ಕಹಿ ಮೆಂತ್ಯೆಯ ಸವಿ: ಆರೋಗ್ಯಕ್ಕೆ ಬಹು ಉಪಕಾರಿ

Team Udayavani, Jan 9, 2021, 12:06 PM IST

ಆಹಾರ ಶಾಸ್ತ್ರದಲ್ಲಿ ಮೆಂತ್ಯೆಕ್ಕಿದೆ ಅತೀ ಶ್ರೇಷ್ಠ ಸ್ಥಾನ. ಬಾಯಿಗೆ ಕಹಿ ಎನಿಸಿದರೂ ಆರೋಗ್ಯದ ದೃಷ್ಟಿಯಿಂದ ಮೆಂತ್ಯೆ ಬಹು ಉಪಕಾರಿ. ಮೆಂತ್ಯೆಬೀಜದ ಹಲವು ಉಪಯೋಗಗಳ ಬಗ್ಗೆ ಇಲ್ಲಿದೆ ಮಾಹಿತಿ

* ಮೆಂತ್ಯೆಬೀಜವು ವಿಶಿಷ್ಟ ನಾರಿನಂಶ Ga lactomannan ಅನ್ನು ಹೊಂದಿದೆ. ಇದು ಕರುಳಿನಲ್ಲಿ ಗ್ಲುಕೋಸ್‌ನ ಹೀರುವಿಕೆಯನ್ನು ಕಡಿಮೆಗೊಳಿಸುತ್ತದೆ.

* ಪ್ರತಿದಿನ 5-10 ಗ್ರಾಂ ನಷ್ಟು ನೆನೆಸಿದ ಮೆಂತ್ಯೆವನ್ನು ಸೇವಿಸುವುದರಿಂದ ಮದುಮೇಹವನ್ನು ಹಿಡಿತದಲ್ಲಿಟ್ಟುಕೊಳ್ಳಬಹುದು.

* ಒಂದು ಟೇಬಲ್ ಸ್ಪೂನಷ್ಟು ಮೆಂತ್ಯೆ ಬೀಜದಲ್ಲಿ 35.5 Kcals, 2.5 ಗ್ರಾಂ ಪ್ರೋಟಿನ್, 6.4 ಗ್ರಾಂ ಕಾಬೋಹೈಡ್ರೇಟ್, 0.7 ಎಂ.ಜಿ ಪ್ಯಾಟ್, 2.7 ಗ್ರಾಂ ನಾರಿನಂಶ, 3.7 ಗ್ರಾ ಕಬ್ಬಿಣಾಂಶ ಹೊಂದಿರುತ್ತದೆ

* cಬೀಜದ ಉಪಯೋಗದಿಂದ ಎದೆ ಹಾಲಿನ ಉತ್ಪತ್ತಿಗೆ ಸಹಾಯಕಾರಿ, ಪಚನ ಕ್ರೀಯೆಗೆ, ಕೊಲಸ್ಟ್ರಾಲ್ ನಿಯಂತ್ರಣಕ್ಕೆ, ಆಸಿಡಿಟಿ ನಿಯಂತ್ರಣಕ್ಕೆ, ಋತುಚಕ್ರ ಸಂಬಂಧಿ ಸಮಸ್ಯೆಗಳಿಗೆ ಸಹಕಾರಿ.

* ಮೆಂತ್ಯೆ ಸೊಪ್ಪಿನ ಪಲ್ಯಾ, ಸಾಂಬಾರು ಅಥವಾ ಚಪಾತಿಯೊಂದಿಗೆ ಬೇಯಿಸಿ ಸೇವಿಸಬಹುದು.

* ಚರ್ಮದ ಕಾಂತಿಗೆ ಮೆಂತ್ಯೆವನ್ನು ಹಾಲಿನೊಂದಿಗೆ ಬೆರೆಸಿ ಹಚ್ಚಿಕೊಳ್ಳಬಹುದು, ಕೂದಲಿನ ಬೆಳವಣಿಗೆಗೂ ಮೊಸರಿನೊಂದಿಗೆ ಸೇರಿಸಿ ಹಚ್ಚಿಕೊಳ್ಳಬಹುದು.

ಮೆಂತ್ಯೆ ಟೀ ಮಾಡುವ ವಿಧಾನ

ನೀರು ಕುದಿಯುವಾಗ 1/4 ಚಮಚದಷ್ಟು ಮೆಂತ್ಯೆ ಪುಡಿ ಹಾಕಿ 3-5 ನಿಮಿಷ ಕುದಿಸಬೇಕು, ಸೋಸಿದ ನೀರಿಗೆ 2-3 ಹನಿ ನಿಂಬೆ ರಸ ಹಾಗೂ 2-3 ಹನಿ ಜೇನು ತುಪ್ಪ ಹಾಕಿ ಸೇವಿಸಬಹುದು. (ತುಳಸಿ ಎಲೆ ಮತ್ತು ಪುದೀನಾ ಎಲೆಗಳನ್ನ ಸಹ ಸೇರಿಸಬಹುದು) ಇದು ಮಧುಮೇಹಿಗಳಿಗೆ ಅಷ್ಟೇ ಅಲ್ಲದೆ ಇತರರಿಗೂ ಸಹಕಾರಿ.

ಅಕ್ಷಯ ಶೆಟ್ಟಿ

ಅಹಾರ ತಜ್ಞರು