ಬಿಇಎಲ್ನಿಂದ ನೀರು ಉತ್ಪಾದನಾ ಯಂತ್ರ
Team Udayavani, Feb 23, 2019, 6:23 AM IST
ಬೆಂಗಳೂರು: ವಾತಾವರಣದಲ್ಲಿನ ತೇವಾಂಶವನ್ನೇ ಹೀರಿಕೊಂಡು ನೀರನ್ನಾಗಿ ಪರಿವರ್ತಿಸುವ ನೂತನ “ವಾತಾವರಣ ಆಧಾರಿತ ನೀರು ಉತ್ಪಾದನೆ’ ಯಂತ್ರವನ್ನು ಭಾರತ್ ಎಲೆಕ್ಟ್ರಾನಿಕ್ಸ್ ಲಿ., (ಬಿಇಎಲ್) ಹೊರತಂದಿದೆ. ಮೈತ್ರಿ ಕಂಪನಿ ಹಾಗೂ ಸಿಎಸ್ಐಆರ್-ಐಐಸಿಟಿ ಸಹಯೋಗದಲ್ಲಿ ಈ ಯಂತ್ರವನ್ನು ಅಭಿವೃದ್ಧಿಪಡಿಸಿದೆ.
ವಾತಾವರಣದಲ್ಲಿ 30 ಡಿಗ್ರಿಗಿಂತ ಹೆಚ್ಚು ತೇವಾಂಶ ಇದ್ದರೆ, ಅದನ್ನು ಹೀರಿಕೊಂಡು ಶುದ್ಧ ಕುಡಿಯುವ ನೀರನ್ನಾಗಿ ಈ ಯಂತ್ರವು ಪರಿವರ್ತಿಸುತ್ತದೆ. ನಿತ್ಯ ಇದು ಸಾವಿರ ಲೀಟರ್ ನೀರನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದಲ್ಲದೆ, ಇನ್ನೂ ಮೂರು ಪ್ರಕಾರಗಳಿದ್ದು, ಅವುಗಳು ನಿತ್ಯ 30, 100, 500 ಲೀ., ನೀರು ಉತ್ಪಾದನಾ ಸಾಮರ್ಥ್ಯ ಹೊಂದಿವೆ.
ಹೀಗೆ ಉತ್ಪಾದಿಸುವ ನೀರು ಮಿನರಲ್ ವಾಟರ್ ಬಾಟಲ್ ನೀರಿಗಿಂತ ಶುದ್ಧ ಮತ್ತು ಅಗ್ಗವಾಗಿದೆ. ಒಂದು ಲೀ. ನೀರು ಉತ್ಪಾದನೆಗೆ 1.70 ರೂ., ವಿದ್ಯುತ್ ಆಧಾರಿತವಾಗಿದ್ದರಿಂದ ಪ್ರತಿ ಕಿ.ವಾ.ಗೆ 6 ರೂ., ನಿರ್ವಹಣಾ ವೆಚ್ಚ 13 ಪೈಸೆ ಆಗಲಿದೆ. ಯಂತ್ರದ ಬೆಲೆ 10 ಲಕ್ಷ ರೂ. ಆಗಿದೆ. ಆಫ್ರಿಕದಲ್ಲಿ ಈಗಾಗಲೇ ನೂರು ಯಂತ್ರಗಳಿಗೆ ಬೇಡಿಕೆ ಬಂದಿದೆ ಎಂದು ಮೈತ್ರಿ ಸಹಾಯಕ ಉಪಾಧ್ಯಕ್ಷ ರಾಹುಲ್ ವೈದ್ಯ ಮಾಹಿತಿ ನೀಡಿದರು.
ಸಾಮಾನ್ಯವಾಗಿ ಕರಾವಳಿ ಪ್ರದೇಶಗಳಲ್ಲಿ ವಾತಾವರಣದಲ್ಲಿ ಹೆಚ್ಚು ತೇವಾಂಶ ಇರುತ್ತದೆ. ಅಂತಹ ಕಡೆಗಳಲ್ಲಿ ಈ ಯಂತ್ರದ ನೀರು ಉತ್ಪಾದನಾ ಸಾಮರ್ಥ್ಯ 1300 ಲೀ.ಗೆ ಹೆಚ್ಚುತ್ತದೆ. ಗಂಟೆಗೆ 8.5 ಯೂನಿಟ್ ವಿದ್ಯುತ್ ಖರ್ಚಾಗುತ್ತದೆ ಎಂದೂ ಹೇಳಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Bengaluru: ಕ್ರೈಂ ತಡೆಗೆ ರಾತ್ರಿ ಗಸ್ತು ಹೆಚ್ಚಳ; ದಯಾನಂದ್
Bengaluru: ಮೆಟ್ರೋ ಶೌಚದಲ್ಲಿ ಕ್ಯೂಆರ್ ಕೋಡ್ ಅಂಟಿಸಿದ್ದ ಉದ್ಯಮಿ ಸೆರೆ
Bengaluru: ಗ್ರಾಹಕನ ಗುಪ್ತಾಂಗ ಮುಟ್ಟಿ ಡೆಲಿವರಿ ಬಾಯ್ ನೀಚ ಕೃತ್ಯ
ಚಾಕೋಲೆಟ್ ಕೊಡ್ತೇನೆಂದು ಮನೆಗೆ ಕರೆದು ಬಾಲಕಿಗೆ ಲೈಂಗಿಕ ದೌರ್ಜನ್ಯ: ಇಬ್ಬರು ಬಂಧನ
Bengaluru: ಚೆಕ್ ದುರ್ಬಳಕೆ; ಕ್ಯಾಷಿಯರ್, ಎಲ್ಐಸಿ ಏಜೆಂಟ್ಗೆ ಜೈಲು