ಉಳ್ಳಾಗಡ್ಡಿ ಸೊಪ್ಪಿಗೂ ದುಪ್ಪಟ್ಟು ದರ
Team Udayavani, Dec 6, 2019, 10:51 AM IST
ಹುಬ್ಬಳ್ಳಿ: ಕಂಡರಿಯದ ದರ ಇದ್ದರೂ ನೀಡುವುದಕ್ಕೆ ಉಳ್ಳಾಗಡ್ಡಿಯೇ ಇಲ್ಲವಲ್ಲ ಎಂದು ರೈತ ಸಂಕಷ್ಟ ಪಡುತ್ತಿದ್ದರೆ, ಗಂಟೆಗೊಮ್ಮೆ ಹೆಚ್ಚುತ್ತಿರುವ ಉಳ್ಳಾಗಡ್ಡಿ ದರ ಕಂಡು ಗ್ರಾಹಕ ದಂಗಾಗಿದ್ದಾನೆ. ಕೇಳುವವರೆ ಇಲ್ಲ ಎನ್ನುವಂತಿದ್ದ ಉಳ್ಳಾಗಡ್ಡಿ ಸೊಪ್ಪಿಗೂ ಇದೀಗ ದುಪ್ಪಟ್ಟು ದರ ಬಂದಿದೆ.
ಬರ–ಅತಿವೃಷ್ಟಿ, ನೆರೆ ನಡುವೆ ರೈತರಿಗೆ ದಕ್ಕಿದ್ದ ಅಷ್ಟು ಇಷ್ಟು ಉಳ್ಳಾಗಡ್ಡಿಯಲ್ಲಿ ಬಹುತೇಕ ಮಾರುಕಟ್ಟೆಗೆ ಬಂದು ಮಾರಾಟವಾದ ಕೆಲವೇ ದಿನಗಳಲ್ಲಿ ಬೆಲೆ ನಾಲ್ಕೈದು ಪಟ್ಟು ಹೆಚ್ಚಳವಾಗಿರುವುದು ಕಂಡು ರೈತರು, ಈಗ ಉಳ್ಳಾಗಡ್ಡಿ ಇದ್ದಿದ್ದರೆ ಒಂದಿಷ್ಟು ಹಣವಾದರೂ ಕೈಗೆ ಹತ್ತುತ್ತಿತ್ತು ಎಂದು ನೋವು ಪಡುವಂತಾಗಿದೆ. ಉಳ್ಳಾಗಡ್ಡಿ ಕೇವಲ ರೈತರು ಹಾಗೂ ಗ್ರಾಹಕರಿಗಷ್ಟೇ ಸಂಕಷ್ಟ–ನೋವು ತರುತ್ತಿಲ್ಲ. ಬದಲಾಗಿ ದೇಶದ ರಾಜಕೀಯ ಮೇಲು ಪರಿಣಾಮ ಬೀರುತ್ತ ಬಂದಿದ್ದು, ಹಲವು ಚುನಾವಣೆಗಳಲ್ಲಿ ಉಳ್ಳಾಗಡ್ಡಿ ದರವೇ ಚುನಾವಣಾ ಪ್ರಮುಖ ಪ್ರಚಾರದ ವಿಷಯವಾಗಿದ್ದು, ಹಲವು ಸರಕಾರಗಳನ್ನು ಏರುಪೇರು ಮಾಡಿದ್ದು ಇದೆ. 80ರ ದಶಕದಿಂದಲೂ ಉಳ್ಳಾಗಡ್ಡಿ ಒಂದಿಲ್ಲ ಒಂದು ರೀತಿಯಲ್ಲಿ ರಾಜಕೀಯದಲ್ಲಿ ಪ್ರಭಾವ ತೋರುತ್ತ ಬಂದಿದೆ. ಈ ಬಾರಿ ಉಳ್ಳಾಗಡ್ಡಿ ದರ ಸರ್ವಕಾಲಿಕ ದಾಖಲೆ ಎನ್ನುವಂತಾಗಿದೆ.
ದುಪ್ಪಟ್ಟು ದರ: ಅತಿವೃಷ್ಟಿಯಿಂದ ಬಹುತೇಕ ಉಳ್ಳಾಗಡ್ಡಿ ಬೆಳೆ ಭೂಮಿಯಲ್ಲಿಯೇ ಕೊಳೆತಿದ್ದು, ನಂತರದಲ್ಲಿ ಉಳ್ಳಾಗಡ್ಡಿ ಬಿತ್ತನೆ ಮಾಡಿದ ಕೆಲ ರೈತರು, ಉಳ್ಳಾಗಡ್ಡಿ ಸೊಪ್ಪು ಮಾರಾಟಕ್ಕೆ ಮುಂದಾಗಿದ್ದಾರೆ. ಮಾರುಕಟ್ಟೆಯಲ್ಲಿ ಈ ಸೊಪ್ಪಿಗೂ ಉತ್ತಮ ದರ ಸಿಗತೊಡಗಿದೆ. ಈ ಹಿಂದೆ ಸಗಟು ಮಾರುಕಟ್ಟೆಯಲ್ಲಿ ಒಂದು ಸೂಡು ಉಳ್ಳಾಗಡ್ಡಿ ಸೊಪ್ಪನ್ನು ರೈತರಿಂದ 2 ರೂ.ಗೆ ಖರೀದಿಸಲಾಗುತ್ತಿತ್ತು. ಇದೀಗ ಅದೇ ಸೂಡಿಗೆ 6 ರೂ.ನಂತೆ ಖರೀದಿಸಲಾಗುತ್ತಿದೆ.
ಅದೇ ಉಳ್ಳಾಗಡ್ಡಿ ಸೊಪ್ಪನ್ನು 10-12 ರೂ. ಗೆ ಒಂದಂತೆ ಗ್ರಾಹಕರಿಗೆ ಮಾರಾಟ ಮಾಡಲಾಗುತ್ತದೆ. ಉಳ್ಳಾಗಡ್ಡಿ ದರ ಕೆಜಿಗೆ 100-130 ರೂ. ಆಗಿರುವುದರಿಂದ ಕೆಲವರು 10 ರೂ. ನೀಡಿ ಒಂದು ಸೂಡು ಉಳ್ಳಾಗಡ್ಡಿ ಸೊಪ್ಪು ಖರೀದಿಗೆ ಮುಂದಾಗುತ್ತಿದ್ದಾರೆ. ಈ ಸೊಪ್ಪಿನ ಜತೆಗೆ ಸಣ್ಣ ಗಾತ್ರದ ಉಳ್ಳಾಗಡ್ಡಿಯೂ ಸಿಗುತ್ತದೆ ಎಂಬ ಉದ್ದೇಶದಿಂದ. ಒಂದು ಸೂಡಿನಲ್ಲಿ ಕನಿಷ್ಠ ಏನಿಲ್ಲವೆಂದರೂ 7-8 ಸಣ್ಣ ಗಾತ್ರದ ಉಳ್ಳಾಗಡ್ಡಿ ಸಿಗುತ್ತವೆ. ಮಾಡುವುದಕ್ಕೆ ಪಲ್ಯ ಆಯಿತು, ಬಳಸುವುದಕ್ಕೆ ಉಳ್ಳಾಗಡ್ಡಿಯೂ ಸಿಕ್ಕಂತಾಯಿತು ಎಂಬುದು ಕೆಲವರ ಲೆಕ್ಕಾಚಾರವಾಗಿದೆ.
ಶೇ.10 ಬೆಳೆಯೂ ಬಂದಿಲ್ಲ: ಉಳ್ಳಾಗಡ್ಡಿ ಉತ್ಪನ್ನದಲ್ಲಿ ಚೀನಾ ಹೊರತು ಪಡಿಸಿದರೆ ವಿಶ್ವದಲ್ಲಿ ಭಾರತ ಎರಡನೇ ಸ್ಥಾನದಲ್ಲಿದೆ. ನಂತರದ ಸ್ಥಾನಗಳಲ್ಲಿ ಟರ್ಕಿ, ಪಾಕಿಸ್ಥಾನ, ಬ್ರೆಜಿಲ್, ಇರಾನ್, ಸ್ಪೇನ್ ಹಾಗೂ ಜಪಾನ್ ಬರುತ್ತವೆ.
ಭಾರತದಲ್ಲಿ ಮಹಾರಾಷ್ಟ್ರದ, ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ, ಗುಜರಾತ, ಮಧ್ಯಪ್ರದೇಶ, ತಮಿಳುನಾಡು, ರಾಜಸ್ಥಾನ, ಓಡಿಶಾ, ಉತ್ತರ ಪ್ರದೇಶ ಇನ್ನಿತರ ರಾಜ್ಯಗಳಲ್ಲಿ ಉಳ್ಳಾಗಡ್ಡಿ ಬೆಳೆಯಲಾಗುತ್ತಿದೆ. ಇದರಲ್ಲಿ ಮಹಾರಾಷ್ಟ್ರ ಹಾಗೂ ಕರ್ನಾಟಕದ ಕೊಡುಗೆ ಹೆಚ್ಚಿನದಾಗಿದೆ. ಮಹಾರಾಷ್ಟ್ರದ ಲಾಸಲ್ ಗಾಂವ್ ದೇಶದ ಅತಿದೊಡ್ಡ ಉಳ್ಳಾಗಡ್ಡಿ ಮಾರುಕಟ್ಟೆಯಾಗಿದೆ. 1951-52ರಲ್ಲಿಯೇ ಭಾರತ ಸುಮಾರು 5,000 ಟನ್ ಉಳ್ಳಾಗಡ್ಡಿ ರಫ್ತು ಮಾಡಿತ್ತು. ರಾಜ್ಯದಲ್ಲಿ ಹುಬ್ಬಳ್ಳಿ ಹಾಗೂ ಬೆಳಗಾವಿ ಉಳ್ಳಾಗಡ್ಡಿಗೆ ದೊಡ್ಡ ಮಾರುಕಟ್ಟೆಯಾಗಿವೆ.
ಧಾರವಾಡ, ಗದಗ, ಹಾವೇರಿ, ಬಾಗಲಕೋಟೆ, ವಿಜಯಪುರ, ರಾಯಚೂರು, ದಾವಣಗೆರೆ, ಚಿತ್ರದುರ್ಗಗಳಲ್ಲಿ ಹೆಚ್ಚಾಗಿ ಉಳ್ಳಾಗಡ್ಡಿ ಬೆಳೆಯಲಾಗುತ್ತದೆ. ಈ ಬಾರಿ ಮಹಾರಾಷ್ಟ್ರ, ಕರ್ನಾಟಕ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ಅತಿವೃಷ್ಟಿ ಕಾರಣದಿಂದಾಗಿ ಉಳ್ಳಾಗಡ್ಡಿ ಬೆಳೆ ಶೇ.10 ಸಹ ಬಂದಿಲ್ಲವಾಗಿದೆ. ಧಾರವಾಡ ಜಿಲ್ಲೆಯಲ್ಲಿ ಒಂದು ಎಕರೆಗೆ ಸುಮಾರು 50 ಪಿಸಿ(ಅಂದಾಜು 55-60ಕೆಜಿ ಚೀಲ)ಬರಬೇಕಾದ ಉಳ್ಳಾಗಡ್ಡಿ ಫಸಲು ಕೇವಲ 5 ಚೀಲದಷ್ಟು ಮಾತ್ರ ಬಂದಿದೆ ಎಂಬುದು ರೈತರ ಅನಿಸಿಕೆಯಾಗಿದೆ. ಈ ಬಾರಿ ಆರಂಭದಲ್ಲಿ ಉಳ್ಳಾಗಡ್ಡಿ ಮಾರುಕಟ್ಟೆಗೆ ಬಂದಾಗ 500ರೂ.ನಿಂದ ದರ ಆರಂಭವಾಗಿತ್ತು. 3,000ರೂ. ನಿಂದ 4,000-4,500ರೂ.ವರೆಗೆ ಮಾರಾಟ ಆಗಿದ್ದು, ಇದೀಗ 9,000ರಿಂದ 10,000 ರೂ. ದಾಟಿದೆ.
–ಅಮರೇಗೌಡ ಗೋನವಾರ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Lok Sabha Elections: ರಾಜ್ಯಕ್ಕೆ ಮೋದಿ ಆಗಮನ: ಇಂದು ನಾಲ್ಕು ಕಡೆ ಪ್ರಚಾರ
Neha Case: ಬೇಜವಾಬ್ದಾರಿ ಹೇಳಿಕೆಗಳು ತನಿಖೆ ದಾರಿ ತಪ್ಪಿಸುತ್ತವೆ: ಜ್ಯೋತಿ ಪ್ರಕಾಶ್ ಮಿರ್ಜಿ
Hubli; ಖರ್ಗೆ ಬ್ಲಾಕ್ಮೇಲ್ ಹೇಳಿಕೆಗಳಿಗೆ ಅಲ್ಲಿನ ಜನರು ಮರಳಾಗುವುದಿಲ್ಲ: ಪ್ರಹ್ಲಾದ ಜೋಶಿ
ಪ್ರಹ್ಲಾದ ಜೋಶಿ ವೀರಶೈವ ಲಿಂಗಾಯತರ ಅವನತಿಗಾಗಿ ಹುಟ್ಟಿಕೊಂಡವರು: ದಿಂಗಾಲೇಶ್ವರ ಸ್ವಾಮೀಜಿ
BJP ಅಧಿಕಾರಕ್ಕೆ ಬಂದರೆ ಮುಸ್ಲಿಂ ಮೀಸಲಾತಿ ರದ್ದು: ಯತ್ನಾಳ್
MUST WATCH
ಹೊಸ ಸೇರ್ಪಡೆ
Hosapete; ಕೆಲವು ದೇಶಗಳು ಭಾರತ ಸರ್ಕಾರ ದುರ್ಬಲವಾಗಿರಲು ಬಯಸುತ್ತಿವೆ: ಮೋದಿ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
Gujarat ಕರಾವಳಿಯಲ್ಲಿ ಪಾಕ್ ಬೋಟ್ ನಿಂದ 600 ಕೋಟಿ ಮೌಲ್ಯದ ಹೆರಾಯಿನ್ ವಶ
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !