ವಲಸಿಗರಿಗೆ ರಕ್ಷಣೆ :ಅಮೆರಿಕ ಸರಕಾರದಿಂದ ರಾಜಿಗಾಗಿ ಪ್ರಸ್ತಾಪ
Team Udayavani, Jan 21, 2019, 12:17 AM IST
ವಾಷಿಂಗ್ಟನ್: ಮೆಕ್ಸಿಕೋದಿಂದ ವಲಸಿಗರನ್ನು ನಿಯಂತ್ರಿಸಲು ಗಡಿಯಲ್ಲಿ ಗೋಡೆ ನಿರ್ಮಾಣಕ್ಕೆ ಅನುದಾನ ಮೀಸಲಿಡುವ ಸಂಬಂಧ ಸರಕಾರ ಮತ್ತು ವಿಪಕ್ಷಗಳ ಮಧ್ಯದ ತಿಕ್ಕಾಟದಿಂದ ಒಂದು ತಿಂಗಳಿನಿಂದಲೂ ಕಾರ್ಯ ಸ್ಥಗಿತಗೊಳಿಸಿರುವ ಅಮೆರಿಕ ಸರಕಾರ ಈಗ ರಾಜಿಗಾಗಿ ಒಂದು ಪ್ರಸ್ತಾಪ ಮುಂದಿಟ್ಟಿದೆ. ಈ ಬಗ್ಗೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಾತನಾಡಿದ್ದು, 7 ಲಕ್ಷ ಅನಧಿಕೃತ ವಲಸಿಗರಿಗೆ ರಕ್ಷಣೆ ಒದಗಿಸುವ ಪ್ರಸ್ತಾಪ ಮಾಡಿದ್ದಾರೆ. ಆದರೆ ಇದನ್ನು ವಿಪಕ್ಷ ತಿರಸ್ಕರಿಸಿದ್ದು, ಮೊದಲು ಸರಕಾರ ಕಾರ್ಯ ಸಹಜ ಸ್ಥಿತಿಗೆ ಮರಳಲಿ. ಅನಂತರವಷ್ಟೇ ಸಂಧಾನ ಎಂದಿದೆ. ಸುಮಾರು 8 ಲಕ್ಷಕ್ಕೂ ಹೆಚ್ಚು ನೌಕರರು ಸಂಬಳವಿಲ್ಲದೇ ಕಾರ್ಯನಿರ್ವಹಿಸು ತ್ತಿದ್ದು, ಪಟ್ಟು ಸಡಿಲಿಸಲು ಟ್ರಂಪ್ ತಯಾರಿಲ್ಲ ಎಂದಿದ್ದಾರೆ.