾಂನ ಪಿಜಿಡಿಎಂ ಕೋರ್ಸನ್ನು ಆರಂಭಿಸುತ್ತಿದ್ದೇವೆ. ಈ ಕೋರ್ಸ್ನ ಪೂರ್ಣಗೊಳಿಸಿದ ವಿದ್ಯಾರ್ಥಿಗಳು ದೇಶ, ವಿದೇಶದ ಮಾರುಕಟ್ಟೆ ಮತ್ತು ಮಾರಾಟದ ಬಗ್ಗೆ ಜ್ಞಾನ ಸಂಪಾದನೆ ಮಾಡಲಿದ್ದಾರೆ.
ಆದರೂ, ನಮ್ಮ ದೇಶದ ವಿದ್ಯಾರ್ಥಿಗಳು ಹಾಗೂ ವೃತ್ತಿಪರರು ಪಿಜಿಡಿಎಂನಲ್ಲಿ ಪದವಿ ಪಡೆದು ಚೀಫ್ ಸೇಲ್ ಆಫೀಸರ್ (ಸಿಎಸ್ಒ), ಚೀಫ್ ಮಾರ್ಕೆಟಿಂಗ್ ಆಫೀಸರ್ (ಸಿಎಂಒ) ಮುಂತಾದ ಪ್ರಮುಖ ಹುದ್ದೆಗಳಿಗೇರಿ ಸಾಧನೆ ಮಾಡಬೇಕೆಂಬುದು ನಮ್ಮ ಉದ್ದೇಶ. ಈಗಾಗಲೇ ಟ್ಯಾಪ್ಮಿಯ ಜತೆಯಲ್ಲಿ ಟೈಟನ್, ಯುನಿಬಿಕ್, ಜೆಟ್ ಏರ್ವೆಸ್, ಪೆಪ್ಸಿಕೋ, ಬ್ರಿಟಾನಿಯ, ಲಾರಿಯಲ್ ಸೇರಿದಂತೆ 10ಕ್ಕೂ ಹೆಚ್ಚು ಪ್ರಮುಖ ಕಂಪನಿಗಳು ಇರುವುದು ಸಂತಸದ ಸಂಗತಿ ಎಂದು ನುಡಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Bengaluru: ಕ್ರೈಂ ತಡೆಗೆ ರಾತ್ರಿ ಗಸ್ತು ಹೆಚ್ಚಳ; ದಯಾನಂದ್
Bengaluru: ಮೆಟ್ರೋ ಶೌಚದಲ್ಲಿ ಕ್ಯೂಆರ್ ಕೋಡ್ ಅಂಟಿಸಿದ್ದ ಉದ್ಯಮಿ ಸೆರೆ
Bengaluru: ಗ್ರಾಹಕನ ಗುಪ್ತಾಂಗ ಮುಟ್ಟಿ ಡೆಲಿವರಿ ಬಾಯ್ ನೀಚ ಕೃತ್ಯ
ಚಾಕೋಲೆಟ್ ಕೊಡ್ತೇನೆಂದು ಮನೆಗೆ ಕರೆದು ಬಾಲಕಿಗೆ ಲೈಂಗಿಕ ದೌರ್ಜನ್ಯ: ಇಬ್ಬರು ಬಂಧನ
Bengaluru: ಚೆಕ್ ದುರ್ಬಳಕೆ; ಕ್ಯಾಷಿಯರ್, ಎಲ್ಐಸಿ ಏಜೆಂಟ್ಗೆ ಜೈಲು