2022ರೊಳಗೆ ದೇಶದ ಎಲ್ಲೆಡೆ ವಿದ್ಯುತ್ಚಾಲಿತ ರೈಲು
Team Udayavani, Aug 18, 2019, 5:04 AM IST
ಹೊಸದಿಲ್ಲಿ: ದೇಶದಲ್ಲಿ ಸಂಚರಿಸುವ ಎಲ್ಲ ವೇಗದ ಎಕ್ಸ್ ಪ್ರಸ್ ರೈಲುಗಳನ್ನು 2022ರೊಳಗೆ ವಿದ್ಯುತ್ ಚಾಲಿತ ರೈಲುಗಳನ್ನಾಗಿ ಪರಿವರ್ತಿಸುವ ಗುರಿ ಹೊಂದಿರುವುದಾಗಿ ರೈಲ್ವೇ ಇಲಾಖೆ ಹೇಳಿದೆ. ರೈಲುಗಳ ನಿರ್ವಹಣಾ ವೆಚ್ಚವನ್ನು ಗಣನೀಯವಾಗಿ ತಗ್ಗಿಸುವಲ್ಲಿ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಹೇಳಿರುವ ಇಲಾಖೆ, ಒಮ್ಮೆ ಎಲ್ಲ ಎಕ್ಸ್ಪ್ರೆಸ್ ರೈಲುಗಳೂ ವಿದ್ಯುದ್ದೀಕರಣಗೊಂಡ ಅನಂತರ, ಆ ರೈಲುಗಳ ಸರಾಸರಿ ವೇಗದ ಮಿತಿಯನ್ನೂ ಹೆಚ್ಚಿಸಲಾಗುತ್ತದೆ ಎಂದು ತಿಳಿಸಿದೆ. ಸದ್ಯಕ್ಕಿರುವ ಡೀಸೆಲ್ ರೈಲ್ವೇ ಇಂಜಿನ್ಗಳು, ಬಳಕೆಗೆ ಬಂದು 25-30 ವರ್ಷಗಳ ಅನಂತರ ಅವುಗಳ ಕ್ಷಮತೆ ಕಡಿಮೆಯಾಗುತ್ತದೆ. ಹಾಗಾಗಿ, ಅವುಗಳ ನಿರ್ವಹಣಾ ವೆಚ್ಚವೂ ಅಧಿಕವಾಗುತ್ತದೆ ಎಂದು ಇಲಾಖೆ ವಿವರಿಸಿದೆ.