ಉಗ್ರರಿಗೆ ನೆರವು: ಗುರುತು ಪತ್ತೆ
Team Udayavani, Mar 25, 2019, 6:00 AM IST
ಹೊಸದಿಲ್ಲಿ: ಉಗ್ರರಿಗೆ ಸರಬರಾಜಾಗುತ್ತಿದ್ದ ಹಣದ ಮಾರ್ಗಗಳ ಬಗ್ಗೆ ತನಿಖೆ ನಡೆಸುತ್ತಿದ್ದ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್ಐಎ), ಈ ಅಕ್ರಮ ದಂಧೆಯಲ್ಲಿ ನಿರತರಾಗಿದ್ದ 13 ಮಂದಿಯನ್ನು ಗುರುತು ಹಚ್ಚಿದೆ.
ಹಿಜ್ಬುಲ್ ಮುಜಾಹಿದೀನ್ನ ಸಂಸ್ಥಾಪಕ ಸಯೀದ್ ಸಲಾಹುದ್ದೀನ್ ಹಾಗೂ ಕೆಲವು ಹುರಿಯತ್ ನಾಯಕರೂ ಇದರಲ್ಲಿ ಭಾಗಿಯಾಗಿದ್ದಾರೆ ಎಂದು ಹೇಳಲಾಗಿದೆ.
ಪಾಕಿಸ್ಥಾನದ ಐಎಸ್ಐ ಪರವಾಗಿ, ಉಗ್ರರಿಗೆ ಹಣಕಾಸು ನೆರವು ನೀಡುವುದಲ್ಲದೆ, ಕಾಶ್ಮೀರದಲ್ಲಿ ಸೇನೆಯ ಮೇಲೆ ಕಲ್ಲು ತೂರಾಟ ನಡೆಸುವ ಯುವಕರಿಗೂ ಹಣ ಸಹಾಯ ಮಾಡಲಾಗುತ್ತಿದೆ ಎಂದು ತನಿಖೆಯಲ್ಲಿ ತಿಳಿದು ಬಂದಿದೆ ಎಂದು ಮೂಲಗಳು ಹೇಳಿವೆ.