ಸಾವಿರಾರು ಬಲಿ ಹಿನ್ನೆಲೆ: ಹಂದಿ, ಹಂದಿ ಮಾಂಸ ಆಮದಿಗೆ ಮಿಜೋರಾಂ ನಿಷೇಧ

Team Udayavani, Jan 17, 2019, 6:52 AM IST

ಐಜಾಲ್‌, ಮಿಜೋರಾಂ : ರಾಜ್ಯದಲ್ಲಿ ಸಾವಿರಾರು ಮಂದಿ  ಹಂದಿ ಜ್ವರಕ್ಕೆ (ಎಚ್‌1ಎನ್‌1) ಬಲಿಯಾಗಿರುವ  ಹಿನ್ನೆಲೆಯಲ್ಲಿ, ಹಂದಿ ಮತ್ತು ಹಂದಿ ಮಾಂಸ ಆಮದಿಸಿಕೊಳ್ಳುವುದನ್ನುಮಿಜೋರಾಂ ಸರಕಾರ ನಿಷೇದಿಸಿದೆ.

ಬೇರೆ ದೇಶಗಳಿಂದ ಹಂದಿ ಮತ್ತು ಹಂದಿ ಮಾಂಸ ಆಮದಿಸಿಕೊಳ್ಳದಂತೆ ಕಡ್ಡಾಯ ನಿಷೇಧಾಜ್ಞೆಯನ್ನು ಜಾರಿಗೊಳಿಸುವಂತೆ ಮಿಜೋರಾಂ ನ ಎಲ್ಲ ಎಂಟು ಜಿಲ್ಲಾಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ ಎಂದು ರಾಜ್ಯದ ಪಶು ಸಂಗೋಪನ ಸಚಿವ ಡಾ. ಕೆ ಬೈಚುವಾ ಇಂದು ಗುರುವಾರ ತಿಳಿಸಿದ್ದಾರೆ.

2013ರಿಂದ ಈ ವರೆಗೆ ಮಿಜೋರಾಂ ನಲ್ಲಿ 10,000 ಕ್ಕೂ ಅಧಿಕ ಜನರು ಹಂದಿ ಜ್ವರಕ್ಕೆ ಬಲಿಯಾಗಿದ್ದಾರೆ. ಮ್ಯಾನ್‌ಮಾರ್‌ನಲ್ಲಿ ಹಂದಿ ಜ್ವರ ವ್ಯಾಪಕವಾಗಿದ್ದು ಅಲ್ಲಿಂದಲೇ ಮಿಜೋರಾಂ ಹಂದಿ ಮತ್ತು ಹಂದಿ ಮಾಂಸವನ್ನು ಆಮದಿಸಿಕೊಳ್ಳುತ್ತಿದೆ ಎಂಧು ಅಧಿಕಾರಿಯೋರ್ವರು ತಿಳಿಸಿದ್ದಾರೆ.