ಸ್ಥೂಲಕಾಯಕ್ಕೂ ಕೋವಿಡ್ಗೂ ಸಂಬಂಧ?
Team Udayavani, Jun 11, 2020, 6:45 PM IST
ಲಂಡನ್: ಕೋವಿಡ್ ವೈರಸ್ ಹರಡಿದ ಬಳಿಕ ಹಲವು ರೀತಿಯ ಸಂಶೋಧನೆಗಳು ನಡೆಯುತ್ತಿವೆ. ಅದರಲ್ಲೊಂದು ಸ್ಥೂಲಕಾಯದ ಬಗ್ಗೆ. ಸ್ಥೂಲದೇಹಿಗಳಿಗೆ ಕೋವಿಡ್ನಿಂದಾಗಿ ಏನಾದರೂ ಅಪಾಯವಿದೆಯೇ ಎಂಬ ಪ್ರಶ್ನೆಗೆ ಹಲವು ರೀತಿಯ ಉತ್ತರ ಸಿಕ್ಕಿವೆ. ಆದರೆ ಅದರ ಸಾರಾಂಶ ಮಾತ್ರ ಒಂದೇ. ಸ್ಥೂಲಕಾಯದಿಂದ ಅಪಾಯವಿದೆ ಎಂಬುದು.
ಸಂಶೋಧನೆ ಪ್ರಕಾರ, ಸ್ಥೂಲಕಾಯ, ಹಲವು ಕಾಯಿಲೆಗಳನ್ನು ಹೊಂದಿರುವುದು, ಕ್ಯಾನ್ಸರ್ ಮತ್ತು ಟೈಪ್ 2 ಡಯಾಬಿಟೀಸ್ ಹೊಂದಿರುವುದರಿಂದ ಸಮಸ್ಯೆ ಹೆಚ್ಚಾಗಬಹುದು. ಲಂಡನ್ನ ಕೋವಿಡ್ ರೋಗಿಗಳನ್ನು ಗುರಿಯಾಗಿಸಿ ನಡೆಸಿದ ಅಧ್ಯಯನವೊಂದರ ಪ್ರಕಾರ ಬಾಡಿ ಮಾಸ್ ಇಂಡಕ್ಸ್ 30ಕ್ಕಿಂತ ಹೆಚ್ಚಿದ್ದರೆ, ಶೇ.33ರಷ್ಟು ಪ್ರಾಣಾಪಾಯವಿದೆ. ಎನ್ಎಚ್ಎಸ್ ಹೆಲ್ತ್ ಎಲೆಕ್ಟ್ರಾನಿಕ್ ಹೆಲ್ತ್ ರೆಕಾರ್ಡ್ಸ್ ಪ್ರಕಾರ, ಸ್ಥೂಲಕಾಯ, ಟೈಪ್ 2 ಸಕ್ಕರೆ ಕಾಯಿಲೆ ಹೊಂದಿದವರಿಗೆ ಕೋವಿಡ್ ಬೇಗನೆ ಬರಬಹುದು ಮತ್ತು ಸಾವು ಸಂಭವಿಸುವ ಸಾಧ್ಯತೆ ಸಾಮಾನ್ಯರಿಗಿಂತ ದುಪ್ಪಟ್ಟಾಗಿರಬಹುದು ಎಂದು ಹೇಳಲಾಗಿದೆ.
ಇನ್ನು ಐಸಿಯುವಿನಲ್ಲಿರುವ ರೋಗಿಗಳನ್ನು ಗಮನಿಸಿದಾಗ ಕೋವಿಡ್ ತಗುಲಿಸಿಕೊಂಡವರಲ್ಲಿ ಶೇ.34ರಷ್ಟು ಮಂದಿ ಸ್ಥೂಲಕಾಯದವರು ಇದ್ದರಂತೆ. ಶೇ.31.5ರಷ್ಟು ಮಂದಿ ಸಾಮಾನ್ಯಕ್ಕಿಂತ ಹೆಚ್ಚು ಭಾರ ಹೊಂದಿದವರಿದ್ದರಂತೆ.
ಲಂಡನ್ನಲ್ಲಿ ಬೊಜ್ಜು ಹೆಚ್ಚು
ಸಂಶೋಧಕರ ಪ್ರಕಾರ ಲಂಡನ್ ಜನರಲ್ಲಿ ಶೇ.30ರಷ್ಟು ಮಂದಿ ಸ್ಥೂಲಕಾಯ, ಬೊಜ್ಜಿನ ಸಮಸ್ಯೆ ಹೊಂದಿದವರಿದ್ದಾರಂತೆ. ಇವರಿಗೆ ಕೋವಿಡ್ ಬರುವ ಸಾಧ್ಯತೆ ಮತ್ತು ಪ್ರಾಣಾಪಾಯದ ಸಾಧ್ಯತೆ ಹೆಚ್ಚು ಮತ್ತು ಸಮಾನವಾಗಿದೆ ಎಂದು ಹೇಳಲಾಗಿದೆ.
ವಿಶ್ವ ಬೊಜ್ಜಿನ ದತ್ತಾಂಶಗಳಿಗೆ ಹೋಲಿಸಿದಾಗ, ಬಾಡಿ ಮಾಸ್ ಇಂಡಕ್ಸ್ 25ಕ್ಕಿಂತ ಹೆಚ್ಚಿದ್ದರೆ ಕೋವಿಡ್ ಪ್ರಾಣಕ್ಕೆ ಹಾನಿ ಮಾಡುವ ಸಾಧ್ಯತೆ ಹೆಚ್ಚು ಎನ್ನಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Sirsi ; ಪ್ರಧಾನಿ ಮುಡಿಗೇರಿದ ಬೇಡರ ವೇಷದ ಕಿರೀಟ!
Strike rate; ಜನರು ಏನು ಬೇಕಾದರೂ ಮಾತನಾಡಬಹುದು.. : ವಿರಾಟ್ ಕೊಹ್ಲಿ
Gujarat ಕರಾವಳಿಯಲ್ಲಿ ಪಾಕ್ ಬೋಟ್ ನಿಂದ 600 ಕೋಟಿ ಮೌಲ್ಯದ ಹೆರಾಯಿನ್ ವಶ
Mangaluru Airport; ಗುದನಾಳದಲ್ಲಿ ಬಚ್ಚಿಟ್ಟ 54 ಲಕ್ಷ ರೂ. ಮೌಲ್ಯದ ಅಕ್ರಮ ಚಿನ್ನ ಪತ್ತೆ !
Indi ಲಚ್ಯಾಣ ಮಹಾರಥೋತ್ಸವದಲ್ಲಿ ಅವಘಡ: ರಥದ ಗಾಲಿಗೆ ಸಿಲುಕಿ ಇಬ್ಬರು ಮೃತ್ಯು