ಮಲ್ಪೆ ಬೀಚ್: ಹಟ್ಗಳ ತೆರವು
Team Udayavani, Jun 13, 2019, 6:31 AM IST
ಮಲ್ಪೆ: ಮಲ್ಪೆ ಕಡಲ ತೀರದಲ್ಲಿ ಪ್ರವಾಸಿಗರ ಆಕರ್ಷಣೆ ಮತ್ತು ನೆರಳಿಗಾಗಿ ನಿರ್ಮಿಸಿದ್ದ “ಹಟ್’ಗಳನ್ನು ಮಳೆಗಾಲದಲ್ಲಿ ನೀರುಪಾಲಾಗದಿರಲಿ ಎಂದು ಮುಂಜಾಗ್ರತಾ ಕ್ರಮವಾಗಿ ತೆರವುಗೊಳಿಸಲಾಗಿದೆ.
ಮಲ್ಪೆ ಬೀಚ್ ಅಭಿವೃದ್ಧಿ ಸಮಿತಿಯು ಇಲ್ಲಿ 8 ಹಟ್ಗಳನ್ನು ನಿರ್ಮಿಸಿತ್ತು. ಈ ಹಿಂದಿನ ವರ್ಷಗಳಲ್ಲಿ ಮಳೆಗಾಲದಲ್ಲಿ ಸಮುದ್ರದ ತೆರೆಗಳು ಇವುಗಳನ್ನು ಸೆಳೆದುಕೊಂಡು ಹೋಗಿದ್ದವು.
ಕಳೆದ ಎರಡು ದಿನಗಳಿಂದ ಸಮುದ್ರ ಪ್ರಕ್ಷುಬ್ಧವಾಗಿರುವ ಕಾರಣ ಬೃಹತ್ ಗಾತ್ರದ ಅಲೆಗಳು ಮರಳ ದಂಡೆಗೆ ಅಪ್ಪಳಿಸಿ ಹಟ್ಗಳನ್ನು ದಾಟಿ ರಸ್ತೆಯತ್ತ ಬರುತ್ತಿವೆ. ಈ ಬಾರಿಯೂ ಅವು ಹಾನಿಗೀಡಾಗುವುದು ಬೇಡ ಎಂದು ಮುಂಜಾಗರೂಕತಾ ಕ್ರಮವಾಗಿ ತೆರವುಗೊಳಿಸಲಾಗಿದೆ.
ಆಗಸ್ಟ್ ಬಳಿಕ ಮತ್ತೆ ಹೊಸ ಹಟ್ಗಳನ್ನು ಅಳವಡಿಸಲಾಗುವುದು ಎಂದು ಬೀಚ್ ನಿರ್ವಾಹಕ ಸುದೇಶ್ ಶೆಟ್ಟಿ ತಿಳಿಸಿದ್ದಾರೆ.