ಕೋವಿಡ್ : 14 ಜನ ಗುಣಮುಖ

Team Udayavani, Jun 18, 2020, 11:54 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ವಿಜಯಪುರ: ಜಿಲ್ಲೆಯಲ್ಲಿ ಬುಧವಾರ ಕೋವಿಡ್‌ ಸೋಂಕಿತರ ಪತ್ತೆಯಾಗಿಲ್ಲ, ಬದಲಾಗಿ ಕೋವಿಡ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ರೋಗಿಗಳಲ್ಲಿ 14 ಜನರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿ ಮನೆಗೆ ಮರಳಿದ್ದಾರೆ.

ಜಿಲ್ಲೆಯ ಕೋವಿಡ್‌ ಸ್ಥಿತಿಗತಿ ಕುರಿತು ವಿವರ ನೀಡಿರುವ ಜಿಲ್ಲಾಧಿಕಾರಿ ವೈ.ಎಸ್‌. ಪಾಟೀಲ, ಜಿಲ್ಲೆಯಲ್ಲಿ ಈವರೆಗೆ 26942 ಜನರ ಗಂಟಲು ದ್ರವ ಮಾದರಿ ಸಂಗ್ರಹಿಸಿ ಪ್ರಯೋಗಾಲಯಕ್ಕೆ ಕಳಿಸಿದ್ದು, 26,558 ಜನರ ವರದಿ ನೆಗೆಟಿವ್‌ ಬಂದಿದೆ. 236 ಜನರಲ್ಲಿ ಸೋಂಕು ದೃಢಪಟ್ಟಿದ್ದು, 148 ಜನರ ವರದಿ ನಿರೀಕ್ಷೆಯಲ್ಲಿದ್ದೇವೆ.

ಸೋಂಕಿತರಲ್ಲಿ ಬುಧವಾರ ಆಸ್ಪತ್ರೆಯಿಂದ ಬಿಡುಗಡೆ ಆಗಿರುವ 14 ಜನರು ಸೇರಿದಂತೆ ಈವರೆಗೆ 196 ಜನರು ಆಸ್ಪತ್ರೆಯಿಂದ ಮನೆಗೆ ಮರಳಿದ್ದಾರೆ. ಕೇವಲ 34 ರೋಗಿಗಳಿಗೆ ಕೋವಿಡ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ವಿವರಿಸಿದ್ದಾರೆ. ರೋಗದಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿ ಮನೆಗೆ ಮರಳಿದವರನ್ನು 20 ವರ್ಷದ ಮಹಿಳೆ ಪಿ1184, 70 ವರ್ಷದ ವೃದ್ಧೆ ಪಿ3927, 58 ವೃದ್ಧೆ ಪಿ4833, 30 ವರ್ಷದ ವ್ಯಕ್ತಿ ಪಿ5011, 42 ವರ್ಷದ ಮಹಿಳೆ ಪಿ5013, 8 ವರ್ಷದ ಬಾಲಕಿ ಪಿ5427, 28 ವರ್ಷದ ಮಹಿಳೆ ಪಿ5428, 22 ವರ್ಷದ ಮಹಿಳೆ ಪಿ5429, 25 ವರ್ಷದ ಮಹಿಳೆ ಪಿ5984, 35 ವರ್ಷದ ವ್ಯಕ್ತಿ ಪಿ6114, 26 ವರ್ಷದ ಮಹಿಳೆ ಪಿ4598, 36 ವರ್ಷದ ವ್ಯಕ್ತಿ ಪಿ4811, 25 ವರ್ಷದ ವ್ಯಕ್ತಿ ಪಿ5977 ಹಾಗೂ 24 ವರ್ಷದ ವ್ಯಕ್ತಿ ಪಿ5978 ಎಂದು ಗುರುತಿಸಲಾಗಿದೆ.