ಪೋಷಣ್‌ ವಾಣಿ ವಾಟ್ಸಪ್‌ ಚಾನೆಲ್‌ ಪ್ರಸಾರ ಆರಂಭ

Team Udayavani, Apr 27, 2020, 5:17 AM IST

ಕಾಸರಗೋಡು: ಕೋವಿಡ್‌ ತಡೆ ಚಟುವಟಿಕೆಗಳ ಅಂಗವಾಗಿ ಮಹಿಳಾ, ಶಿಶು ಅಭಿವೃದ್ಧಿ ಇಲಾಖೆ ವಿಭಿನ್ನ ಕಾರ್ಯಗಳನ್ನು ನಡೆಸುತ್ತಿದೆ. ಇದರ ಅಂಗವಾಗಿ ಶಿಶುಗಳಿಗೆ, ಹಾಲುಣಿಸುವ ತಾಯಂದಿರು, ಗರ್ಭಿಣಿಯರು, ಯುವತಿಯರಿಗಾಗಿ ಮಹಿಳಾ, ಶಿಶು ಅಭಿವೃದ್ಧಿ ಇಲಾಖೆ ಪ್ರತಿದಿನ ವಾಟ್ಸಪ್‌ ವಾಹಿನಿ (ಚಾನೆಲ್‌) ಪ್ರಸಾರ ಆರಂಭಿಸಿದೆ.

ಮಕ್ಕಳಿಗೆ, ಮಹಿಳೆಯರಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಈ ಪ್ರಸಾರ ಇರುವುದು. ಪೋಷಣ್‌ ವಾಣಿ ಎಂಬ ಚಾನೆಲ್‌ನಲ್ಲಿ ಪ್ರತಿದಿನ ಒಂದು ವಿಷಯದ ಬಗ್ಗೆ ಮಾಹಿತಿ ನೀಡಲಾಗುವುದು. ಮಹಿಳೆಯರ, ಮಕ್ಕಳ ಹಕ್ಕುಗಳು, ಕಾನೂನು, ಸಂರಕ್ಷಣೆ ಸೌಲಭ್ಯಗಳು, ಆರೋಗ್ಯ, ಪೋಷಣೆ ಸಹಿತ ವಿಭಿನ್ನ ವಿಷಯಗಳಲ್ಲಿ ಭಾಷಣ, ಸಂವಾದ, ಕಿರು ನಾಟಕ, ಹಾಡುಗಳು ಪ್ರಸಾರ ಗೊಳ್ಳಲಿವೆ. ಅಂಗನವಾಡಿ ನೌಕರರ ಗುಂಪುಗಳ ಮೂಲಕ ಈ ಸಂದೇಶ ಸಾರ್ವಜನಿಕರಿಗೆ ತಲುಪಲಿದೆ.